المقترحات والتعديلات النهائية لمشروع قانون الإيجار الجديد
تعديل قانون الايجار القديم

كثرت الأحاديث والأقاويل مؤخرا حول ضرورة إجراء تعديلات على قانون الإيجار القديم، الذي مضى زمن طويل عليه، وخاصة من الملاك، وهو في الواقع أصبح من الضروري العمل على سنّ قانون جديد تتحقق من خلاله العدالة والتوازن بين واجبات وحقوق طرفي عقد الإيجار، ومنذ مدة ليست بالقصيرة، بدأت تعلو الاصوات مطالبة بتعديل القانون النافذ حاليا، أو سن قانون جديد يحقق غاية ومطالب الكثيرين وخاصة الملّاك،  والواقع كان هناك تخوف وهواجس من أن ينعكس إلغاء القانون أو تعديله، سلبا على الشارع ومن أن تكون ردة الفعل قاسية، حيث يمس شريحة واسعة من المصريين، وعلى وجه الخصوص في المدن الكبرى، وكذلك  لحل المنازعات القضائية بين الملاك والمستأجرين، وأملاك الحكومة وهيئة الأوقاف المؤجرة بقيم بخسة حتى الآن، وفي هذا السياق قال معتز محمود عضو لجنة الإسكان بمجلس النواب: “إن تعديلات قانون الإيجار القديم راعت الظروف السياسية والاجتماعية والاقتصادية للمجتمع المصرى فى اعادة التوازن مرة اخري بين المؤجر والمستأجر”، وتمت إحالة مشروع القانون من قبل رئيس مجلس النواب للجنة الإسكان بالمجلس لمناقشته بالامس، على أن تتم مناقشته ضمن حوار مجتمعي بداية من الاسبوع المقبل.

وفيما يلي أبرز المقترحات النهائية للجنة الإسكان والمرافق في البرلمان لقانون الإيجار الجديد:

  • زيادة القيمة الإيجارية للأماكن السكنية المحكومة بقوانين إيجار الأماكن، بنسبة من قيمة الإيجار للقوانين الأصلية، ويتم ذلك الأمر على سبع مراحل تكون بداية من شهر يناير سنويا، ويتم زيادتها بنسبة 5% من قيمة أخر إيجار فى نهاية السبع سنوات .
  • زيادة الايجارات القديمة بنسب مختلفة حسب تاريخ الإيجار وفق الجدول المدرج ادناه:
تاريخ الإيجار الزيادة المقررة
قبل تاريخ 13/12/1952 300%
قبل تاريخ 13/12/1958 300%
قبل تاريخ 31/12/1973 240%
1 يناير 1966 وحتى 1973 170%
قبل 31/12/1977 120%
قبل 31/12/1981 90%
قبل 31/12/1984 45%
قبل 31/12/1986 30%
قبل 31/12/1989 15%
قبل 31/12/1991 7%

أما في الأماكن غير السكنية التي تحكمها الفقرة 1 من المادة 3 من القانون رقم 6 لعام 1997،والمعدل بالقانون رقم 14 لعام 2001 تصبح نسب الزيادة كل عام على الاجرة المتعاقد عليها بنسبة 4% في الأماكن التي تم بناؤها قبل عام 1977 ، و2% للأماكن المنشأة بين عامي 1977- 1996.

  • وأما لجهة توريث المكان المؤجر لمرة واحده فقط ، ويؤول إلى أشخاص معينين ” الزوجة، الأولاد، الوالدين”، فما زال محل خلاف.
  • من التعديلات المقترحة إخلاء المأجور وتسليمه للمالك لقاء تقاضي مبلغ من المال يُتفق عليه .
  • إلغاء عقود من يستأجر شقة إيجار قديم فى نفس المحافظة.
  • إلغاء عقود من يشغل مكانين بإيجار قديم في نفس المحافظة التى يقيم فيها، وإلغاء عقود من يستخدم الشقق في نشاط تجارى كالعيادات ومكاتب المحاماة، ومكاتب الشركات .

حالات فسخ عقد الإيجار القديم

  1. حالة ثبوت استخدام المستأجر لأغراض غير سكنية.
  2. حالة ثبوت امتلاك المستأجر لمساكن بديلة أو يقطن خارج البلاد.
  3. حالة ثبوت ملكية الزوجة أو أحد الأقارب من الدرجة الأولى بنفس المحافظة التي يقيم فيها المستأجر الأصلي.

ووفقا للنائب اسماعيل نصر عضو لجنة الإسكان والمرافق في البرلمان،  سيتم تطبيق قانون الإيجار الجديد، على ثلاثة مراحل مراحل  بحيث يتم تنفيذ كل مرحلة فى مدة لا تزيد عن ثلاث سنوات ولا تقل عن سنة واحدة .

كما وسيطبق القانون الجديد على المقرات الحكومية والمحال التجارية والجراجات، وتحرير جميع العقود المبرمة  بين الدولة والمواطنين، وانتقال الملكية للمالك الأصلي ، بعد ذلك له مطلق الحرية بتجديد عقد الإيجار أو فسخه، وكذلك  تحرير العقود التجارية وعودة ملكيتها للمالك على أن يُعوض المستأجر بمبلغ مالي لا يتجاوز 5% من القيمة الإجمالية للمحل المؤجر،  يتم تحديد هذا التعويض من قبل لجنة رسمية تُشكل لهذه الغاية.

 

 

تابعنا على المواقع الاجتماعية ليصلك الجديد أولا بأول

التعليقات

  1. وانا كمستأجر عايز قيمة الخلو اللى اندفع بما يوازي قيمته عقاريا في الوقت الحالي

  2. ردا على ما نشر فى الاهرام عن خدعة القانون تقول لكاتب المقال معنى كلام سيادتكم اللى حط مبلغ بالبنك بفائدة ١٠٪ عشر سنوات خلاص خد فلوسة واللى اشتغل ب٧ جنية ميذدش مش ده عقد ولا ده حلال ود حرام والعقد مشاهرة يعنى شهر بشهر مش مدى الحياة ومع المستاجر مش مع العيلة دى مش ورث

  3. اتقوا اللة في الفقراء انتم عايزين تعملوا حرب أهلية انتم أعضاء مجلس أغنياء ولا مجلس شعب تقدروا تخلوا الملاك اللي أخذوا ثمن العقار مئة مرة يدفعوا ثمن الأرض والبناء بسعر اليوم علشان يأخذوا الإيجار بسعر اليوم انت عايزين تعملوا مشاكل وخلاص

    1. المالك عمل مشروع استثمار يرتزق منه مش اعطي فلوس سلف علشان نقول رجعتله واي مشروع بتزيد قيمته مع التضخم في الاسعار اتقوا الله في ال٥جنيه اللي بيرميها المستاجر للمالك في هذه الشقق

  4. انا مش معطردة على زيادة الأيجار لكن يعنى ايه الى زوجته أو أولاده عندهم شقق تخصهم تفسخوا للأب عقد الأيجار و الناس تتشرد فى الشارع ولا ايه و نسيتوا أن فى مطلقات يسكن فى شقق أبائهم الحقيقة أنا شايفة أنكو حتعملوا مجازر بين الملاك و المستأجرين و يا ترى المرة دى لمصلحة مين اللهم أجرنا

  5. مع احترامي وتقديري لك مالك عقار ولاعضاء مجلس الشعب الموقرين حثوا شوية بالغلابة وراعوا ضمائركم كانت فين ثورتكم هذة أيأم المستأجرين ما أئتأجرو منكم وأخدتم منهم خلوات ولم تكتب فى العقد تفاديا لعقوبة القانون وقتها واين كنتم لما كانت القيمة الاجارية وقتها من اعلى المبالغ التى لا يقدر على دفعها فى هذا الوقت الا من هو مقتدر ماليا أيام أزمة المساكن والضمائر واليوم تريدون إصطناع الأزمة مرة ثانية لتاجرو وتتربحوا على حساب تشريد ملايين من الأسر ….ياسلام على ده مجلس شعب فعلا هو مين بيوصل لكرسى البرلمان غير أصحاب الملايين والعقارات عاشت الحكومة وعاش البرلمان رعاة مصالح الشعب

  6. المفروض اصلا يتحرر عقد الإيجار بعد مهلة خمس سنوات كفاية ظلم بئا
    احنا مأجرين بعد سنة 82 والإيجارات 10 و13 جنيه يعنى هتزيد هتبئا كام 20 وللا 30 بالزمة دا يرضي مين
    في شرع مين دا يورثونا بالحياة
    دا يعتبر أكل مال الناس بالباطل في فتوى لدكتور نصر فريد واصل مفتى الجمهورية السابق بتحريم قانون الإيجار القديم
    يانااااس كفاية ظلم عندنا المستأجر مات وزوجته قاعدة في الشقة وعياله اتجوزوا في شقق تمليك واحد من ولادها جاى بقعد معاها علشان يضمن الشقة اذا جرالها حاجة
    وبعدين ازاى لو عندهم شقة في نفس المحافظة يعنى اللى عنده شقة في الجيزة مثلا ومستأجر شقة قانون قديم في القاهرة مش هينطبق عليه القانون

  7. يريت يفسخ عقد الايجار القديم وترد العين للمالك وكفايه لان القانون القديم ظالم يعني ايه يكون عندي ساكن بيفع من 3 جنيه في الشهر لحد 150 او200 مع ان الشقه الحكومه سعرتها 450 جنيه و اظن اني مافيس حد سكن ايجار قديم وبيدفع حتي 100 جنيه وعنده ابن وهايجوزه ويشوف له شقه ايجار جديد مع انه عنده بيت طويل وعريض وياحسره مايحتكمش علي شقه يجوز فيها ابنه

  8. انا بستعجب !! يعنى انا مثلا متجوز فى شقه قانون قديم و محلتيش غيرها و مرتبى ملاليم !! و والدى ساكن فى شقه تمليك كان واخدها من زمان جدا !! معنى كده انى اتطرد من بيتى انا و عيال عشان والدى و والدتى عايشين فى شقه تمليك !! ايه الكلام ده !!

  9. انا اقترح اعطاء مهلة خمس سنوات بالنسبه للاماكن المؤجره بعد عام 1980 و مهلة ثلاثة سنوات بالنسبة للاماكن المؤجرة قبل عام 1980 بعدها يفسخ العقد نهائيا ويعود الحق الي اصحابة سواء شقة او محل وسيبكوا من زيادة الايجارات والجان والكلام الفارغ الذي لا يسمن و لا يغنى من جوع و هذا من راي خلاصة الكلام لعودة الحق الى اصحابة

  10. انا اقترح تسليم جميع الشقق والمحلات المؤجرة الى الملاك بعد اعطاء مدة انتقاليةسماح تقدر ب خمس سنوات بالنسبة للاماكن المؤجرة بعد سنة ١98٠ وثلاثة سنوات بالنسبة للاماكن المؤجرة قبل سنة1980 بدون اي زيادات في الايجارات وبناقص الملاك يصبروا كمان شوية لان الزيادة المقترحة هزلية لا تسمن ولا تغني من جوع وبدون لجان تقدير ولا وجع دماغ وهذا اقتراح سهل و اللة الهادى

  11. ياريت تنظرو للاجرات الجديده لانها فيها ظلم للناس اولا الايجار غالى جدا واصحاب السقق ما بيرحموش والمده قصروها جدا يعنى سنه اوسنتين ازاى الساكن كل سنه يشيل عفشه ويرحل وعلاوه على كده تكسير العفش وضياعه ارجوكم طلعو قانون يجبر اصحاب الشقق يخلوها حتى لو 5 سنيين يعنى تبقى مبلوعه وفى نفس الوقت يكون الساكن ارتاحتى من شيل ونقل العفش وطبعا احنا السن بيكبر وتعب النقل معدناش نقدر عليه وياريت ترجع لجنه الاجارات زى زمان ويرحمونا من ظلم الملاك

  12. السبب فى هذة المشكلة الحكومة وعلى الحكومة حلها وافضل حل ان يتقدم كل مؤجر ايجار قديم للاسكان لاولية التسكين وعند استلامة للشقة يترك الشقة فورا للمالك اما المحلات التجارية وهو تحرير القيمة الايجارية
    كما حررنا سيناء وححرنا الجنية دى الخلاصة

  13. لا للتوريث المستأجر ورث العقار وبيبقى دخله بألاف الجنيهات
    ويرمى ملاليم للمالك وللأسف المستأجر بيقفل العقار يعيش هو فى ملكه اومنطقة اخرى وابن المالك اذا اراد ان يتزوج لم يجد مايدفعه لأنه بالالاف وفى نفس المنطقة عقار بملاليم وبجانبه
    عقار بالالاف يبقي اين العدل
    حرروا العقود واعطى الملاك حقوقهم قبل ان تحاسبوا من الذى
    لايغفل ولا ينام والظلم ظلمات يوم القيامة

  14. حلوه حكايه بتلعبوا بالنار !!!هل هو تهديد ام ماذا ؟ اشمعنا الشعب تقبل اشتعال الاسعار بعد تعويم الجنيه وتيجوا علي
    اصحاب الملك وتقولوا الحكومه بتلعب بالنار !!!! انا شايف ان شاءالله ان النار حتحرق الظلمه وكل من يرتضى ويقبل بالظلم
    في هذا البلد بدايه من من قام باصدار هذا القانون الظالم والجائر والذي ينتقص ويعصف بملكيه المالك …..
    والله لايوجد مثيل لهذا القانون علي ظهر الارض ..ولن تقوم قائمه لهذا الشعب طالما يرتضي بهذا الظلم المستبد
    ودعوه المظلوم لا يوجد لها حجاب … واتقوا يوما ترجعون فيه الى لله صدق الله العظيم …

  15. حلوه حكايه بتلعبوا بالنار !!!هل هو تهديد ام ماذا ؟ اشمعنا الشعب تقبل اشتعال الاسعار بعد تعويم الجنيه وتيجوا علي
    اصحاب الملك وتقولوا الحكومه بتلعب بالنار !!!! انا شايف ان شاءالله ان النار حتحرق الظلمه وكل من يرتضى ويقبل بالظلم
    في هذا البلد بدايه من من قام باصدار هذا القانون الظالم والجائر والذي ينتقص ويعصف بملكيه المالك …..
    والله لايوجد مثيل لهذا القانون علي ظهر الارض ..ولن تقوم قائمه لهذا الشعب طالما يرتضي بهذا الظلم المستبد
    ودعوه المظلوم لا يوجد لها حجاب … واتقوا يوما ترجعون فيه الى لله صدق الله العظيم …

  16. اذا كنا هنتكلم عن الدستور فالدستور يقول ان المواطنين متساوين فى الحقوق والواجبات وهذالايحدث لان المستأجرين عيشين فابوبلاش وبياجحوا حعمهم من الملاك والشريعة الاسلاميه هى شريعة الدولة وهذا قانون يمنح التوريث ﻷمستأخرين فى المالك ومادام المستأجرين قابلين بالحرام ومنع تنفيذ شرع الله فعلى الدولة ايضاان تعطي الملاك الحق فى ان يرثوا المستأجرين ويشركوهم فى املاكهم كما عليها ان تعطى تصريح ﻷمستأجرين باستخراج شهادات ميلادوبطاقات رقم قومى باسماء الملاك عشان حتى يبقوا عندهم اصل لبابا المالك اﻷى ورثهم وسكنهم ببلاش مش بابا المستأجر اﻷى سابهم غلابه ذى مابيقولوا

    1. طيب واللى مادفعش خلو وباعترافة شخصيا استلم الشقة على المفتاح ايه نظامه وحضرتك لما دفعت خلو يعادل قيمة العمارة ليه ماإشتريتش عمارة وسكنت فيها بدل ماتسكن عند الناس انت عارف انه الخلو كان مجرم قانونا وياما ناس اتسجنت ظلم يعنى طالما كان فيه قانون كان يجرم الخلوات يبقى ده كلام مرسل لايعتد به وايه رأيك فى الشقق المغلقة من عشرات السنين ……….

  17. لماذا هذا الاصرار علي ان تكون نسبة من الايجار القديم يعني بعد اكثر من خمسين سنة يزيد الايجار اللي 7جنيهات يبقي 21 جنية وشقة كبيرة وفب مثيلاتها يتم تاجيرها 7000الاف جنية ارجو ان يصدر قانون عادل بتم معادلاته بالدولار زي اي سلعة بالنسبة للجنية طالما نحن عندما نشتري سلعة لما نجدها ارتفعت يقولوا الدولار لماذا لانقول نحن الملاك الدولار عو نحن لانتاثر بالدولار لاننا ملاك الحكومة اعلنتعن شقق للايجار علي الاقل يخلوها زي شقق الحكومة المعلنة او التوريث فهذا مشكلة اخري يجب ان يحددمن يستمر في الشقة جميع الاولاد حتي سن 26مثل المعاشات او البنات الغير متزوجات فتستمر حتي الزواج لكن كل ما يحصل حاليا الاولاد يستولوا علي الشقة لحين الممات وينفس قيمى الايجار رغم ان دخولهم تفوق ماكان يتقاضاه والدهم اولاد المستاجر يورث واولاد صاحب الملك لايورثو اين العدال في اي دولة في العالم هل يتم هذا النظام من اين نحن واقفون من قوانين الايجار القديم

  18. واحد عاوز ياكل سحت ويأجر محل بيكسب منه الاف ببلاش وبيقول افضلنا نموت بشرف شرف اللصوص

  19. حتى لو ماحدش اتطرد من سكنه واترفع الايجار المستأجرين مش هيوافقوا
    هم اتعودوا يسكنوا ببلاش واي حاجه ممكن يدفعوا فيها الا انهم يدفعوا للمالك حقه

  20. كل اللي بيهاجم القانون ما بتكلمش ابدا على الحرام ولا الحلال بيتكلم عن اي حاجة تخليه ياكل اموال الناس بالباطل

  21. تحرير سعر الإيجارات زي ما حرر سعر صرف الجنيه و عومه و مش ها نطرد حد بس كل واحد يأخذ حقه مثال عندي شقه ايجار قديم حجرتان وصاله ايجارها واحد جنيه و نصف و دفتر الايصالت يثلاثه جنيه طب ها زود كام في المئه 300% مش ها يجيب ثمن لتر بنزين

    1. اقترح أن نزيد الإيجارات على النحو التالى
      قبل 1950 خمسون ضعف
      من 1950 إلى 1960 40 ضعف
      من 1960 إلى 1970 30 ضعف
      من 1970 إلى 1980 20 ضعف
      من 1980 إلى ا1990 5 أضعاف
      من 1990 إلى 1996 4 أضعاف .

  22. أنا من الملاك أنا مش عايز أطرد حد خالص أنا عايز قيمه ايجاريه تساوي ثلاث أرباع بتاع اليوم

  23. اللي ساكن فيايجار قديم قبل 84 او حتي 86 اوحتي قبل 81 وبيدفع ايجار 50 جنيه اظن دى اعلي قيمه ايجاريه تدفع في هذا الحين مع الزياده الجديده حتي لو هتبقي 90/ تبقي كام 45 +50=95 جنيه بالزمه دا يرضي ربنا ازاكان اللشقق اللي اعلنت عنها الحكومه للايجا ر اقله 350 جنيه احني بنقول يبقي فيه انصاف لمالك العقار

  24. هل غاب العدل والمنطق بمجلس الشعب ، كيف يتم تهديد المستأجرين وطردهم من بيوتهم لصالح رجال الأعمال اللى اشتروا العمارات القديمة ، معنى ذلك أن المستأجرين يواجهون احتلال ، هل مصر احتلت من قبل رجال الأعمال ، كيف يتم فسخ عقود قد تمت بموافقة الطرفين المالك والمستأجر ، أغلب المستأجرين دفعوا خلوا ومقدم يوازي ثمن الوحدة ، وأن الملاك قاموا بتحرير العقود بموجب قانون الإيجارات القديم بمحض إرادتهم ، واستفادوا من الدعم فى البناء ، ومازالوا يتربحون من العقارات بالملايين بالتفاوض مع المستأجرين ، لماذا تقوم الدولة حاليا بطرد السكان وقد سبق وأن فصلت المحكمة الدستورية فى هذا الأمر ، هى الدولة مش حاسة أن الحياة صعبة جدا ، وأن المرتبات متدنية جدا ،اسعار الشقق والإيجار الجديد لا يقوى عليه أى موظف ، حرام عليكم البهدلة اللى احنا فيها ، مش معقول نعيش مهددين ، ارحمونا انتم بتحرقوا البلد ، بدل ما تخففوا على الناس وتحسنوا أى خدمة وشوفوا حل البطالة بتولعوا فى البلد

    1. حضرتك بتتكلمى عن نفسك فقط مش حاسة ب 30 وريث من احفاد المالك اما التجار اللى بيشتروا عقارت قديمة بيكونوا متفقين مع السكان على مبالغ معينة بالتراضى وانت لو حصل معاكى ذلك مش رايحة تترددى تاخدى فلوس وتشترى شقة جديدة فى مكان محترم وبعدين فين هو الدعم بتاع البناء كل مواد البناء غير مدعومة والعمالة غير مدعومة اما الحياة فهى صعبة على الجميع بدون استثناء بندفع مثلك كهرباء وماء وغاز وبنشترى باسعار اليوم وحضرتك انتى وزوجك واولادك ماشاء الله رواتب وتكييف وسيارات واللهم لاحسد ومستكترين شقى لطفل يتيم وارث والده مش رايح ادعى لكن اقول حسبنا الله ونعم الوكيل فى كل مسؤل ظالم واكل سحت يعنى صاحب الدكان ايجار قديم بيبيع السلعة اقل من صاحب محل ايجار جديد نفس السعر وزيادة يبقى حلال ولا حرام …….

  25. انتوا كده بتلعبوا باالنار ده نصف مصر قاعده فى ايجار قديم
    لو عوزين تحلوا حلوا اولا مشاكل المياه والصرف الصحى والاشغالات وعيشه المواطن لان فى ناس كثيروا جد متقدرش انها تقعد حتى ٢٠٠ فى الشهر الا فى حاله واحده انه يموت
    لكى الله يامصر

    1. والمالك اللى عمره 70 سنه وزوجته ولا معاش ولا يحزنون مش لاقيين ثمن الدواء وايه رايك فى الساكن اللى عنده سيارة وابنه وبنته كل منهم عنده سيارة و 2 تكييف واكل دليفرى والمالك مش لاقى ثمن الدواء والساكن بيصيف فى الساحل الشمالى اشرحها لى تتصرف ازاى دى ………

  26. ده استهبال مش قانون ابنى عنده شقه اترمى انا وابوه واخواته جوزى متجوز وعنده شقه اترمى انا بره اااااااايه يا حكومه الا بيوتنا

  27. لو تم طردنا من اماكن اكل عيشنا اصبحنا ميتين بالحى يبقى افضل لنا نموت بشرفنا ومحدش يطلعنا من مكان اكل عيشنا والبلد تولع

  28. الحكومه بتلعب بالنار .. والناس مش عارفه الموضوع ده حتى الان .. ولو عرفوا وفهموا انهم هيترموا بره مساكنهم ومحلاتهم اللى فاتحه بيوتهم وان ده خراب لبيوتهم وتشريدهم فى الشوارع .. فربنا يستر على اللى ممكن يحصل فى البلد

  29. كيف ينص مشروع القانون على إخلاء المكان المستأجر إذا ثبت أن الزوجة أو أحد أقارب الدرجة الأولى حائز لوحدة سكنية أخرى .. هذا يعنى ألا يستقل أي من أبناء المستأجر (أقارب الدرجة الأولى) بحياته حال زواجه ، وأنه يلغي الشخصية الإعتبارية للزوجة وأقارب الدرجة الأولى وهذا مخالف للدستور والقوانين والأعراف . . أتصور من يضع مشروع قانون في دولة بحجم مصر أن يعي أولا الدستور والقوانين والأعراف السائدة مع مراعاة الظروف التي في ظلها تم اكتساب المواقف القانونية المراد تعديلها حيث كان يدفع المستأجر مبلغا تحت عنوان “خلو رجل” ويرضخ لطلبات المالك .

أضف تعليقاً

لن يتم نشر عنوان بريدك الإلكتروني.