المتزعم لثورة الغلابه يعلن عن قسم النزول للشوارع يوم 11-11 للقصاص
المتحدث باسم ثورة الغلابه

ما زال القائم على حركة غلابة والمتزعم لما أسماه ب”ثورة الغلابه” يحاول الترويج لما يدعوا إليه، عن طريق مواقع التواصل الاجتماعي، وبين الحين والحين يصدر تصريحات وبيانات على صفحته الشخصية يذكر فيها تفاصيل جديدة.

واليوم نشر المتزعم لثورة الغلابة قسماً للثورة المزمع انطلاقها في 11- 11 2016.، وذلك عبر تغريدة له على الموقع الرسمي لحركة غلابه، بالفيس بوك.

وقال في تغريدته، “قسم حركة غلابة، يا احرار مصر رددوا هذا القسم ليكون عهدا علينا جميعا، اقسم بالله العظيم ان اخرج في ١١/١١ او في الموعد الذي ستعلنه حركة غلابة للنزول بشوارع مصر كلها للقضاء علي عصابه النظام الفاسد والقصاص من كل من قتل المصريين وباع ارض مصر وخانها وذل شعبها، والا اعود الي بيتي الا بعد اسقاط هذا النظام الفاسد وتحرير مصر وشعبها، والله على ما نقول شهيد، ثورة الغلابه”.

%d8%ba%d9%84%d8%a7%d8%a8%d9%87

تابعنا على المواقع الاجتماعية ليصلك الجديد أولا بأول

التعليقات

  1. ههههههههه ايام حسني نزلتو بحجج ازمة سياسية ودلوقتي عملتو ازمة اقتصادية والسبب فيها اصلا ثورة زفت 25 ..انزلو عشان تبوظ اكتر والبلد تضيع اكتر …بس ابقو شوفو الشعب الغلبان ده هيربي اي حد ينزل

  2. قبل 25 يناير الناس نزلت و افتكرت ان الجنة منتظراهم ، و انهم حيبقوا اثرياء ، و بعد الخراب اللى حصل و فتح السجون و سرقة العربيات و خطف الاطغال ، انخفض الاحتياطى النقدى و توقفت السياحة و انخفضت قيمة الجنيه (من قبل التعويم) 3 مرات ، الغريب ان الشعب عايز حد يحل له مشاكله بدون أن يبذل مجهودا ، عايزين حد يصرف علينا دعم متواصل لا ينقطع ، ان شعب بهذه العقلية يستحق ان يظل فيما هو فيه ، فلتعيشوا أيامكم فى ثورات و خراب و حروب لا تنقطع و لتنعم اوروبا ودول الغرب بما فيه من رخاء نتيجة العمل الدؤوب و التفكير فى مستقبل اوطانهم و ليس هدمها

  3. ثورات ايه حرام عليكوا ارحموا البلد شويه مصر مش ناقصه وقف حال وخراب يا ريت نتحمل شوية ده ربنا قال إن مع العسر يسرا

  4. ثورات ايه حرام عليكوا ارحموا البلد شويه مصر مش ناقصه وقف حال وخراب يا ريت نتحمل شوية ده ربنا قال إن مع العسر يسرا

  5. انا اتمني إن ربنا يعدي الايام الجايه علي خير واحنا نفدي مصر بأروحنا مهما كان التمن المهم نعيش بكرامه

  6. أهبل أيه يا عالم يا عار فاكرين الناس عايشة في الجنة الناس بتسف تراب ومش لاقيه ريحة الاكل لا عندها ولا عند الجيران اللي بيحصل في مصر يستاهل ألف ثورة مش ثورة واحدة وبعدين هيا أسمها ثورة الغلابة يعني محدش بيكلمكم أنتوا .فاهمين طبعا

  7. ارحمونا بقي حرام عليكو مصر تحيا مصر عمرها ما كانت لعبة في يد احد كان ولاعاش تحيا مصر

  8. معاكم حل من اتنين أما نقعد ونطنش وفي هذه الحالة سوفا يسرق الأخ أخو ويقتله وياكله … أو ننزل ويكون نتيجة من اتنين أما نسقط الظلم والجبروت ونعيش زي الشعوب مهي عيشة مع العلم أن السيسي مش مدني وغلبان زي مرسي ده الجيش بجيبه وياكله من قوت المواطن أو تكون النتيجة استخدام كل القوى والبطش ضد المواطنين من قبل النظام مع الاخد بعين الإعتبار أن السيسي حيعمل قاعدة روسية في مصر أي رسم نفس السناريوة الذي في سوريا … وبالرقام لو بقيت في البيت ولم تنزل انت هالك 100/100 والذي يأكلون من قوت الغلابة هم الذي يعيشون في النعيم ولو نزلت 50/100 الربح والخسارة وأيضا في حالة الخسارة حتشمل الشعب والظلمة والنصابين في حالة أصبحنا مثل سوريا … سوريا التي جعلها لنا الغرب مثال وعبرة لكل شعب عربي تسول له نفسه الخروج على الحاكم ومطالبته بالحياة بكرامة و إنسانية أو حتى حيوانية .

  9. انانازل بازن الله عشان دم شهداء رابعة ومن ثورة يناير لحدالان ولاعيد شرعية الرئيس مرسى رغم انف الحاقدين واستراد حقالعب المصرى وارجاع الاراضى المصريه من مشتريها

  10. كيف ننزل والزعيم اخواني واحنا شلنا الاخوان هي بقت لعبه ملك وكتابه انا نفسي في واحد يحب مصرصح واحنا ورااا

  11. ليه الشتيمة – اللي عايز ينزل- ينزل. و اللي عايز يقعد في البيت يستني لما يبقي في الشارع – دي حرية

  12. غلابة اية يا عبيط دا المصرى ابن الفراعنة قائد ولا يقاد انت اية اصلا لتنشر تغريدة هى دى الحرية عميل جديد ولا ايةةةةةةةةةةةةةةة

  13. ان شاء الله كل نازل هي موته والا اكتر بعد لحم الحمير والقمح المسرطن والقعاد في البيت من غير شغل يبقي الموت بشرف احسن

اترك تعليقاً

لن يتم نشر عنوان بريدك الإلكتروني.