علاوة 10 % للعاملين والمعاشات في الجهات الحكومية .. تعرف التفاصيل وموعد صرف العلاوة
علاوة شهر يوليو من وزارة المالية

في إطار آخر اجتماع لمجلس الوزراء، ناقش المجلس خلاله قيمة العلاوة المقررة لأصحاب المعاشات محدداً النسب التي اقترحتها الوزارة مسبقاً و كانت تقوم بإجراء دراسات حول هذه النسب لإصدار قراراً نهائياً بهذا الشأن، و قد قرر مجلس الوزراء أن الوزارة لن تتقيد بحد أدنى أو حد أقصى في تقرير قيمة العلاوة و ذلك تحقيقاً للمساواة بين قيم العلاوة المقررة للعاملين في أجهزة الدولة و التضخم وفقاً لتقارير البنك المركزي.

أعلنت وزارة المالية خلال مصادر مسئولة في الوزارة عن نية المالية في رفع نسبة الزيادة السنوية للعاملين في القطاع الحكومي وقطاع الأعمال والهيئات والجهات الحكومية علي مستوي الجمهورية، وذلك خلال شهر يوليو 2015 القادم، وننشر لكم تفاصيل الزيادة السنوية لهذا العام، والعلاوة الـ 10% التي أقرتها وزارة المالية للتنفيذ بعد شهر رمضان الكريم.

طبقا لقانون الخدمة المدنية الجديد، الذي أقره الرئيس عبد الفتاح السيسي منذ عدة شهور، وتقوم جميع الوزارات بتطبيقه علي جميع الجهات الحكومية، بناءا علي ذلك، وبعد أن يتم تنفيذ وإصدار اللائحة التنفيذية للقانون الجديد هذا الشهر، ستقوم المالية بإقرار زيادة قدرها 10% للعاملين في الجهة الحكومية.

بالنسبة للمعاشات، أضاف القانون الجديد للمالية أيضا رفع الزيادة في شهر يوليو المقبل بنسبة 10% أيضا، وهذا القانون معروض للنقاش المجتمعي والجهات المعنية في الفترة الحالية.

تكلفة التعديل الذي تحاول المالية تطبيقه بناءا علي قانون الخدمة المدنية الجديد، بعد عمل دراسة علي الموظفين المقرر زيادة مرتباتهم، تبين أن التكلفة سوف تصل إلي 226 مليار جنيه، للعام المالي المقبل.

تحديث 27/6/2015

عاجل: الرئيس السيسي يعلن علاوة 10 % لأصحاب المعاشات اليوم

اليوم السابع والعشرون من شهر يونيو، أقر الرئيس السيسي ما تحدثنا عنه منذ عدة أشهر، وهي الزيادة السنوية لأصحاب المعاشات، والتي وصلت إلي 10 % كما أخبرناكم من قبل، وتأكيدا لتصريحاتنا علي مصر فايف، أعلن الرئيس السيسي اليوم في الصحف الرسمية عن صرف علاوة 10% للمعاشات بدون تحديد حد أدني أو أقصي.

موعد تطبيق علاوة 10% للمعاشات

أقرت وزارة المالية أن يكون تطبيق العلاوة بداية من شهر يوليو، الشهر القادم، علي جميع المواطنين المستفيدين من المعاش، بكافة مرتباته، بدون تحديد حد أقصي أو حد أدني للمعاش، وتكلفة هذه الزيادة علي الدولة سوف تصل إلي 10 مليار جنيه.

جاء ذلك حرصا من الرئيس السيسي علي مواكبة الغلاء الذي بلغت نسبة تضخمه نحو 11.5%، ومساعدة من الدولة لأصحاب المعاشات للتعايش مع الوضع الراهن.

تحديث:

في نفس سياق زيادات المعاشات التي يقرها الرئيس السيسي، مساواة منه بالمعاشات العامة، أقر الرئيس أيضا زيادة معاشات الجهات العسكرية بنفس النسبة مساواة بالقطاع العام، بنسبة 10%، أقر الرئيس زيادة المعاشات للقطاع العسكري، تطبيقا من بداية السنة المالية الجديدة في شهر يوليو القادم.

في سياق أخر أعلنت الحكومة عن قانون المعاش المبكر الجديد، والقيود والشروط التي يجب أن تتوافر في العامل من أجل الحصول علي المعاش المبكر، ويمكنكم معرفة الشروط وكافة التفاصيل من الرابط التالي:

تحديث الإثنين 22-6-2015:

ورد للجهاز المركزي للتنظيم و الإدارة عدة تساؤلات بشأن الأجازات الجديدة التي سيتم تطبيقها على الموظفيم طبقاً للقانون الجديد للخدمة المدنية و الذي سيتم البدء في العمل به ابتداءاً من أول يوليو 2015، و كان تقرير الحكومة بهذا الشأن كالتالي:

ستقوم الحكومة بمنح جميع العاملين و الموجودين في الخدمة تزامناً مع صدور أحكام قانون الخدمة الجديد و لديهم رصيد لكامل أجازتهم الإعتيادية نصف رصيدهم من الأجازة قبل 30 يونيو و ذلك عن 6 أشهر، أما إذا استنفذ العامل نصف رصيده من الأجازات الاعتيادية سيتم خصم الأجازات التي استنفذها العامل و ازيد عن نصف رصيد الأجازات التي يستحقها من 1-7-2015 حتى 30-6-2016، أما في حال عدم حصول العامل على نصف رصيده مما يستحق من الأجازات، سيتم ترحيل أجازاته كرصيد من سنوات سابقة حتى 30-6-2015 و يتم إضافاته من الأجازات الاعتيادية عن سنة 30-12-2014.

تحديث الثلاثاء 30-6-2015

قامت وزارة التخطيط و الإصلاح الإداري بإصدار اللائحة التنفيذية التي سيبدأ العمل بها في الأول من شهر يوليو، و ذلك ليصبح جميع الموظفين و العاملين في أجهزة الدولة الحكومية على علم تام بكافة التفاصيل حول الأجور المقررة للموظفين و الأجازات و العلاوات و ساعات العمل و التأمينات و الضرائب و تفاصيل أخرى يمكنكم معرفتها من خلال الدخول إلى الرابط التالي:

تابعنا على المواقع الاجتماعية ليصلك الجديد أولا بأول

التعليقات

  1. الي الرئيس السيسي انت مسؤل عنا امام الله فاين العدل في المرتبات ناس راتبها 500000 جنبه شهريا وناس مش لاقيه تاكل بمرتب0 200جنيه بعد خدمة 30 سته

  2. من رد على ام بسملة شخص مش مجترم لانه واضح ان امه اذا كانت اتعلمت اصلا كانت بتعمل كده فى شغلها عيب عيب احنا مطحونين فى اعمالنا كفاية تشوىه فى صورة النساء معنا رجال مرتشين وحرامية وذوى اخلاق حقيرة لماذا لا تتكلمون عنهم اعميت يا سيدى

  3. ارجو من السيد الرئيس ان يشعر بمدى معاناة العاملين فى القطاع الخاص حيث ان الاسعار نار والفواتير ارتفعت ارتفاعا جنونيا ونحن منذ سنتين والمرتب لم يتحرك والقطاع الخاص يرفض صرف اى علاوه علما بانه شغال وبيكسب وعملها منطقه جمروكيه هل معقول منطقه جمروكيه تخسر ارجو انصافنا والزام رجال الاعمال بصرف العلاوات فنحن مرتباتنا ضعيفه جدا تخيل سيادك ان اجرنا بعد 20 سنه خدمه 1270 بالزمه دول يقضو ايه ولا ايه تعليم ولا دروس ولا مواصلات ولا ملابس ولا علاج ارجو ان تشعرو بالعمال وتنصفوهم الشركه اسمها المؤسسه المصريه لاستخلاص الزيوت النباتيه انفوكو الاسكندريه الورديان بجوار شركة موبيل واسو

  4. لية كدة هو ديما حق المدرس مهضوم ولا الدولة عارفة ان المدرس ضعيف وبيخاف لامعدناش بنخاف احنا هنقف قدام اى حد لغاية منول حقنا موجة لحام بالشرقية

  5. بالنسبة للحاجة ام بسملة
    هو انتى يا حاجة شغالة فى مجلس المدينة؟؟؟ دة حرام والله ؟ انتى مظلومة !!!! فى حل ليكى جميل !! ممكن وانتى رايحة الشغل الصبح بدل ما تاخدى معاكى لبان ولا مستيكة وتقعدى تتندغى وتتكلمى انتى والحجاج زمايلك فى سيرة الناس لان طبعا كل موظفى المحليات بلا عمل وعال على الدولة وكتر خير الدولة انها بتدى مرتبات لجماعة عواطلية ممكن تاخدى معاكى ربطة ملوخية وتقعدى انتى والحجاج زمايلك تقطفيها !!! ولا اقولك خدى شوية كوسة وقوريها للمحشى وسلى نفسك ولا اقولك اعملى ورق عنب دة بياخد وقت ويادوبك تلاقى معاد الانصراف جة بسرعة فى هذة الحالات هتاخدى حوافز 500% مش من الحكومة لا دة من جوزك !!!! اتق الله واحمدى ربنا انك بتشتغلى وبتاكلى عيش انا اظن ان مؤهلك متوسط فى شباب زى الورد معاهم شهادات عالية بتقدير امتياز وقاعدين فى الشارع ومعظمهم بيضيع ومعظمهم بينتحر وبيعمل جريمة وبيدخل السجن !!!! وبعدين كتر خير رئيسنا العظيم ال مافيش رئيس زية ولا حاييجى زية كفاية علينا نعمة الامن والامان !!!! لسة البلد تعبانة من المفروض كلنا نقف معاه مش نبوظ الدنيا دة عاوز مرتبة يزيد ودة عاوز علاوات ارحمو يرحمكم الله ( على فكرة انا مهندس بتقدير امتياز وقاعد فى الشارع بدون شغل ) يعنى مش موظف ولا حاجة دة والله مش معناه انى حاقد لا والله لكن ( ال مايشفش من الغربال يبقى اعمى ) البلد مافيهاش فلوس الدولة حاتجيب منييين ؟؟؟؟؟
    اللهم احفظ مصر

  6. ارحموا من فى الارض يرحكمكم من فى السماء اين هى المساواه بمعاش 400 جنيه التى لا تتناسب مع ظروف الحياة التى نعيشها استحلفك بالله ماذا افعل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    1. مجلس المدينه محدش بيبصلهم خالص من زيادات ومشاكل فى المسمى للوظيفى ومفيش زيادات خالص عوزين نتساوى ذى اى مصلحه حكوميه الضرائب وزاره العدل والبنوك ساعات العمل واحد من الساعه 8 لغايه الساعه 3 مش حرام حتى منخدش الى يكفى اولادنا ومصاريف البيت والايجار والتعليم حرام والله حرام وفى مصالح بتاخد عديات الاعياد والمدارس ورمضان احنا بنسمع وننحصر والله بذمتكم مش حرام انا سيباكم تقولو الى فى ضمركم شوفو المحليات شويه عوزين حد يبصلهم مرتبات فى الارض

  7. ليه جهات حكوميه تصرف الف وخمسماية فى الماية حوافز وجهات اخرى زى البحث العلمى تصرف مايه فى المية فقط ..واحد يصرف عشرة الاف واكثر وواحد يصرف الف فقط مع انهم نفس المؤهل ونفس الحكومة ونفس البلد مش دول كوكب ودول كوكب اخر ..نفس النؤهل ونفس الحكومة والتفاوت غظيع …مش عارفين نعيش ولا نعلم ولادنا ولا نحوزهم فى وسط الغلا دة..مع اننا ندفع الضراءب من المنبع غير جميع اهل مصر الكرام. اللى بيهربوا من دفع الضراءب ..واحنا ضرايبنا بتتاخد مننا من المنبع …واحد بيقبض عشرة الالاف جنيه وواحد بيقبض الف واحد او اتنين ندفعهم اقساط ومديونيات سلف من البنوك علشان نجوز البنات..بعد ما طفحنا الدم علام وعلاج..ودروس خصوصيه وابسط طعام….فيه جهات بتدخل فلوس وجهات خدمية صرف ..طب نعمل ايه ونصيبنا جه فى الجهات الخدمية فقط..وما بندخلش ايرادات

  8. اين العلاوه الاجتماعيه لمن لم يطبق عليهم قانون الخدمه المدنيه وﻻ احنا قطاع الاعمال العام هيضيع فى الرجلين ياريت اجابه

  9. نحن العاملين بشركة السدالعالى(هايديليكو) هل يوجد زيادة فى المرتبات بخصوص العلاوات

  10. يااخوانا موضوع المعاشات تاعبين نفسكم ليه انتم تطالبو بحقكم قانونا بتطبيق الماده التي ينص عليها في الدستور الجديد والذي وافق عليه الشعب في الاستفتاء ولا الدستور معطل ده يبقي موضوع تاني

  11. مرتباتهم بالمليارات والملايين مثلا المذيع والخبير الاستراتيجي يتقاضى 18 مليون و 32 مليون ثم يطالبنا بالتبرع طيب ياسيدي حاضر

  12. احنا بتوع المعاشات عاملين زى خيل الحكومة لما يكبر خلاص يتخلصوا منة والحكومة وجدت ان اسهل طريقة للتخلص من المعاشات هى سياسة التجويع ولااملك سوى ان اقول حسبى الله ونعم الوكيل

  13. موضوع.المعاشات.في مصر محتاج ثوره حقيقيه يقودها حامي الثوره المصريه البطل/عبدالفتاح السيسي

  14. انا أمضيت سبع سنوات على الدرجة الثالثة وكمان سنة مفروض أخذ الثانية طبق للقانون القديم فهل ننتظر ثلاث سنوات أخرى طبقا للقانون الجديد ويبقي هناك ظلم ومساواة بين الموظفين الجدد وقودامي الموظفين

  15. يقول [email protected]:

    هل في هذا القانون الجديد نسبة علاوة محددة لأصحاب المعاشات كل اول يوليو من كل عام بدل الاجتهاد والثرثرة اللي بتشغيل الناس لفترات كبيرة كل عام

  16. والله مش فهمه حاجه يعنى الاجازات تنتهى30\6 وتبدا الرصيد الجديد1\7 الاجازات العارضه راحت علينا والى هيقى رصيد جديد من1\7 حتى30\6لو سمحتوا حد يوضح

  17. احنا بنحبك ياريس. بس غير بطانه السوء اللي حواليك. علشان هما مش بيحبوك عاوزين الناس تكرهك.. علشان كده بيوصلولك معلومات غلط عن البلد.. وظروف البلد… وياريت أول واحده تطيح بيها وزيره التضامن. غاده زفت

  18. احنا اخترناك ياريس. بس مش ممكن اللي بيحصل مع المعاشات ده.. ده اكبر ظلم. احنا قولنا جه اللي هيرجع حقوقنا. بس اللي بيحصل ده كتير اوي.. ياريت ياريس تغير البطانه اللي حواليك واولهم وزيره التضامن.. اللي بتوزع في فلوس المعاشات زي مايكون فلوس ابوها. انت احسن ريس. بس غير اللي حواليك علشان تعرف تشوف الشعب كويس…… ونتمي لك كل تقدم وانجازات للبلد اكتر.. وربنا يبعد عنك باطنه السوء اللي حواليك اللي بتوصلك معلومات غلط عن البلد.. علشان عاوزه الشعب يغضب منك.. ربنا ينور بصيرتك

  19. المفروض يبقي فيه حد أدني لعلاوة المعاشات حتي يتم رفع المعاشات المتدنية لأنه صاحب المعاش 6000 جنيه يزيد 600جنيه وصاحب امعاش الصغير 600 جنيه مثلا يزيد 60 جنيه فقد يعني الفقير يفضل فقير علي طول فين العدالة وازاي الفقير يعيش في ظل هذا الغلاءبهذا المبلغ ليه الحكومة مش حاسة بالناس اللي تحت كدة حرام والله حرام أين العدل؟

  20. احمد عيد
    قبل ميزيد المرتب شوفو السلع واﻻحتياجات الضروريه والكهرباء والمواصﻻت زادو كام فى 100 وبعدين حددو الزياده انا عارف انى بحلم

  21. المفروض على الاقل يوجد حد ادنى 50 جنيه الى اقل من 500جنيه علشان كده انا تعبت كده انا مش قادره اعيش ب 300 جنيه لم يعملوا حاجه فى الغلاء

  22. تساؤل هام ااااااااااااااااااااااااا
    بالنسبة للقانون المدني الجديد لزيادة الموظفين اعلنت بعض مؤسسات الدولة بان بعض المصالح مثل ( البريد – الكهرباء – وغيرهم ) غير خاضعين لهذا القانون وانهم لهم لائحة خاصة مما ادي الي ثرثرة بين الموظفين هل نخضع للدولة ام لا ولماذا نعامل معاملة خاصة مع العلم بان باقي مؤسسات الدولة اخذت فكرة باننا من الاثرياء او هذه المؤسسات مثل البنوك بالدولار والله وحده اعلم بنا يمكن يكون للكبار عندنا ام الموظفين فلا فارجو توضيح حقيقة الامر لنا ولكبار المسئولين لهذة المؤسسات

  23. عايز اعرف تفاصيل المعاش المبكر للقطلع الخاص
    حبث اننى اغمل فى القطاع الخا منز 15 سنة

  24. نفسى الاساسى يرتفع انى 25 سنه ولسه 400 جنيه اساسى امت يطبق القنون الى سمعت عنه برفع الاساسى

  25. ايه هو القطاع الخاص مش تابع الدوله طيب احب اقول لحضرتك أن احنا 17مليون عامل بس فى رب مطلع على الجميع رحمتك يا رب

  26. هل من المعقل انا واحد مرتبه كان 10000 بعد يطلع علي المعاش 1100 يعمل اه وعنده اولاد بالتعليم والاخر يريد الزواج ادا كان بنت او ولد نعمل اه نجيب منين هل هذا جزاء خدمه البلد 38سنه للعلم انا اول مره ابعث هذه الرساله

  27. هل من المعقل انا واحد مرتبه كان 10000 بعد يطلع علي المعاش 1100 يعمل اه وعنده اولاد بالتعليم والاخر يريد الزواج ادا كان بنت او ولد نعمل اه نجيب منين هل هذا جزاء خدمه البلد 38سنه

    1. ليه ياعينى متكلمتش ايام ماكان مرتبك 10000 جنيه وقلت ياوزارة المال اخصموا منى الف جنيه مساهمة فى اعباء مصر 0 ولا عاوز تاكلها اول واخر اصرف م القديم ياروحى 0

  28. الحمد لله ويكفبنا ان بلادنا بخير وامان وكم افخر انى من طائفه عمال مصر البواسل وتحت رايه السيد الرئيس حما الله الجيش وحفظ مصر

  29. أصحاب المعاشات مالهومش عﻻوة سنويه 7 فى المائة بخﻻف ال10 في المائة زى الموظفي و كمان ما لهومش حوافز و بدﻻت و ساعات إضافية و كمان الدوله اخد ت فلوسهم و ما رجعتهاش يعنى العشره فى المائة مش عداله اجتماعيه لهم

  30. اطالب السيد الرئيس المحبوب السيسى والفاضل رئيس الوزراء محلب نظرة بعين ثاقبة لااصحاب المعاشات ونظرة بعقل لاانة لايحق الموظف ياخذ علاوة 10 فى المائة وصاحب المعاش نفس القيمة يجب انا تنظروا بعين العدل الى الفرق بين الاثنين لاانة الموظف ياخذ حوافز وبدل نقدى وتضاف الى راتبة علاوة 2010 ولكن ناذا يضاف الى صاحب المعاش هل نسيتم انة صاحب المعاش حالتة الصحية تعبت ولدية اولاد فى التعليم وبنات للزواج مين اين ياتى بكل ذلك هل يسرق واذا سرق سيسرق من حرامى لاان الدولة كلها حرامية وشكرا

اترك تعليقاً

لن يتم نشر عنوان بريدك الإلكتروني.