خبر سار لكل موظفي الدولة بخصوص العلاوة السنوية والمقررة وفقاً لقانون الخدمة المدنية
وزير التخطيط الدكتور اشرف العربي

مع وضع اللمسات الأخيرة لقانون الخدمة المدنية المعدل والذي يقر بأحقية العلاوة السنوية للعامل بنسبه لا تقل عن 7%سنوياً، بعد ما كان تطلب سنوياً من رئيس الجمهورية في أول شهر مايو بمناسبة عيد العمال.

فكل موظف في الدولة يتذكر ذلك المشهد المتكرر سنوياً للرئيس الأسبق محمد حسني مبارك، عندما يدخل لإلقاء خطبة عيد العمال في الأول من مايو كل عام، ونسمع في نهاية الخطبة المقولة الشهيرة من نواب مجلس الشعب أو أعضاء اتحاد العمال قائلين ” العلاوة ياريس” فيسارع الرئيس بإعلان علاوة بقدر 5% لجميع العاملين في الدولة ومع بعض الإلحاح تصل إلي 10%.

فقد انهي قانون الخدمة المدنية المعدل الحاجة إلى الإلحاح  أو طلب العلاوة، وأصبحت حق واجب للعامل يتقاضاها سنويا، وهنا يزيل القانون فكرة أن العلاوة منحه يقوم بإعطائها رئيس الجمهورية والتي أصبحت من الحقوق المكررة للعامل  قانوناً والتي يتقاضاها سنوياً، والتي تقدر  بنسبه لا تقل عن 7% بنص القانون الجديد  “للعامل الحق في علاوة سنويا في الأول من يوليو كل عام  تحسب وفقاً للأجر الوظيفي، ويختص رئيس الوزراء سنويا بتحديد نسبه العلاوة”.

ومن مميزات العلاوة السنوية أنها تحسب على الأجر الوظيفي وليس الأجر الأساسي، الأمر الذي يدفع العامل إلي بذل قصار جهده للحصول عليها وعلى ترقيات في وقت سريع، بعد ما كانت الترقية كل 8 سنوات في القانون القديم أصبحت كل 3 سنوات وفقاً لقانون الخدمة المدنية المعدل، والهدف من ذلك إجراء أصلاحات في الهيكل الوظيفي والإداري للدولة.

تابعنا على المواقع الاجتماعية ليصلك الجديد أولا بأول

التعليقات

  1. الى متى ياسياده وزير التخطيط هتفضلوا التاخير فى صرف العلاوه الدوريه ال7 فى المائه حرام عليكم الاسعار اكلت الموظفين وكانو ا حاطين املهم فى صرف علاوه ذى المعاشات حرام كدة الكذب على الناس كفايه الحافز ثبت ولم يتحرك وهل هذة العلاوه تعوض ارتفاع الاسعار الجنونى ياريت ترجع ايام مبارك تانى الموظف كان بيعرف هيزيد كام من شهر فبراير من كل عام 0

  2. انتا والرئيس بتاعك حرميه وفى كرثة قادمة من صندوق النقد وانتوا طبعا هتيجوا على الفقير والموظف والشعب الغلبان بس لاكن رجال الاعمال والناس اللى بتلعب بالفلوس لعب طبعا دول خط احمر لما تقول يا جموسة فى خبر سار يكون فى خبر سار ايام مبارك يا متخلف كانت العلاوة بتنذل رسمى مش بنتحايل على حد هو انتا كنت نايم وبتحلم يا متخلف انتا وكمان الفلوس اللى انحطت فى قنات السويس اتحطت على الفاضى والخبرة الامريكان اللى انتوا بتجبوهم عشان يشوفوا القناة قالوا ان لازم القناة تتردم فى اسرع وقت ممكن لانها خطر كبير على قناة السويس ومن يوم منعملة وهى لا تدخل اى فلوس للبلاد يعنى فقرتوا البلد على الفاضى ومن يوم محط البيه رجلوا فى البلد والبلد بتخرب يا حرمية والاسعار كل يوم فى الطالع وانتوا مش عرفين تعملوا حاجه يعنى قلتكوا احسن انتوا اخركوا تكونوا راساء جراج سيارات او راساء مرجيح مولد النبي مش تنفعوا تمسكوا بلد ذى مصر اخركوا قرية او عزبة تحكموها وكمان هتخرب فان فلوس الدولة يا حرمية يا نؤر من سنتان واحنا بنعانى من ارتفاع الاسعار ومفيش اى ذيادة ومش بيرخص غير المواطن البسيط بس وانتوا عملين تعبوا من اموال الدولة وسوسرا تشهد على حسباتكم هناك واصحاب البلد الحقيقيين بيموتوا من الجوع والفقر والزل والعلاوة اللى كانت بتيجى كل سنه كانت رسمى كل شهر سبعة وكان فى علاوة الاضافية دى اللى كانت بتيجى فعلا عندما كنا نقول العلاوة يا ريس يا شويت شمامين وحرمية دلوقتى بتحسسونة انكم بتعملوا معروف فينا لا يا كلاب دى كانت رسمى وكان البية بيقول انا مش هجيب اى فلوس من الخارج عشان اسد الدين المصري اصبح الدين المصري 3ترليون ودى مش حصلة فى مصر قبل كده يعنى رفعتوا الدان المصري وكمان مفيش زيادة وكمان بتحسسونا انكم بتدونا من جيبكم مرتبتنا طب هتعملوا ايه فى البهوات اللى مرتبتهم 2او3مليون فى الشهر يا حرمية يا اولاد الحرمية البلد هتولع وانتوا السبب يا فسدة يا حرمية بشرا سارة هى دى البشرا يا حرمية

  3. جاب ايه من عنده بقى؟ علشان يعمل اعلان ويقووووول خبر سار؟ والله انا افتكرت انهم حسوا بينا اخيرا وحسوا ان المدارس جت والعيد قبله واحنا مش عارفين نعمل ايه قربنا نطلع فالشارع ونصوت ونقول يا خلق هو ارحمونا والله قطعت طرحى وعملتها فساتين لبناتى وابوهم بيشتغل على اخره وده علشان بس ما حدش يقولنا يا تنبلة اشتغلوا الاول وبعدين اطلبوا زيادة احنا تعبنا

  4. ههههههههههههه بلح والله اول ما شفت الاعلان افتكرت انه فى حاجة هتفرحنى فعلا عالاقل والمدارس داخلة هى والعيد ومش عارفين نعمل اييييييييييييييييييييييه

  5. ضلال فى ضلال
    لعنة الله عليكم
    العلاوة الدورية كانت تضاف مباشرة على مرتب شهر سبعة اما المنحة التى كان يقرها رئيس الجمهورية فكانت فى عيد العمال وكانت تصل الى 30% احيانا بخلاف العلاوة الدورية
    وحاليا لنا 3 سنوات لا علاوة ولا منحة حسبى الله ونعم الوكيل

  6. العلاوة المذكورة بالقانون هي العلاوة السنوية وهي معروفة من الأزل اللي تغير انها تكون من الراتب الشامل أما كتابة و ذكر ان الموظفين كانوا يسجدون العلاوة فهي كذبة كبيرة لأن الموظفين بعيد العمال كانوا بطالبوا بعلاوة اجتماعية اضافية و كانت من 10 الي 20 في المائة و حدها الأقصي كان من 100 الي 200 جنيه

  7. انشرها وكن انت الاعلام البديل وصل صوتنا للمسؤلين وللشعب اليوم 2\8\2016 فات عام ولم يخرج الينا الرئيس ويقول ماذا تم مطلوب من الكل يسئل الدوله ليه رافضين التنفيذ ولمصلحة من لاتقول اخوانى ولا ارهابى تبقى اهبل لو قلت ذلك احنا فى ورطه وفى كارثه مطلوب فيها العمل والانتاج مطلوب نسئل لماذا لم يتم تنفيذ اضخم مشروع قناة طابا العريش لماذا لم يتم تنفيذ مشروع مجمع الاديان فى سيناء لماذا لم يستكمل مشروع شرق التفريعه كاملا مين المسؤل ولمصلحة من ولماذا لم يتم محاكمته بتهمة الخيانه العظمى وليه الصمت وعدم الرد اللى مش عارف ينفذ يرحل ويترك الامر للمخلصين فى البلد ينفوه خربتم مصر ربنا يخرب بيوتكم بيت بيت=========
    محمد الزينى
    2 أغسطس، 2015 ·
    عايزين الرئيس يسئل وزير الزراعه هل نفذت مشروع المائة مليون شجرة زيتون وهل صممت النظومه التى ستعمل بجانب هذا المشروع تنفيذ اضخم محطة تحلية مياه وانتاج الكهرباء ولها مهام اخرى تعمل بدون وقود توفر لمصر120 مليار دعما للوقود اختراع البرفوسير عبد الحليم عبد القادر الهندسه النوويه بجامعة الاسكندريه والجامعه عملت مؤتمر صحفى لهذا الامر==هل طلبت من رئيس جامعة النهضه ببنى سويف تنفيذ محطة كهرباء تعمل بالمغناطيس هل سئلت المسؤلين من المسؤل عن عدم تنفيذ اضخم محطة تحلية مياه تنتج كهرباء تعمل بدون وقود ارخص محطه قوتها تعادل قوة السد العالى مره ونصف مسجله براءة اختراع من عشرات السنين ارسلتها للرئيس ولكل مسؤل انها اعظم اختراع تغنينا عن المحطات النوويه مخترعها فهمى نشات عطا ميخائيل من المسؤل عن تنفيذ هذه الاختراعات المطلوب وفورا محاكمتهم علنا بتهمة الخيانه العظمى====والاهم والمهم حدثت كارثة سد النهضه وكارثه اخرى السودان بنت سدين ومطلوب وفورا تنفيذ اعظم اكتشاف سيغير وجه تاريخ مصر والامه العربيه وهو اكتشاف المرحوم الدكتور احمد مستجير الزراعه بالماء المالح ارز ذره قمح بقول نباتات الرعى البلوبانك نفذته الهند وكسبت منه مليرات ونفذته دول اخرى ولم تنفذه مصر====البترول سينبض وينتهى ولم نفكر فى البديل وهو زراعة اشجار الجوجوبا والمورينجا والتجاروفا اسرائيل سبقتنا وكسبت وتكسب مليرات واحنا لم ننفذه ليه انها الخيانه العظمى لمصر وشعبها ========وتسئل وزير الكهرباء هل استخدمت ونفذت مشروع منخفض القطاره بصفتك رئيس هيئة تنفيذ مشروع منخفض القطاره وتسئله هل طبق اختراعات محطات انتاج الكهرباء سالفة الذكر=====وتسئل وزير الرى ورئيس هيئة موانى مصر هل نفذتم مشروع شق قناة طابا العريش اعظم مشروع يجعل مصر من اغنى اغنياء دول العالم وهل رئيس الوزراء محلب ووزرائه حيستفيدو من نظرية بناء المساكن التى نفذها المرحوم المعامرى حسن فتحى وهل سيستفيدو من افكار الدكتوره زينب الديب فى بناء القرى والترع والجسور التى طبقتها فى مشروع الاكتفاء الذاتى طوال10 سنوات والتى قتل مشروعها يوسف والى وحرامية الاستيراد لمنع مصر من الاكتفاء الذاتى ممكن سيادة الرئيس تسئلهم والمقصر يروح يقعد فى بيتهم ولا ايه

  8. اللي كتب هذه المقاله . او اللي نشرها. مش فاهمين حاجه خالص ..مش عارف مين اللي حب يضحك الناس عليكم.

  9. ولماذا لا تضاف على الاساسى مش كفاية الاساسى لم يتحرك من سنتين انتو بتضحكوا علينا ولا على انفسكم كل العمال والموظفين رافضين هذا القانون وعايزين القانون القديم يبقى موجود و حرام عليكم سيبوا العمال فى حالها ومش عايزين حاجة منكم وربنا ينتقم من مجلس الشعب الذى جاء ضد الناس واصبح عميل لحكومة غبية

  10. ربنا يخدكم انتو بتبعتو رسائل كدابه لمين وترقيات ايه اللي اساسا القانون لغاها تقريبا الا للوساطه والمنافقين واللي كان في عيد العمال كانت منحة عيد العمال مش العلاوه هو حضراتكم ما سئلتوش حد من الموظفين

  11. مناففففففففففففففففففففففففففقوووووووووووووووووووووووووونننننننننننننننننننن

  12. عمرنا ما سمعنا عن علاوة اقل من 10 فى المائة انتو بتكدبوا وتصدقوا كدبتكم طول عمر العلاوة عشرة فى المائة

  13. يا وزير كذاب ومنافق العلامه ايام مبارك كانت بتكون 30 فى المائه
    مش 7 فى المائه 50 جنيه كل سنه ياشوية حرميه

أضف تعليقاً

لن يتم نشر عنوان بريدك الإلكتروني.