#‏متضامن_مع_الشافعي‬: طالب ثانوية عامة متهم بتسريب الإمتحانات
متضامن_مع_الشافعي

انتشر على مواقع التواصل الإجتماعي هاشتاج بعنوان “#‏متضامن_مع_الشافعي‬” بالإضافة لإيفنت بنفس الإسم، وتبدأ الواقعة عندما قام طالب ثانوية عامة يدعى عبدالله محمد الشافعي بنشر بوست يوضح فيه حقيقة اتهامه بتصوير امتحانات الثانوية العامة وتسريبها على مواقع التواصل الإجتماعي.

منشور عبدالله الشافعي

منشور رقم 1

انا طالب في مدرسه الفاروق عمر الثانويه في محافظه المنوفيه اداره السادات اسمي عبدالله محمد الشافعي كنت رايح امتحان التفاضل وكان معابا موبايل وانا داخل بتفتش شافوا الموبايل قالولي اتصرف فيه روح وديه اي حته وتعالي والساعه كانت 9 المهم من هنا لهنا قالولي خلاص اقفلوا وحطه في جيبك طلعت الامتحان الساعه 9:10 كدا اخذت ورقه الامتحان وجاي احل وخلاص لقيت بعدها ب 8 دقائق جاي الامن ومعاه الشرطه وجايين بيقولولي طلع الموبايل الي معاك المهم طلعتوا وكان مقفول زي مقالولي تحت .. المهم لاقتهم بيقولو هو ده الي بيسرب الامتحان وهو ده الي صور الورقه وعملوا فرح في اللجنه المهم انا قاعد في اول مقعد والمراقب قاعد في وشي المهم بتكلم بقولهم انا قاعد هنا والمستر في وشي ازاي هطلعوا واصور وكل دا اصلا اذاي وانا داخل مكملتش 10 دقائق واللجنه كلها تشهد قالولي جالنا انذار من الوزاره اني في موبايل في المدرسه في اللجنه دي الي هو انت صور الامتحان ونزلوا قولتلهم والله محصل قالولي انت معاك موبايل ليه اسسا قولتيلهم بطمن اهلي وجيت تحت قالولي روح اتصرف فيه ومكنش في وقت وبعد كدا قالولي اطلع بيه مقفول قالولي محصلش المهم عملوا محضر غش وكانوا بيكتبوا فيه تم ضبط الطالب اثناء تصوير ورقه الامتحان المهم قلت محصلش وروحت علي الاستاذ الي بيكتب المحضر قام اخذ المحضر وطلع يكتبوا بره والامن مسكني مش عايزني اتحرك دخل الاستاذ وبيقولي امضي قولت مش ماضي لقيت الكل عمال يقول امضي امضي وهما تحت في الكنترول هيفتحو الموبايل ولو انتا مصورتش حاجه مش هيحصل حاجه المهم قولت طب اقرأ المكتوب قالولي لا امضي خلص عشان الدوشه في اللجنه هتمضي ولا نلغي الماده بتعتك المهم مضيت المهم مكنش باقي بقي بعد كل دا غير نص ساعه والوقت ضاع ومعرفتش احل حاجه خلصت امتحان نزلت للراجل الي قالي ادخل ب الموبايل بقوله مش حضرتك قولتلي ادخل ب الموبايل بس مقفول ممكن تيجي تقولهم كدا قالي وانا اروح في داهيه بسببك الكلام دا محصلش دخلت جوه بتكلم مع رائيس اللجان بقوله الموبايل فين بيقولي اتحرز ورايح مع ورقتك الوزاره قولتيله ازاي وقعدت اشتم واعالي في صوتي راحوا جايبين الامن مطلعني بره المدرسه روحت مروح لقيتها جات علي النهار وموقع الوزاره واليوم السابع والحوار اتشهر وانتشر فضلت ساكت لحد مروحت الامتحان اللي جاي روحت بقولهم مكتوب كذا كذا وانني انا صورت الامتحان و انا الي بسرب الامتحنات وبتاع قالي لا كل دا كلام اطلع كمل امتحناتك عادي ومفيش حاجه قلتيله طب الموبايل قالي هيجي الامتحان الي جاي ابقي تعالي خده المهم رحت الامتحان الي بعده بسال علي الموبايل قالولي انت الي بتصور وبتسرب وعايز تقول اي حاجه روح اتكلم في الوزاره المهم ماخذتش معاهم حق ولا باطل والحوار كبر المهم وصل لي والدي امبارح اني في فاكس من الوزاره اتبعت لي اداره السادات الي هنا انه هيتم اللغاء امتحاناتي كلها وحبس مده لا تقل عن 6 شهور وغرامه 50 الف جنيه حسبي الله ونعم الوكيل مش عارف اعمل ايه ولا اتكلم لمين ولا اشتكي لمين ولا مين هيسمعني اصلا شير

منشور رقم 2

عايز ارد ع الكلام اللي بيتقال عني .. اول حاجة انا منزلتش النهاردة عشان دة كان هيسبب مشاكل للناس اللي موجودة بسببي قبل المشاكل اللي هتحصلي و الموضوع بدل ما يتحل هيكبر و بدل ما تبقى مشكلة طالب هتبقى مشكلة 100 طالب و ماكناش هنقدر نجيب حقنا .. و الناس اللي نزلت دي كانت نازلة لغرض تاني و الناس كلها عارفة كدا و احنا امبارح كنا قلنا ماحدش ينزل باسمي و الناس جت النهاردة تقولي الناس نزلت و انت مانزلتش ليه .. انا ماقلتش اني هنزل و جيت رجعت ف كلامي ..
و انا مش بايع القضية زي ما الناس بتقول انا بس عايز الموضوع يتحل من غير مشاكل عشان مستقبلي مايضعش و ماحدش هيحس بحجم المشكلة غير لما يتحط فيها
و انا ماقلتش اني الطالب اللي هيدخل يجيب 100% انا حتى لو كنت داخل اكتب اللي ينجحني مثلا يعني او اكتب اللي اعرفه مثلا بس ماكنش ف نيتي اني اغش يعني ماحدش ليه دعوة بمستوايا عامل ازاي ف التعليم مش دي قضيتنا .. قضيتنا دلوقت اني اتظلمت و ربنا لوحده هو اللي عالم اني صادق ولا كاذب و مظلوم ولا لا
و بالنسبة للناس اللي بتكدبني و بيقولوا اي كلام ف حقي مع ان لو حد فيهم او حد تبعهم مكاني اكيد ماكنش هيبقى موقفهم كدا فانا بقول اي حد معاه دليل ع اي كلام بيقوله او حد معايا فاللجنة شافني و انا بصور يبقى ليه حق يتكلم و اللي معاه دليل ينزله و يواجهني بيه و انا مستعد لدة لكن بلاش سمعت و سالت و قالوا و ماعرفش ايه
دة حتى وصلت بالناس انهم بيقولوا بينزل الشارع و بنشوفه و دة مش فارقة معاه و ماعرفش ايه !
يعني حتى بيتكلموا ف نزولي الشارع اللي هي الحاجة الطبيعية اللي اي حد بيعملها
– و بقول تاني اني قاعد قدام الباب ف اللجنة و المراقب بيقعد ف وشي
– و بقول تاني ان الموبايل متاخد بعد دخولي اللجنة بحوالي 10 دقايق و الموبايل هم اللي مطلعينه من جيبي و كان مقفول
– و بقول تاني ان لو فعلا تمكنت قوات مكافحة الغش من ضبتي و انا مصور الامتحان و رفعته ع اي صفحة او اي حتة ينزلو الصورة اللي انا صورتها و اكيد لو صورت ختم المدرسة بيبقى ع ورقة الاسئلة
– و بقول تاني انا موبايلي متحرز ف الوزارة وخدوه من جيبي زي ما هو و لو انا صورت فعلا و الصورة موجودة ع موبايلي بتاريخ و وقت اللجنة حتى لو انا صورت الصورة و مسحتها مش هيغلبوا يعملوا Recovery للحاجات اللي ممسوحة و انا كمان اللي بقولكوا اهو تعملوا ايه عشان تلاقوا حاجة تمسكوها ضدي و لو فعلا عليا حاجة انا مستعد اشيل الليلة

انا محتاج الناس تبقى معايا مش ضدي عشان كلنا ف مركب واحدة و كل بوم حد بيتظلم و ممكن اي حد يبقى مكاني.

و انا مؤمن باللي انا بقوله و مش هسكت حتى لو حصل و بقيت لوحدي بس مش هسكت ع الظلم و مش هضيع حقي.

 

 

وحصد منشور عبدالله تفاعل الآلاف من النشطاء على مواقع التواصل الإجتماعي، وتم تدشين وسم لدعم قضية الطالب ونشر قصته لتصل إلى المسئولين.
وذهب البعض أن الواقعة للتغطية على فشل المسئولين في وزارة التربية والتعليم في التعامل مع ملف تسريب إمتحانات الثانوية العامة.

تفاعل المستخدمين مع هاشتاج ‫#‏متضامن_مع_الشافعي‬

 

Screenshot_2016-06-30-22-54-12 Screenshot_2016-06-30-22-54-38 Screenshot_2016-06-30-22-54-49

 

 

 

 

 

شاركنا رأيك حول هذه القضية: هل أنت أيضاً #‏متضامن_مع_الشافعي‬؟

تابعنا على المواقع الاجتماعية ليصلك الجديد أولا بأول

التعليقات

    أضف تعليقاً

    لن يتم نشر عنوان بريدك الإلكتروني.