وزير التربية والتعليم : 30% من أسئلة الامتحانات بالعام الدراسي الجديد من خارج المقرر
وزير التعليم محب الرافعي

في الاجتماع الذي عقده اليوم وزير التربية والتعليم الدكتور محب الرافعي بديوان عام محافظة البحر الأحمر وبحضور محافظ البحر الأحمر، أعلن فيه وزير التربية والتعليم أن وزارة التربية والتعليم بداية من العام المقبل ستعمل على مواجهة الدروس الخصوصية بكل قوة حيث أنه إذا تطلب الأمر ستقوم الوزارة بغلق جميع مراكز الدروس الخصوصية.

وأَضاف وزير التربية والتعليم أنه بداية من العام الدراسي الجديد ستشهد أسئلة الامتحانات تغيير كبيراً حيث أنه تم إقرار مادة دراسية جديدة تعمل على تنمية مهارات التفكير لمواجهة حفظ المناهج وأن ما يقرب من 30% من أسئلة امتحانات هذه المادة سيكون من خارج المنهج الدراسي المقرر ، حيث أنه سيتم وضع أسئلة تعتمد على التفكير والابتكار وذلك لإجبار الطلاب على الحضور إلى المدارس.

وأشار وزير التربية والتعليم أن العام الدراسي الجديد سيشهد تطوراً كبيراً في المنظومة التعليمية و القضاء على ظاهرة الدروس الخصوصية من خلال القنوات التعليمية ومجموعات تقوية يحاضر فيها أشهر المدرسين وأفضلهم.

إقرأ أيضاً :وزير التربية والتعليم يحدد موعد بدء الدراسة

ويقول العديد من المهتمين بمجال التربية والتعليم أنه لن يمكن لوزارة التربية والتعليم القضاء على ظاهرة الدروس الخصوصية لأنها ظاهرة مجتمعية وأن أغلب أولياء الأمور هم الذين يطلبون من أولادهم أخذ دروس خصوصية من أجل الحصول على أعلي الدرجات في جميع المواد وأن ظاهرة الدروس الخصوصية أصبحت موجود بكل المراحل التعليمية بداية من الحضانة وحتى الثانوية العامة.

تابعنا على المواقع الاجتماعية ليصلك الجديد أولا بأول

التعليقات

  1. يا عم الحج الوزير هو انته فاكر انك كده هاتعمل حاجة كان غيرك اشطر انته جاي في غمضة عين وعاوز تغير نظام تعليمي فاشل من زمن الزمن لية مش بسهووولة وانته عمال تقووول …. أنه بداية من العام الدراسي الجديد ستشهد أسئلة الامتحانات تغيير كبيراً حيث أنه تم إقرار مادة دراسية جديدة تعمل على تنمية مهارات التفكير لمواجهة حفظ المناهج وأن ما يقرب من 30% من أسئلة امتحانات هذه المادة سيكون من خارج المنهج الدراسي المقرر ، حيث أنه سيتم وضع أسئلة تعتمد على التفكير والابتكار وذلك لإجبار الطلاب على الحضور إلى المدارس.
    تفكير اية وابتكار اية انته بتور التلميذ وسايب الاستاذ ياعم والله ماهاينف اي حاجة من الي انته بتقولها علية الحام من ديني التعلم ماهو نافع في البلد دي انا واحد من الناس والله وبأمانه ماعرف اي حاجة عن تعليم ولا مذاكرة الغات انا مفشووخ منها فشخ مافيش زية واهو داخل ثانوية عامة ازاي مش عارف لية علشان كله بالفلووس ترووح عند الاستاذ بتاعك في الفصل في الابتدائي درس يبقي انته كده ضمنت انك من الاوائل عودونا علي الغش ادفع تعدي والي مايرحش الدرس يتهان ويتشتم ولا في اهتمام بية في الفصل اكنه مش مووجوود هاتصلح اية ولا اية هي كده كده خربانة فكك ياعم الوزير والله العظيم في ناس خلصت كليات والله مابيعرفو يكتبو اساميهم تفسر ده بأه هو الي غلطان ولا مين ادرس الموضوووع كويس قبل ماتفكر تعمل حاجة علشان ماضحكش الي بيفهم والي مابيفهمش علي الي انته هاتعملو مش من اول السنه الجديدة انا هاعمل وهاعمل وهاعمل مش هاتلحق ادرس الموووع بضقة وخد وقتك ولما تحس انك هاتعرف تنفذ صح نفذ وقبل ماتقووول هاننمي مهارات الطال وافكارة فكر ازاي تنمي قدرات المدرسين الاول
    وشـــــــــــكـــــــــرأأأأ

  2. ارحم اولادنا من الحشو الى ملوش لازمه ومنهج سنه 6 بقا فسنه 2 يعنى ايه ولد فسنه 2 ياخد جدول الضرب لغيه 9 وكسور وارقام بالالفات حرام عليكوا اتقوا الله فاولادنا
    وياريت بتخلص السنه وبيكون معاه معلوم من الحشو الى كتير وملوش لازمه وتقول هنمنع الدروس الخصوصيه ازاى دى عاوزه دراسه لوضع البلد.الى مايل وعاوز يتعدل

  3. حرااااام عليك انت بتقول هخلي الامتحانات فيها اسأله من بره المنهج علشان تجبر الطلاب علي الحضور في المدارس طيب ما هما هيروحو وهيخدو في المدارس المنهج بس ليه تجيبوا من بره المنهج انتو مش حاسين بينا اصلا
    حسبنا الله ونعم الوكيل

  4. على فكره انت بؤ اوى عشان انت متقدرش تقفل المراكز وتلغى الدروس الخصوصيه انت عايز تودينا المدرسه موافقين بس ميبقاش ف دروس وتلغيها وتبقا كلمه راجل انما المفروض اننا نروح المدرسه وسؤال بس هو انت واثق اوى ف المدرسين ان هما هيشرحو وضمريهم يرجع تانى تبقا غلطان اوى ولو انت راجل فعلا اقفل المراكز والغى الدروس الخصوصيه عشان ف ناس غلابه اوى وشيله هم الفلوس اللى بتدفعها لما يكون ماده ف الثانويه العامه ب ٢٠٠ واكتر يبقا ف حاجه غلط احنا اللى غلابه او انتو اللى حراميه كدا كدا انتو مش حاسين بحد بس كلو سلف ودين

  5. بعد اللى حصل فى امتحانات الثانوية العامة من تسريب أكد فشل الوزارة فى منعه والغش الواضح فى المحافظات بدليل المجاميع المتشابهة فى أرقام الجلوس المتتالية والأرتفاع الغير طبيعى فى المجاميع والمتسبب فى اهدار مبدأ تكافؤ الفرص اللى الوزير مايعرفشى عنه حاجة وأيضا التسبب فى ضياع مجهود الطلاب فى المزاكرة طوال عام كامل ،
    ياريت سيادة الوزير يقدم استقالته ويعطى الفرصة لغيره يمكن تكون النتيجة أفضل فى العام القادم
    وحسبى الله ونعم الوكيل فى كل من كان له يد فى ظلم طالب وضياع مجهوده .

  6. بعد اللى حصل فى امتحانات الثانوية العامة من تسريب أكد فشل الوزارة فى منعه والغش الواضح فى المحافظات بدليل المجاميع المتشابهة فى أرقام الجلوس المتتالية والأرتفاع الغير طبيعى فى المجاميع والمتسبب فى اهدار مبدأ تكافؤ الفرص اللى الوزير مايعرفشى عنه حاجة وأيضا التسبب فى ضياع مجهود الطلاب فى المزاكرة طوال عام كامل ،
    ياريت سيادة الوزير يقدم استقالته ويعطى الفرصة لغيره يمكن تكون النتيجة أفضل فى العام القادم
    وحسبى الله ونعم الوكيل فى كل من كان له يد فى ظلم طالب وضياع مجهوده .

  7. وزير الله يلعنو هو وكل وزراء التعليم فمصر ليه هما مش بيقدمو ام التليم هو ناس متخلفين عاوزين يخلفونا ويضيعونا ربنا يولع فيهم

  8. قبل لما تجبر الطالب انه يحضر فى المدرسة و مايغبش
    اجبر المدرسين على انهم يشرحوا بضمير مش نروح المدرسة مضيعة للوقت بتاعنا و بس
    دا احنا كنا بنروح فى تالتة مش بنلاقلى فصل نقعد فيه كل الفصول فيها طلبه

  9. حرام عليك كل دي طب هنعمل اي اكيد دي هزار ياجماعه احنا كده هنبدع في الاجابات صح يا وما اجمل الابدعات وكمان بيتقولي ماده جديد ها هو احنا لاحقين علي المواد الاساسيه عشان تقولي ماده جديده حررررررام عليك

  10. عشان تنهى نهائين على الدروس الخصوصية لزم تنهى على الحشو الى ملوش لزمة فى الكتب الدراسية الى العيال مبتلحش تجمع المنهى فى الفصل الدراسى وزالك يتر التلميز وولى امرة الى الدرس الخصوصى الملخص الى بيعطى الطالب المفيد منة الدرس الخصوصى ياخز نصف مرتب ولى الامر ارهاك لللاسرة طول العام الدراسى قبل ان تبحس عن الدواء الافضل البحث عن الداء

  11. هو احنا قادرين على المناهج بتعتنا علشان تجبلنا من برة المنهج خفف المناهج وبعدين اتكلم وكل سنة تقولوا هتمنعوا الدروس الخصوصية وانتوا اصلا” بقرارتكوا دى بتزودا الدروس

  12. ياوزير انت عايز تعمل ايه بالظبط وضح لنا سياستك التعليمية لو سمحت… عايز تقضى على الدروس الخصوصيه على أساس ان مفيش حد من عائلة سيادتك عمره ما أخد درس خصوصي؟ عايز تنمى مهارات التفكير عند الطلاب ده جميل بس مش في البلد دى لأنك مش ها تقدر تغير نظام تعليمى بقاله قرون متخلف فانت مش سوبر مان يعنى وكمان لازم تطور المناهج الأول وتحذف الحشو اللى موجود فيه وقبل ده كله ارفع مرتبات المدرسين يا وزير يا غبي عشان المدرس يستريح ماديا وبالتالي ما يلجأش للدروس الخصوصية وطور المدارس بالوسائل التعليمية الحديثة مش فرحان بمعمل كمبيوتر في كل مدرسة وتقولى ده تطوير؟ للأسف يا وزير مشكلتنا مش انت المشكله في حكومتنا التي لاتضع الرجل المناسب في مكانه المناسب فالمفروض وزير التربية والتعليم يكون من نفس المنظومه التعليميه لانه اقرب واحد للطالب والمعلم والعملية التعليميه كاملة ولكن المخطط الصهيوني والامريكى بيقول لاتضع الرجل المناسب في المكان المناسب حتى نظل متخلفين فكريا وعلميا وربنا يعيننا ويعين البلد عليك وحسبي الله ونعم الوكيل فيك يا وزير التربية والتعليف

  13. طب فين البرامج التعليمية وفين متابعة المدرس هو احنا غاويين دروس ودفع فلوس يعني

    1. احب اقول الراجل الي عمال يعمل قررارت و خلاص ده اسموا هبل عشان عايز تطور لازم تقدي علي الرشوه و قله ادب المدرسيين المدرس بيدخل علي الطالب في مدرسه حمزه بن عبد المطلب الثانوي بنات و بيكتب نمرتوا علي السبوره و بيقول الي مش هتاخد درس هسقطها هتعمل ايه في دول ها و في مدرسيين بيشرحو غلط عشان يجبروا الطالب انوا ياخد عندهم و بعدين المدرسه ديه الكراسي بتاعتها مكسره و طلبه لتقعد علي الارض و في الحوش و المدير بيشتم النات بالفاظ بزيئه احب اقولك يا عم الي اسمك وزير بدل ما انت شغال علينا روح شوف قله الادب الي في المدارس و قله الضمير و قولك حسبي الله ونعم الوكيل بس عشان انتوا ناس فاضيه بتاكل و بتشرب و اعده في فلل و قصور و بتصدر قررات عبيطه كتكوا دهيا

  14. حراااااااام عليك يا شيخ منك لله انت ﻻزم تتشال من الوزارة دى العيال مش نقصا كفايه المنهج عليهم

اترك تعليقاً

لن يتم نشر عنوان بريدك الإلكتروني.