كما توقعنا من قبل، خفضت وزارة التموين هامش ربح بقالين التموين في الأرز المدعم في إطار خفض الحكومة للمبالغ المخصصة لدعم السلع الغذائية وذلك بعد أن قامت منذ أسبوعين بخفض الدعم علي الزيت والسمن والسكر والمكرونة والدقيق والشاي.
قال ماجد نادي المتحدث باسم نقابة بقالين التموين، إن “احنا قرفنا، ١٠ قروش هامش ربح وانا بدفع ٨٠ جنيه مشال على الطن غير وجع القلب والتالف والناقص”، مشيرًا إلى أن سعر بيع المستهلك ٥.٢٥ جنيه وبالتالي زاد علي المستهلك بـ ٧٥ قرشًا.
كانت نقابة البقالين طالبت وزير التموين محمد على الشيخ، بزيادة هامش ربح السلع المقررة علي البطاقات التموينية بعد تحرير أسعار البنزين والسولار، لأن نقل السلع من منافذ شركات الجملة التابعة للشركات القابضة للصناعات الغذائية، تأثر لعدم تحميل التاجر فروق النقل “المشال” على المواطن.
وطالبت ماجد نادى “عايزين يكون فى هامش ربح صريح بدل ما فى تجار جشعين يحملوا على المواطن الفرق، هامش ربح كيلو الارز ١٠ قروش واحنا بندفع مشال لكيلو الارز ١٠ قروشكما أن هامش ربح الكيلو من السكر ٢٣ قرش و الزيت ٢٥ قرش والأزر ١٠ قروش”.
لما الحكومة ترفع الدعم عن كل شئ وتفرض ضرائب إذا ماهو التزام الحكومة تجاه الشعب
حسبى الله ونعم الوكيل اللهم انتقم منكم خربتو البلد بقرارتك وفتيتو لغايه ما اصبحنا شبه غرب فى بلدنا حترحو فين من ربن المنتقم الجبار انتم اتعينتو عشان تموتو الناس مش عشان تريحو البشر طالما انت وغيرك قاعدعلى كرسى بيتهزو شمال ويمين ومرتاح م مهم الناس عندك وعند غيرك تموت اتقو الله فى المصريين وحرام ال بتعملو فينا كفايه غلب وكفايه قرف
سمك لبن تمر هندى التجار تقول فلان يقول علان يقول واى حد يقول الحكومة تزود على طول قرارات من غير دراسة ومافيش مسؤل بيفهم ان الشعب دة اصبح داخل فوة الجحيم فغلاء الاسعار سيدفع لغليان فى الشارع غلاء سلع بكافة انواعها حتى المناديل والصابون والعدس وجميع البوقليات والمكرونات وابوك السقا مات كل حاجة غليت الدواء حتى المريض لم يسلم الم يكفى ماهوة فية من مرض لاة زود الدواء وارفعة كمان من السوق والبلد ماشية الى المجهول كل يوم المواطن يصبح على خبر غلاء جديد وياريت الحاجة بتزيد وتثبت لاة تانى يوم تزيد تانى وثالث يوم تزيد تانى زى وزير التموين اللى قاعد يزود كل يوم فى السلع مرة واتنين وثلاثة كان الشعب كتيبة او فرقة تتلاقى الاوامر وتنفذ دة شعب مغلوب على امرة ويعانى الامرين المواطن يجيب منين للدروس اللى غليت هية كمان ولايجيب للبس ولايجيب للعلاج ولايجيب لااكل ولايجيب لاايجار كل المعيشة بقت نار وياخوفى للنار ان تكتسح كل شىء ونجلس نغنى ظلموة