مفاجأة.. “البرلمان” يبدأ بتعديل قانون “الإيجار القديم” الذي يسمح للمالكين بفسخ التعاقد عبر الحالات التالية
قانون الإيجارات

مازالت قضية تعديل قانون الإيجار القديم، تشهد حالة من الشد والجذب، من ناحية تعديل القانون من عدمه، ومدى مراعاة حقوق المالك والمستأجر، فقد أعلن “معتز محمود”، رئيس لجنة الإسكان والمرافق بمجلس النواب، أنه يتم حالياً مناقشة المشروع المقدم لتعديل قانون الإيجار القديم.

وأوضح “معتز”، بأن القانون الذي يتم مناقشته من قبل لجنة الإسكان بمجلس النواب تضمن ثلاث حالات يمكن من خلالها للمواطنين من مالكي العقارات المؤجرة قديماً من فسخ العلاقة الإيجارية، وهي:

  • قيام المستأجر باستخدام العقار المؤجر له لأغراض غير أغراض السكن.
  • ثبوت ملكية زوجة المستأجر لأي وحدات سكنية أو أيًا من أقاربه من الدرجة الأولى داخل نفس المحافظة.
  • ثبوت ملكية المؤجر لفيلات وقصور في الساحل الشمالي أو أماكن المصيف أو هجرة المستأجر خارج البلاد مرت على هجرته خارج مصر أكثر من 4 إلى 5 سنوات.

%d9%84%d9%82%d9%84%d9%82%d9%84%d9%82

ومن ناحية أخرى، أشار رئيس لجنة الإسكان بمجلس النواب، أن مشروع تعديل قانون الإيجار القديم يتضمن عدد من التعديلات بهدف الوصول إلى صيغة معينة ترضي جميع أطراف العلاقة التعاقدية وهو المالك والمستأجر بنظام الايجار القديم، مشيراً، بأن القانون سيتضمن توريث العقار أو الوحدة السكنية فى نظام الإيجار القديم لمرة واحدة، وبالتالى ستعود ملكيتها للحكومة بعد انتهاء مدة العقد المنصوص عليها 59 عامًا، وأن الانتهاء من القانون سيكون بنهاية عام 2017.

untitled

تابعنا على المواقع الاجتماعية ليصلك الجديد أولا بأول

التعليقات

  1. يعنى ايه تورث مره واحده وبعد كده تعود ملكيتها للحكومه؟؟؟ والله انتو حكومه بت ستين كلب وفعلا عصابه ربنا ينتقم منكم

  2. يعني علشان اخودشقه اجار قديم امنع اخواتي انهم يجبو شقق ايه ده طب افرض مراتي ابوها جبلها شقه او ورست انا عقدي يتفسخ انتو بتتكلمو ازاي

  3. الكلام ده مش ميعادة الان بكده انتوا عايزين البلد تولع صاحب الملك القديم اخذ حقه وزياده والاسعار دى كانت فى زمنها كده السكان تروح فين كفايه طمع كفليه جشع

  4. 1_ لماذا قانون 4 لسنه 1996 يقع تحت مسمي الايجارات القديمه مع ان العقود محدده المده وموثقه ببنود اساسيه وبنود بين المالك والمستاجر على تسليم السكن فى الوقت المحدد .
    2_ لماذا يورث ابناء المستأجرين بغير سند ولا ذكر فى العقود الايجاريه فى الاستثمارات والاملاك الخاصه .
    3_ لماذا تاخذ الضرائب العقاريه ضرائب على عقار كامل و املاك خاصه واستثمار لمواطن فى الدوله لا يدر دخل بثمن كيلو ليمون .
    4_ لماذا تصر الدوله على قانون الايجارات القديمه سوسه ومدمر العقارات ومشوه البنيه التحتيه والمنظر العام .
    5_ لماذا الاملاك الخاصه كل هذا الجور والظلم وقتل الاستثمار او التطوير .
    6_ لماذا الفتنه الطائفيه بتوريث الديانات فى بعضها البعض دون الرجوع للدين والشرع .
    7_ لماذا القرارات والتعديلات فى الايجارات القديمه فى الاملاك الخاصه تحت وصايه الدوله ولها حكم التصرف بها بطريق غير مباشر بقانون الاحق ولا شرعي .
    8_ لماذا تسليم المستأجرين قديم سكن من التضامن الاجتماعي دون ترك القديم لمالكه .
    9_ لماذا مالك العقار القديم محروم واهله من الاستمتاع بملكه الذي حلله الله له بعرقه وكده وعمله خارج مصر او داخلها بكسب يده .
    10_ لماذا تطبيق الاحكام بدون اي مبرر وتدمير اسره المالك لعقار وتدمير حياه ورثته وتشريدهم وكان ليس لهم اب ولا لهم ارث شرعي فى املاك ابائهم .
    11_ لماذا لا يتقواا الله فى مواطنين خدموا الدوله لاكثر من عقد من مالهم ورزقهم وعلى حساب اولادهم وقذفهم الي الحياه البائسه برغم من حقوقهم .
    12_ لماذا الاملاك الخاصه احل واهدر و مص دمائها .
    13_ لماذا يكون اصحاب الاملاك و اولادهم وورثتهم هم مسببي ومطالبي حق السكن من الدوله رغم وجود املاكهم فى ايدي مغتصبه بقانون دمر حياتهم ولا يستطيعوا الحصول على سكن كريم بسبب املاكهم بدون املاك .
    14_ افيقواااااااا بالله عليكم لان المشكله تتكدث ووصلت لعنق الزجاجه .
    15_ لماذا لا يعمل تعديل لفتره انتقاليه لا تزيد عن 3 سنوات حتي تعدل الدوله او المستأجر وضعه لحياته ونفسه واولاده دون اكل اموال الناس بلباطل وعلى حساب الاسر والورثه في املاكهم الخاصه .

  5. قانون عار هو فية عقد ايجار بيورث لواحد تانى اتقوا ربنا ربنا ينتقم منكم والى بيدفع 5 جنية من سنة 65 يعنى دفعلة لاحد الان يجى 3000 جنية يجى يقول ما هو المالك اخد حقة وعايز المحروس ابنة يقعد هو كمان فى حاجة الناس يبقى سائق التاكسى لم تمن التاكسى ونركب ببلاش معاة روح قول لسواق التاكسى انت لميت تمن التاكسى هركب ببلاش شوف هيعمل اية فيك ساعتها دى اسمها عقد ايجار مش عقد تمليك وكفاية وساخة واستنطاع والحق يرجع لاصحابة

    1. اه فى عقد يورث انت بانى البيت من امتى وبكام ودلوقتى عايز تمش السكان من البيت علشان الجشع اللى مالى الناس وهو لم يمشى من البيت دلوقتى يسكن فين وبكام بطلو اللى اتتو فيه انت خت حق من البيت اللى تقدر تتكلم فيه ان يتعمل حد ادنى للايجار ده ممكن اما تمشى لا يعنى اللى بيدفع 5جنية مينفعش فى الزمن ده مثال ان يتم عمل حدى ادنى مثلا100جنيهكل شهروالزيادة كل سنة مثلا 5% انا بقول الكلام ده وانا من صحاب العمارات وعندى سكان ايجار قديم او يوجد حل تانى ادفع لصاحب الشقة مبلغ يتم الاتفاق عالية من الطرفين علشان الساكن يقدر يعيش برده

    2. باشا حفاظا على سلامة الملاك و الدولة لا يجب تطبيق القانون من الاخر هنفشخكم

  6. اخواتى فى الله ان العقد شريعه المتعاقدين كان المالك يذهب الى سمسار لكى يأتى له بمستأجر وكان المالك بيبخر الشقه حتى يأتى لها ساكن وكانت الأجره متفق عليها بين المالك والمستأجر وكانت بالرضا بين الطرفين جيين الأن تتكلموا فى الأيجار واحب اقول شئ هو انا اذا جبت شقه لأبنى لكى يتزوج بها اطرد انا من الشقه التى اسكن بها كيف يحصل هذا هوا عبط ده ولاأيه

    1. جيين يحسبونا يروحو يحسبو جددنا بقي انا عن نفسي لنا محل اجار قديم وفي اغلي الاماكن مش طالع منه لوفيها مووت

  7. اخواتى فى الله ان العقد شريعه المتعاقدين كان المالك يذهب الى سمسار لكى يأتى له بمستأجر وكان المالك بيبخر الشقه حتى يأتى لها ساكن وكانت الأجره متفق عليها بين المالك والمستأجر وكانت بالرضا بين الطرفين جيين الأن تتكلموا فى الأيجار واحب اقول شئ هو انا اذا جبت شقه لأبنى لكى يتزوج بها اطرد انا من الشقه التى اسكن بها كيف يحصل هذا هوا عبط ده ولاأيه

    1. حبيبي فوق لنفسك انت لسه عايش سنة 1960 وايام كيلو اللحمه ب60 قرش شوف دلوقتي الدنيا ازاي واتق الله والله سوف تسال عن ذلك وسيؤخذ من حسناتك اذا كان ليك حسنات اصلا يوم الحساب

  8. بالنسبه للمحلات التجاريه يتم فسخ العقد فورا دون مهله انتقاليه او الوحدات الماجرة دون السكن العيادات المكاتب الهندسيه المحامين وكفايه لحد كدة سرقه فى المالك والله سرقه بقانون ظالم ؟؟؟؟؟؟؟؟

  9. ما فيش حاجة اسمها ارضاء الطرفين
    عايزين الحق يرجع لصاحب الحق
    المستأجر اسمه مستأجر مش مالك
    خلي الباد تتقدم بدل ما بنشحت من الدول العربية وعندنا ثروة مسروقة بشوية مستأجرين لديهم املاك ودخلهم فوق ٥٠٠٠ شهري

  10. حرام قانون ظالم عندى بيت به اثنى عسر شقه بيلم ٤٨ جنيه فى الشهر وانا ساكن فى شقه ايجار جديد ب ٦٠٠ ج دا ظلم دا ظلم ،،،،

  11. قانون الايجارات للمساكن القديمة = ظلم وسرقة وفحش وقهر وسلب ونهب واستعباط واستهبال وغدر قانون ظالم لا يدعمه ويحافظ عليه الا فاجر ظالم . ان اقل مستأجر قانون قديم قد نهب من مالك عقاره دون وجه حق ما لا يقل عن مليون جنيها استثمرها طوال العقود السابقة فما حكم هذه الاموال ؟ وكيف يبرئ الساكن ذمته امام الله ؟ وعلى من يقع وذر السماح لفئه من المجتمع باغتصاب حقوق فئه اخرى من نفس المجتمع بحكم القانون ؟هذا القانون الفاسد الظالم هو سبب كل مشاكل الاسكان وقلة البركة . سيحاسب كل ظالم على ما سلبه من حقوق ملاك المساكن الضعفاء بقوة قانون فاسد ظالم جائر كافر احل اكل السحت وضرب الامن والاستقرار الاجتماعى فى مقتل ونزع البركة عن مصرنا الحبيبة . كيف يبارك الله لامة يسلب نصفها حقوق النصف الاخر بقوة قانون الفساد و العهر والعار ؟؟؟؟؟؟؟؟ هذا القانون ال الغير عادل احل اكل السحت وخالف الدستور وخالف الشرائع السماوية وجميع القيم والمثل والاخلاق لا يدافع عنه الا فاجر ظالم . افيقوا ايها السادة يا من بيدكم اتخاذ القرار وانسفوا هذا القانون وعودوا الى شرع الله لعل الله ينقذنا من كبوتنا . ان الغاء قانون العار هو المفتاح السحرى لحل كل المشاكل التى ذكرتها وكذلك هو المفتاح السحرى لانعاش الميزانية المصرية المهترئة

    1. تسلم وتسلم كلماتك المعبرة والصادقة والموصفة لحالة الخبل الحادث فى مجال العقارات القديمة وهى الثروة التى نهدرها ومبانينا التى نتركها للتاكل والدمار بدون وعى وضد صالح الجميع ملاك ومستأجرين وضد سلامة مجتمعنا من الكراهية والغل والإحباط وهى الظواهر التى إنتشرت فى كل مكان وكل ركن من ارض المحروسة مصر التى تصدعت وتداعت وفقدت جمالها ورونقها تحت تاثير قوانين الإيجار غير الدستورية وغير الشرعية والغير عادلة وعلمت الكثير أشد أنواع الإتكالية والسبهللة والاستعباط وعدم تقييم الأمور بقيمتها الحقيقية فخسر الكل وعم التسيب وسادت اللامبالة . . ولكن اسمعت ان ناديت حيا . . .

  12. لقد ولت عصور الفساد الى غير رجعة واوشكنا على بداية عصر من النهضة والنقاء برئاسة قائد المسيرة المخلص الشريف الرئيس عبدالفتاح السيسى فهل تظل قوانين عصور الفساد مفعلة ام للرئيس راى اخر ؟؟ تلك القوانين التى ادت الى تخلفنا وفساد اخلاقنا واعتداء البعض على اموال وممتلكات البعض الاخر !!!! قانون الايجارات للمساكن القديمة = ظلم وسرقة وفحش وقهر وسلب ونهب واستعباط واستهبال وغدر . قانون اليجارات القديم قانون ظالم لا يدعمه ويحافظ عليه الا فاجر ظالم . ان اقل مستأجر قانون قديم قد نهب من مالك عقاره دون وجه حق ما لا يقل عن مليون جنيها استثمرها طوال العقود السابقة . لا ادرى باى لغة يمكن توصيل الحقائق الواضحة الى تلك العقول التى لا تريد حل المشاكل .
    يا وزير الاسكان ويا حكومة ويا اعضاء مجلس النواب بحسب إحصائيات وزارة الإسكان، تبلغ عدد الوحدات السكنية الخالية فى مصرحوالى 5.2 ملايين وحدة سكنية، في وقت تعاني فيه مصر من مشكلة الإسكان، ويقال إن لديها عجزا كميا، حيث يتركز جزء كبير من هذه الوحدات الخالية في العقارات القديمة التي تخضع للعلاقة الإيجارية الأبدية. لن تستطيعوا حل مشكلة الاسكان بالقروض وبتمليك الشقق فكم يتكلف بناء ثلاثة او خمسة ملايين وحدة سكنية ؟؟؟؟ وكم تحتاج من وقت لكى يتم بنائها ؟؟؟ واين المرافق التى تتحمل هذه الاحمال الزائدة ؟؟؟؟ وانما يمكن حل هذه المشكلة بكل سهولة فورا بجرة قلم تلغى قانون العار قانون الايجارات الابدية للمساكن القديمة وتمنع الظلم عن المظلومين وتفتح ملايين الشقق المغلقة لتدخل فى ميزان العرض والطلب !!!! هل هذه معادلة صعبة يا عباقرة ؟؟؟؟ . ان تحرير العلاقة بين المالك والمستأجر سيضيف المليارات الى خزينة الدولة نتيجة لتحصيلها الضرائب العقارية وسيعيد يافطة شقة للايجار وسيوفر المليارات من ميزانية الدولة تستنزف لبناء الشقق ويضيف مليارات اخرى ثمن بيع اراضى نتيجة انتعاش حركة البناء ويزيد من التوسع العمرانى ويعيد الحقوق الى اصحابها مما يهيئ مناخ مناسب للامن والسلام الاجتماعى وغيرها وغيرها من الفوائد العديدة التى ستعود على الدولة من الغاء هذا القانون الفاسد

    1. تسلم وتسلم كلماتك المعبرة والصادقة والموصفة لحالة الخبل الحادث فى مجال العقارات القديمة وهى الثروة التى نهدرها ومبانينا التى نتركها للتاكل والدمار بدون وعى وضد صالح الجميع ملاك ومستأجرين وضد سلامة مجتمعنا من الكراهية والغل والإحباط وهى الظواهر التى إنتشرت فى كل مكان وكل ركن من ارض المحروسة مصر التى تصدعت وتداعت وفقدت جمالها ورونقها تحت تاثير قوانين الإيجار غير الدستورية وغير الشرعية والغير عادلة وعلمت الكثير أشد أنواع الإتكالية والسبهللة والاستعباط وعدم تقييم الأمور بقيمتها الحقيقية فخسر الكل وعم التسيب وسادت اللامبالة . . ولكن اسمعت ان ناديت حيا . . .

  13. وبالنسبة للمحلات التجارية ايجار قديم هيكون وضعها اية او مسودة القانون اللى هيقدم للتصديق علية بيقول اية

  14. كلام غريب وغير مفهوم ومطاط .
    لنفرض مسافر خارج مصر من 10 سنين واسرته واولاده مقيمين ويدرسون في مصر يفسخ عقده ؟
    رجل موجود في مصر وابنه (قريب من الدرجة الاولى ) اشترى شقة تمليك في نفس الحافظة لنفسه يفسخ عقده ؟مين العبقري اللي قدم القانون ده ؟
    هو ميعرفش ان معظم اصحاب افيجار القديم كبار سن وبالتاكيد اولادهم كبروا وربما اشتروا شقق لنفسهم ؟

  15. شوفه الايجار بالمده بقي بكام والمفتوح بفب بكام حسوا بالناش الغلبه متجوش عليهم اكتر من كدا حرم

  16. وما حكم توريث عقد الايجار فى القانون المقترح فهل يعقل ان تؤجر لشخص مدى الحياة ويظل عقد الايجار قائما بعد وفاة المستاجر وحتى يحين اجل اولاده ربما بعد ستون عاما

  17. هناك مستأجرين أصبحوا ملاك فلل على مساحة كبيرة ,, ويقيمون بها ,, وقد قاموا باغلاق الشقق التى يستأجرونها منذ أكثر من 30 سنة و الشقق مغلقة تقريبا منذ فترة طويلة ,,, أرى أن هناك من يتكلم عن أن المالك كان يعلم أن العقد مفتوح أى غير محدد المدة ,, دعونا لا نضع رؤسنا فى الرمال كالنعام ,, المالك عندما كان يقوم بتأجير العقار كان المستأجر يقوم بعد تسلم العقد باحضار ما كانت تسمى بلجنة تحديد الايجارات وتقوم هذة اللجنة بتخفيض القيمة الايجارية ,, ولا ننسى أن القانون كان ينص على أن يكون العقد غير محدد المدة ,, كما أنه هناك قانون يمنع قيام المستأجر باغلاق العقار الذى يستأجره و يقوم باستأجار آخر بنفس المحافظة هذا القانون تم تعطيل العمل به بفعل فاعل ,, يا سادة الأسعار فى زيادة و المرتبات و الايجارات التى عفى عليها الزمن كما هى .. المهم أن كل من يتكلم يقول القانون يقول ولم أرى أحد قال الشرع يقول .. بالرغم من أن كم من مفتى كان قد قال أن العقد شرعا لابد أن يكون محدد المدة .. ويجب على الدولة التى وضعت هذا القانون أن تقوم بحصر عدد المستأجرين الذين يمتلكون عقارات غير التى يستأجرونها ويقيمون بها مع اغلاقهم للتى يستأجرونها و تسلم الشقق المستأجرة المغلقة لأصحابها .. هذا بدلا من أن يأتى يوما لا ينفع فيه الندم عند انهيار العقارات بسبب عدم اجراء أية صيانة أو ترميمات ,,

  18. صاحب البيت لما اجر الشقة زمان بنظام القانون القديم كان ايامها هو واخد حقه وفوقيه بوسة والفلوس اللى اخدها زمان كانت وقتها مبلغ وقدره يعنى مثلا سنة 88 الدولار كان ب2 جنية او ب3 جنيه يعنى لوة خد ايامها 15000 الف جنية يعنى تقريبا 5000 او 6000 الاف دولار لو صاحب البيت مش عاجبه الايجار مفيش مشكلة يجى يتفق مع الساكن ويرد ليه مبلغ ال6000 الاف دولار بسعر النهاردة زى ما هو عايز ياخد ايجاره بسعر النهاردة هو اى مقاول عنده عمارة وبايع قانون قديم هيموت ويفضيها علشان يكسب منها ملايين ومش مهم الناس تموت فى الشارع المهم هو يكسب لا يا روح امك انت بعت زمان وخدت فلوس زمان كانت ايامها مبلغ وقدره لما تيجى زعلان على قلة مبلغ الايجار دلوقتى يبقا ياروح امك رجعلى فلوسى بقيمة النهاردة وخد شقتك تانى يعنى انا دفعت زمان 20000 الف تدهومانى دلوقتى 200000 الف لاما احترم العقد اللى مابينا ..

    1. وحضرتك سكنت بيهم طوال المدة دي وايجارك دلوقتي ملاليم يبقى حرام ولا حلال وبتورثها كمان لعيالك

    2. ده لامؤاخذه كلام السحتجيه اللي واخدين علي الظلم واكل حق الناس بالباطل وفين حضرتك تمن قاعدتك كل السنين ديه و مدام الفلوس ديه كان ليها قيمه زمان بشترتش بفلوسك ديه ليه ايام زمان كفايه انك عايش في شقه الشرع والدين بيقولك انك عايش في حرام وءا كان صاحب الملك موش هيا خد حقه في الدنيا هياخد حقه في الاخره

    3. طيب كنت بتدفع مياه ٧٥قرش وكهرباء ١٢٥ قرش وكان مرتبك كام والان كام…ولا دا عشان الدوله قادره واصبحت تدفع كهرباء ٢٠٠ جنيه ومياه ١٥٠ جنيه…ليه بتدفع…عشان العداد مايتسحبش وتدوخ ال٧ دوخات…انما تيجي للمالك ويبقي كخه وخد حقه…ومش عارف حق ايه اللي اخده طب اركب طياره ومتدفعش وقول الدوله اخزت تمنها بلاش اركب توكتوك وماتدفعش..وشوف هيجرالك ايه…عموما الازهر والاوقاف حرموا عقد الايجار القديم لانه مخالف للشرع.

  19. يا اخوانا العقد شريعة المتعاقدين ممكن تفهمني معني كلمة شريعة اية يعني قانون لا يمكن تحريفة اي دولة ممكن تحرف قانون ازاي يبقي فيها استثمار و انت بتقول للمستثمر اللي جايلك ان العقد اللي انت واخدة ممكن تبلة و تشرب ميتة
    ممكن يكون دلوقتي في شقق في مصر الجديدة عقد محدد59 سنة تدفع 300 الف خلو و 400 جنية ايجار هل ممكن تيجي بعد 30 سنة تقول اية 400 جنية اللي انت جاي تديهومني دول ميجبوش كيلو لحمة انا عايز الشقة طبعا ما ينفعش لان فية عقد و ثانيا ما انت واخد خلو اد كد
    هل اهاليكم المحترمين كانوا مغيبين او قصر و مشعارفين ان الشقة دية هتكون في حكم التمليك و هما بياجروا ارجو من اصحاب العقارات احترام كلمة اهاليهم و الرضاء بما كتب اللة لهم
    و طول عمر الايجار القديم او في شكلة الجديد ال 59 سنة فكرة وسط للي عايز الاستقرار ما بين غلو التمليك و ما بين عدم الاستقرار في الايجار الجديد اللي 3 سنين اللي تلاقي نفسك انت و اولادك في الشارع و مهدد فكان الايجار القديم بتدفع مبلغ كبير ممكن يوصل ل ثلث ثمن الشقة تمليك في مقابل ان الشقة بتكون ليك و لاولادك و في نفس الوقت بتكون لسة ملك لصاحب العقار بعد عمر ليك و لاولادك ترجع لصاحب الملك فمينفعش يجي اولاد صاحب العقار اللي كتب العقد يقولوا ولاهي احنا ما لاعبين اصل اهالينا كانت بتلعب

    فعلا بتكلم بصدق البلد مشناقصة ثورة تانية لانها هتكون ثورة غلابة كل زنبهم ان اهاليهم دفعوا اللي معاهم و حيلتهم علشان يطلعوا من الدنيا بحق السكن ليهم و لاولادهم لان كل حاجة ممكن تتقضي الا السكن لان كدة ناس كتير هتترمي في الشارع

    1. واضح من كلامك انك مستاجر !!!!!!!!!!!!!!صح لان كلامك كله منحاز لفئه معينه اللى انت منها صح !!!! وماله مش عيب بتدافع عن حقوقك وحقوق الناس الكتير اللى انت منها
      بس اللى انت مش عارفه او عارفه ومش عايز تعترف بيه ان فى ناس مستاجريين عايشيين فى فيلل وشقق واسعه مؤجرة من سنه 50وبيدفعو ملاليم !!!!!! وياريتهم اعدين فيها او حتى محتاجينها تلاقى الواحد منهم يملك شقق تانيه او بيوت كمان فى معظم الاحيان والشقه اللى بيدفع فيها ملاليم دى افلها وواخدها رهن !!!!!! دا يرضى مين
      لو القانووون يتغير يتغير اصل هو مش قراان
      يتغير ليناسب طبيعه الناس بتوع اليومين دووووول وافكارهم الجشعه سواء مستاجر او مالك
      انت باصص ليه تن العقد يعنى زى القرااان دا انت شيلت رئيس دوله وجبت واحد تانى ورميت الصندوق بتاع الانتخااااب بالبيادة جت على دى !!!!!!!!
      بص انا هاقولك تجربه شخصيه حد كلن ساكن عندنا من سنه 80 بيدفع 40ج واحنا الوقتى سنه 2016 قفى المدة دى بقى يملك 3 بيبوت !!!!!!!!!!!!!! وعزل فى بيت منهم من سنتين بس !!!!!!!!!!! وقافل الشقه!!!!!!!!!!!! طيب با اخى حتى من بااب شكر النعمه ربنا عطااك بدل البيت 3 سيب دى لحد يكون محتااااج زيك زى ما انت بدات فيها ومكنتش لاقى وربنا كرمك
      الموضوع مش بالورديه اللى انت شايفها اوى دى بص للموضوع من الناحيتين

      وتحياتى وشكرا ليك

    1. اولا مكنش فيه شقه سعرها 15 الف او 6000 دولار ده كان بيدفع كلام فارغ وكمان ده اسمه ايجار مش ملك

  20. كل شخص يتسلم شقه فى قانون الاسكان الجديد يسلم المالك الشقه فورا لان الدولة تحرم المالك من امتلاك شقه فى هذا المشروع

  21. أعتقد ان قانون تحرير الارض الزراعيه الذى تم تطبيقه وتفعيله ولم تحدث ضجه يمكن تنفيذ مثله على العقارات بمعنى ان تكون هناك فترة انتقاليه حوالى خمس سنوات يتم فيها توفيق الاوضاع بين المالك والمستأجر بزيادة سنويه تقدر حسب قيمة الايجار فليس من المعقول ان تكون هناك شقق بجنيهات معدوده شهريا حتى الان – وبعد الخمس سنوات تكون الاولويه لمشاريع الاسكان الجديده التى تنفذها الدوله لهؤلاء المستأجرين وتحرر العلاقه بعد هذه الخمس سنوات بين المالك والمستأجر

  22. ثانيا الأسرة التي لها ملف في الضرائب أو في المرور أو الشهر العقارى يبين ضرائب كبيرة تدفعها أو عربيات غالية الثمن تملكها أو عقارات باهظة الثمن يجب أن ترسل أسماؤها أتوماتيكيا الى قائمة يمكن الاستعلام عنها بسهولة من ملاك العقارات ايجار قديم لطرد أي واحد غنى فاجر من ضمن هذه القائمة .

  23. و لابد ينشأ جهاز يتلقى بلاغات المواطنين عن اى خنزير أو خنزيرة عندهم الغقارات الغالية و الخنزيرة الكبيرة و يسرقان بالايجار القديم شققا من ملاكها أو ورثتها الشرعيين .

  24. و لابد ينشأ جهاز يتلقى بلاغات المواطنين عن اى خنزير أو خنزيرة عندهم الغقارات الغالية و الخنزيرة الكبيرة و يسرقان بالايجار القديم شققا من ملاكها أو ورثتها الشرعيين .

  25. و لابد ينشأ جهاز يتلقى بلاغات المواطنين عن اى خنزير أو خنزيرة عندهم الغقارات الغالية و الخنزيرة الكبيرة و يسرقان بالايجار القديم شققا من ملاكها أو ورثتها الشرعيين .

  26. يفسخ العقد وتحرر العلاقة الايجارية في الحالات الاتيه :

    1-   اذا بلغ الممتد اليه عقد الايجار سن 26 سنة مثل التأمينات الاجتماعية تقطع المعاش عن الابن عن بلوغة سن 24 سنة للمؤهلات المتوسطة و 26 سنة للمؤهلات العالية ولن نكون نحن احن عليه من البلد مع ان ابوه دفع تأمينات لمدة لا تقل عن 40 سنة.

    2 – اذا سافر للعمل في الخارج او هاجر خارج البلاد لمدة عامين ويتم الاستعلام عليها من واقع شهادة التحركات لانه في هذه الحالة قادرا علي ايجار شقة  

    3 – اذا تزوج فا مادام قادرا علي الزواج فهو قادرا علي تأجير شقة يتزوج فيها

    4 – اذا كان يملك هو او زوجته شقة تمليك او شقة مصيف في اي مكان بالبلاد فهو اذن قادرا

    5 – اذا زاد دخله عن ثلاثة الاف جنية

    6 – يعاقب بالحبس والغرامة كل من قدم مستندا مزورا لاخفاء حقيقة ما

    7 – علي المالك اثبات دخل المستأجر والممتد اليه بكل طرق الاثبات

    8 – جميع الوحدات التجارية المؤجرة لافراد او شركات تحرر في خلال 6 أشهر اما الدولة فتحرر فورا

    9 – اذا اثبت المالك ان الشقة مغلقة لمدة سنتين عن طريق شركة الكهرباء فهو اذن ليس في احتياجها

    1. انا موافق على كل كلامك وخصوصا البند رقم 8 بالاضافه ان كل مستاجر ياخد شقه فى الاسكان الجديد يسلم الشقه للمالك فورا

  27. المساكن المؤجرة كان المالك يعلم تماما أن عقد الايجار دائم وبالتالي ظهرت موضة خلو الرجل وفيها دفع المستأجر نسبة هامة من ثمن المبني فعلا ولا مانع من زيادات معقولة لهذه الفئة تناسب الاوضاع الحالية … اما بعد عام 1986 فقد ظهرت موضة خلو الرجل وموضة تسليم السكن طوب احمر او علي المحارة وبالتي فالمستأجر دفع فعلا اكثر من نصف ثمن الشقة قبل ان يسكنها فعلا … وتحرير عقود الايجار القديمة فلن يكون ثمنه الا تشريد 3 ملايين عائلة ويتنافي مع ابسط معاني الاسلام في التكافل والدستور في رعاية الاسرة وحمايتها من بطش القوانين المفاجئة .

    1. يا حبيبي العقود كانت ماشيه بما يرضى الله زى العقود الجديده دلوقتى – عبد الناصر هو اللى خالف الشرع و منع زيادة الايجارات الطبيعيه و منع أصحاب الاملاك انهم يتحكمو فى أملاكهم وورث بن المستأجر ومنع ابن المالك من ميراثه الشرعى
      ببساطه لأنه كان راجل لا يؤمن بأن شرع الله هو الحق بعين ذاته

أضف تعليقاً

لن يتم نشر عنوان بريدك الإلكتروني.