التربية والتعليم إعلان نتيجة التسكين للمعلمين المرتبين أساسي في مسابقة 30 ألف معلم
الأستاذ الدكتور محب الرافعى وزير التربية والتعليم
كشف رئيس الإدارة المركزية لنظم وتكنولوجيا المعلومات بوزارة التربية والتعليم، السيد محسن عبد العزيز، في تصريحات صحفية اليوم السبت أن لجنة مسابقة 30 ألف معلم وأخصائي مساعد، تدرس تأجيل إعلان نتيجة التسكين للمعلمين الفائزين في المسابقة المرتبين أساسي، الذين سيتم إلحاقهم للعمل فى مدارس خارج محافظاتهم، لعدم احتياج محافظات اقامتهم لتخصصهم، حتى يتم الانتهاء من فحص تظلمات المتضررين .

موقع وزارة التربية والتعليم

وأضاف عبد العزيز أن التظلمات الفعلية وصل عددها نحو 7 آلاف تظلم على مستوى جميع المديريات التعليمية، لافتا إلى عرض تأجيل إعلان نتيجة تسكين 14 ألف معلم من الذين تم تسكينهم خارج محافظاتهم، على الدكتور محب الرافعى وزير التربية والتعليم، لاتخاذ قرار نهائي في هذا الشأن.
وتابع رئيس نظم وتكنولوجيا المعلومات، أن تأخير إعلان نتيجة التسكين سيكون في مصلحة هذه الفئة من الفائزين في المسابقة، موضحا أنه من الممكن أن يسكن المعلم الذى لم يحالفه الحظ في الترتيب السابق لتسكينه داخل محافظته أو فى محافظة قريبة منه، بالنظر لنتيجة فرز التظلمات التي سيكون لها تأثير على الترتيب النهائي للفائزين .
جدير بالذكر أن نحو 14 ألفا و800 معلم تم تسكينهم خارج محافظاتهم، للأسباب المذكورة سابقا، من بينهم 11 ألف معلمة.

تابعنا على المواقع الاجتماعية ليصلك الجديد أولا بأول

التعليقات

  1. أنا أحمل شهادة اعاقة وأنا لم أتمكن من تسجيل رغبات التسكين في يونيو 2015فهل ضاعت عليا الفرصة أرجو الأفادة

  2. انا من المنوفيه وجالي الشغل في الشرقيه واعول ولد وحامل في الاخر وزوجي مسافر اييب ابني فين وامي موظفه اعمل اه ومحتاجه الشغل

  3. أنا من المنصورة مركز بنى عبيد نجحت فى مسابقة وترتيبى أساسى وتسكينى أجة فى سوهاج ونا معية بنتين وزوجى مسافر أعمل أية

  4. احنا كليات تربية والمفروض يكون لينا امر تكليف
    عشان احنا مالناش مجال غير التدريس
    و30 الف معلم قليلين خالص يعنى العدد قليل
    يعنى بحبحوها شوية مينفعش كدة

  5. انا من بني سويف وجاء ترشحي في قنا يرضي ربنا حرام عليكم حسبي الله ونعم الوكيل

  6. انا من محاغظة القليوبية وجاء ترشيحى في محافظة بنى سويف ومعى طفل رضيع فماذا أفعل ؟ وكيف يصل صوتى للمسئولين ؟

  7. ياسيادة الوزير ياسيادة رئيس الجمهورية انا خريج كلية تربية قسم رياضيات باللغة الانجليزية يعنى واخد شهادة من الدولة للتدريس فى التجربيات ازاى يجيلى التعين رياضيات بالعربى على اساس ان مفيش عجز فى التجربيات والله العظيم مابعرفش ادرس الرياضة بالعربى اعمل ايه
    وكمان انا من سكان القاهرة ومتزوج وعندى طفلين وجالى التعين فى البحيرة مش عارف اقول ايه سايب لحضراتكم الرد
    ومن الملاحظ ان مفيش حد اتعين فى محفظته ابدا بتاع الجيزة راح البحيرة وبتاع البحيرة راح اسوان وبتاع اسكندرية راح القليوبية وبتاع القليوبية راح الشرقية والله نفس التخصص ده اسمه تعجيز علشان نرفض وتقولو الحكومة عينت والناس الى رفضت وبعدين الاغتراب ده هايكلف الدولة اكتر من الميزانية المقررة لل 30 الف معلم انا مش فاهم وياريت مسؤل يفهمنا وميرمهاش على مسؤل تانى

  8. ياجماعه انا من الاقصر ومتزوجة واعول طفل عمر 10شهور وتم ترشيحى الجيزة اعمل اه عشن ارجع الاقصر وعشن كلامى يصل للوزير

  9. لقد تم ترشيحى فى المسابقه ومش عارفه اتسكنت فين انا رتبت رغبات التسكين ةمنزليش حاجه عشان اعمل استماره البدل ومش لقيخد يفدنى ف المدريه اعمل ايه

  10. انا قبلت فى المسابقه وكنت اساسى بس معملتش تسكين وبالتالى استماره الترشيح مش راضيه تظهر ومفيش حد راضى يفدنى فى المديريه ارجوا الرد بسرعه

  11. انا اسمي نزل بدون تسكين وانا بنت مش كفايه الغربه ف التعليم كمان ف الشغل دة تعجيز بجد

  12. حضرتك احنا عايزين نترتب مع محافظه البحيره بس احنا مكنش بينزل دلوقتي عندنا مسابقات خالص فين عدل وخدوا بشروط مسابقه بس ارحمونا وعيدوا ترتيب كل محافظه لوحده

  13. انتوا مش قلتوا النتيجه اول اسبوع فی مايو انا عاوزه اعرف امتی بالظبط احنا تعبنا وكمان يارب تيجی قريب من محافظتی انا معايا 3 اولاد وزوجی مسافر ومش هيوافق انی ابعد ساعدونا بقی

  14. الى السيد وزير التربية والتعليم مسابقة بايظة بايظة بايظة باطلة باطلة باطلة

  15. هو اللى مسجل بالماجستير اللى درس سنتين تمهيدى وطلع عينة فيهم ولف علي المكتبات لحد ما لقى موضوع
    الماجستير وجاب جوابات الموافقة على الموضوع من جميع الجامعات اللى فى الجمهورية هل بعد التعب وحرق الاعصاب يتساوى
    باللى اخد مؤهلة الاساسى وقعد فى بيتة يستنى الشغل

    1. حضرتك اكيد كنت فاضي للدبلومه والمجستير وعندك فسحه من الوقت ثم ان الي قاعد يستني الشغل اتفحت قبل كده علشان ربنا يكرمه ويجيب التقدير دا

  16. اعادة المسابقة دا شئ مستحيل لان هيكون فى ظلم لناس كتير وبعدين اللى بيعمل تظلم :بيقول فيه ايه؟

  17. على اذا كان فى محافظتك سمحت لنفسك بالغش اولغيرك فانا فى محفظتى والله والحمد لله كانوا بيقفلوا الموبايل قبل الدخول (البحيره)

    1. والله الغش كان عينى عينك كل اللى ليه حد فى المديريه او المدرسه اللى امتحن فيها كان بيحلله بايده وحسبى الله ونعم الوكيل (اسيوط)

    2. اموت واعرف غش ايه اللي بتقولو عليه مش عيب لما تبقي مدرس وحدد يغششك مادتك اما التربوى مين اصلا يعرف يغششك

  18. الامل فى ربنا ثم فيك ياوزير الرجا اعادة المابقة واوعى تعظى الفرصة لاصحاب الرشوة ينصراو علينا

  19. احنابنعظى الفرصة لاصحاب المال يشتروا كل حاجة بفلوسهم وهم اشتروا الاختبارات واصحاب التقديرات العالية فى الشارع بس بندور على المزويرين الى اشترا شهادات مزورة وسايبن معامانل الكمبيوتر الى اتحموا فينا

  20. انت اخر امل لينا ياسيادة الوزير الرجا اعادة المسابقة حتى لو النتيجة هنقول كل الى بيجصل دا ظلم

  21. انت عايزين تمسكوا فرص على الشعب وبس لو فى تزوير مائة حالة من المتقدمين فى موجود الاف الحالات بالصور والصوت من اصحاب معامل الكمبيوتر اثناء الامتحانات وهم بياحذوا الرشوة لاتاحة الغش بالتليفون ياناس كفاية ظلم واعادة المسابقة زى احسن حل

    1. انا اسمي نزل في الاحتياطى ولم اقدم تظلم انا مصيرى ايه وانا خريج 2005 يعني خلاص الفرصه ضاعت وسنوات التعليم راحت علي الفاضي انا نفسي اشتغل انا دلوقتي عندي 31 سنه يعني لو لو اشتغلت هاشتغل امتا وهما بيخدوا حديت التخرج ولا حد بيسال في الى متخرجين من زمان ممكن حد يرد عليا لو سمحتوا

أضف تعليقاً

لن يتم نشر عنوان بريدك الإلكتروني.