راتب خيالي لعمرو أديب على قناة أون تي في سوف يصدمك “تعرف على الراتب وشروط عمرو أديب”
عمرو أديب

بعد انتقال عمرو أديب الإعلامي الشهير إلى قناة اون تي في، يتسائل الكثير من متابعي برامج التوك شو، عن قيمة الراتب الذي يتقاضاه عمرو أديب من خلال برنامجه “كل يوم”، وذلك بعد انتقاله من قنوات اليوم ليظهر من جديد بواجهة جديدة وبرنامج جديد على قنوات أون، وجاء الإعلان عن الراتب الجديد عن طريق مصدر يعمل داخل القناة.

راتب عمرو أديب على قناة أون تي في الجديد يصل إلى 25 مليون جنيه سنوياً، وهو الرقم الذي انتاب الكثير بالانبهار والحزن في نفس الوقت، لما يتقاضاه أديب نظير حلقه يقدمها يوميا على القناة، يتقاضى عنها 25 مليون جنيها في ظل الظروف التي تمر بها البلاد في هذه الفترة.

وجاءت أيضا أخبار من مصادر موثوقة داخل القناة، أن عمرو أديب قد اشترط على القناة زيادة المقابل المادي الذي يتقاضاه كل عام، وجاء رد الشركة أنها ستقوم بذلك في حال تحقيق البرنامج لنسب مشاهدة عالية هذا العام، وأنه ليس لديها مانع في زيادة راتبه في حال تحقيق نجاحات ونسب مشاهدة كبيرة للقناة.

تابع أيضا

كانت شركة بروموميديا قد وفرت لعمرو أديب كل المؤهلات التي تصعد ببرنامجه لصدارة برامج التوك شو في مصر، وقد أتاحت له كل الإمكانيات والطلبات التي عرضها على القناة قبل أن يبدأ تقديم حلقاته الأسبوع الماضي.

ما تعليقك على راتب عمرو أديب الخيالي في قناة أون تي في ؟، شاركنا في التعليقات أسفل المقال

تابعنا على المواقع الاجتماعية ليصلك الجديد أولا بأول

التعليقات

  1. ومش فاكرين غير الغلابة يفحتوا فيهم زيادة كهرباء وغلاء في كل شئ ومش كده وبس لأ كمان يقولك صبح علي مصر مش أما يصبح علي أولاده وبيته الأول حقيقي قمة المسخرة حسبي الله ونعم الوكيل

  2. الله يرزقك ياعمرو يابنى هذا عطاء الله يهب من يشاء بغير حساب والله شاء لة ذلك لا اعتراض وربنا يبارك لة انها ارادة الله

    لى رجاء اذا تستطيع انك تعتبر سيادتك فى اجازة نصف شهر وتعطينى النصف شهر دة اجوز بة عيالى ..العيال كبرت وانا كبرت ناقص سنتين على المعاش وبالعافية بأكلهم ولا واحد فيهم وفقك فى وظيفة لسة حمسة وفيهم بنت وحيدة.. والله الاكل بالعافية حجوزهم منين نظراتهم تقتلنى بس مش بيكلموا لكن اشعر بنظراتهم والله مؤدبين..لاكن اقول اية غير اللى قلتة
    انها ارادة الله يرزق من يشاء بغير حساب.. اللهم لا اعتراض سبحانك انت الوهاب
    انسان فقير جدا..صح الفقر مش عيب لكن مؤلم جدا

  3. حسبى الله ونعم الوكيل هو بيعمل ايه علشان ياخد هذه المبالغ هو وامثاله فى حين نجد بعض المهن الخطرة مثل العاملين فى الصرف الصحى والافراد العاملين فى المعمار . . . . . . . . بياخذوا ملاليم بالنسبة للمبلغ ده

  4. ليه بيعمل ايه المعرص ده ابو صلعة
    الغلط على ال بيدفع المرتبات الرهيبة دى
    لازم هنا دور الدولة وتشوف الناس دول بيجيبو المليارات دى منين
    ومن اين لك هذا

  5. 2 مليون شهرى مش كتير .. انا اسمع عن وزراء بياخدوا ستة وسبعة مليون .. وبيطالبونا بالتقشف .. عمار يا مصر

  6. أكثر الناس ترفا….يطالبون المعدمين والمحرومين والميتين بالتقشف ..لكي يظل في ترفه وبرجه العاجي….عمرك شفت سفالة زي كده؟؟؟؟

  7. اوﻻ هذا عمل حر ماتدفعه القناه هذا شأنها ولكن المهم هو حق الدوله من ضرائب تصاعديه كما بحدث في العالم..وليس عمرو اديب لكن الممثلون النجوم الرياضيون بجميع انواعهم..حتي موظفي الحكومه وقطاع اﻻعمال الذين يتقاضون مرتباتتفوق الخيال ( قطاع الكهرباء البترول اﻻجهزه الاجهزه السياديه) ما خفي كان اعظم…..مفيش حد صالح كلنا بقينا بتوع مصالح……….. استرها يارب

  8. يعني اتنين مليون في السنه للدرجه دي عمله مهم بس الناس مش عاجبها زياده رواتب رجال الجيش المسئولين عن حمايه دوله كامله ومعرضين للشهاده في اي وقت مع تيتم اولادهم وترمل زوجاتهم لك الله يا مصر . شغل الهمبكه هو اللي ماشي دلوقتي

  9. 5 الاف جنيه يا كافر ثمن موبايل – يستحق ان يأخذ من الشعب المنكوب ليصيف فى باريس مع لميس الشيطان و يتكلم عن الغلابة

  10. 25 مليون دولار سنويا يعني بالجنيه المصري على سعر الدولار 13 جنيه مثلما كان يقيض بالدولار من القناة السعوديه يقف الشهر مائه و ستون ألفا و مائتي و سته و خمسين دولار شهري طبعا الغرض من ذلك كسر إحتكار القنوات الفضائيه السعوديه أمام المليارديرات المصريين حيث بهذه العمليه نجح المهندس هشيمه في طرد قنوات ألفا الفضائيه من السوق العربي و الأميريكي و الأوروبي و الأسترالي ( الجاليات العربيه في المهجر ) و التي كانت مجموعه قنوات ألفا المشفره و المباعه من خلال قنوات OSN قد وصل الإشتراك الشهري 120 جنيها منذ يناير الماضي الآن بعد هذه الضربه القاضيه مجموعه قنوات OSN ترسل رسائل بريديه يوميا لعملاءها المنسحبين و تعرض عليهم تجديد الإشتراك يخمسين في المائه خصم اي ستون جنيها شهريا إنها معارك الراسماليه في السوق ما بين القاهره و الرياض

  11. واللهى هو الراجل بيعرف يمثل كويس وعندة كريزما بس المشكله انه اكيد معندهوش وقت يصرف الفلوس هو ومراته فالمفروض يصبح بيهم على مصر

  12. قطاع خاص وهو حر يدفع اللي يدفعة كل واحد ياخذ رزقه لا تبص لفوق وتقول اشمعنا بص لتحت وقول نعمة

  13. كويس يعني يقدر يصبح على مصر بجنية يوميا … بس خسارة راتبه مفهوش فكة علشان يتبرع بيها لمصر … ياريت القناة تزود راتبة وتخليه 25 مليون و95 قرش … علشان يتبرع بالـ 95 قرش لمصر .. وعجبي

  14. عادى جدا هوه فيه حد دافع حاجه من جيبه لو مأخدش المبلغ ده السكر والزيت وباقى المنتجات وسعر الدولار هيرخص عادى جدا

  15. الردين السابقين حلوين و اضيف لهم الاتى: عندى سؤال : هيشبعوا امتى ؟ هو الخسارة اللى خسروها المصريين فى شراء شهادات القناه كانت قليله ؟؟؟ مش هنقول تبرعات تحيا مصر ولا ضريبة القيمه المضافه ولا تخفيض الجنيه … كل واحد اشترى شهاده بالف جنيه خسرت يا جماعه بقت قيمتها 300 جنيه …حسبنا الله ونعم الوكيل

  16. لو عندى ماكينة طبع فلوس موش حاقدر اطبع المبلغ دة فى السنة … وهو عمرو بيعمل اية اكتر من غيرة يعنى … صوتة عالى وبلطجى ولسانة فالت وهايف … دى شغلة اللى موش لاقى شغل … اى بواب لو عندة شوية لباقة وصوت وفهلوة حا ينجح … التليفزيون مليان مذيعين ما بيعرفوش يتكلموا ولا درسوا اعلام والصدفة او الحظ او الواسطة رمتهم علينا … بلاش استفزاز الناس تعبانة والبلد واقعة

  17. راتب عمرو أديب ليس الوحيد فى مصر فهناك ضبا ودبلامسيين ورجال اعلام و رجال اعمال راتبهم مثله او اكثر – العجيب دول اللى بيطالبوا الشعب بربط الحزام

    1. يقول [email protected]:

      هو ده الفقير

    2. علشان كده كان متأثرا اوي بحسين سالم وشايف اني الكم مليار اللي فضلوا له يعيني مش هيكفوا هو وعياله الأهم اني الشخصيات ديه مش هتحس بالناس علشان تطرح مشكلهم بس الشعب تنح وخد على كده وفي بعض الناس هيقولوا قليل كمان

اترك تعليقاً

لن يتم نشر عنوان بريدك الإلكتروني.