وائل غنيم: “المعتوه سيتعاون مع السيسي، ومصر وإسرائيل في أفضل علاقة صداقة منذ عقود”
وائل غنيم

هاجم الناشط السياسي وائل غنيم، السياسة الخارجية لمصر وتصريحات الإعلام المصري حول عودة الرحلات السياحية للقاهرة مرة أخرى بعد حادث الطائرة الروسية المنكوبة.

وقال غنيم في تدوينة مطولة “علاقات خارجية:  الرحلات الروسية إلى مصر لحد النهاردة محظورة. والسبب إن السلطات الروسية لا تثق في تأمين المطارات المصرية بعد تفجير الطائرة اللي مات فيها 224 ضحية. الإعلام المصري بقاله 6 شهور بينزل خبر كل أسبوعين تلاتة يقول: “عودة الرحلات الروسية إلى مصر .. قريبا”. روسيا أعلنت إن الطيارة وقعت بسبب حادث إرهابي وإن فيه شبهة اختراق لمنظومة الأمن المصري تسببت في دخول المتفجرات للمطار، بس الجانب المصري رفض “الادعاءات الروسية” ودعى الجانب الروسي لانتظار نتائج التحقيقات،  برغم إن مصر دفعت بشكل مبدأي أكتر من 4 مليون جنيه تعويضات لأسر السياح المكسيكان اللي انضربوا بهيلكوبتر تابعة للجيش، إلا إن الحكومة رفضت الاعتذار بشكل رسمي عن الحادثة. العلاقة المصرية المكسيكية توترت بعد ما حكومتهم اتهمت مصر بالتقصير في التحقيقات وتعمد المماطلة. الجانب المصري رفض الانتقادات وطالب المكسيك بانتظار نتائج التحقيقات”.

وأضاف قائلاً “البرلمان الإيطالي في يونيو اللي فات أصدر قرار سماه: “قرار ريجيني” يقضي بإيقاف تسليم مصر شحنة قطع غيار طيارات F16. وشخصيات رسمية من الحكومة الايطالية اتهمت بشكل صريح أجهزة الأمن المصرية في التورط في تعذيب ريجيني حتى الموت واتهمت أجهزة التحقيق المصرية بعدم الحيادية والتواطئ. الجانب المصري رفض الاتهامات وناشد الجانب الايطالي لإعادة السفير مرة أخرى وانتظار نتائج التحقيقات، دونالد ترامب، المرشح -المعتوه- لانتخابات الرئاسة الأمريكية والمعروف بعداءه للعرب والمسلمين، قال في حوار إعلامي إنه هيتعاون مع حلفاء أمريكا في المنطقة، ولما سألوه مين؟ أول اسم قاله: السيسي، مصر وإسرائيل حاليا في أفضل علاقة صداقة منذ عقود” السفير الإسرائيلي في القاهرة، المتحدث باسم الخارجية (ودي مهنة الله يكون في عون اللي بيشتغلها) بيقول إن مصر مفيهاش أي قمع لحرية الرأي وإننا نعيش في أجواء غير مسبوقة من الديمقراطية وإن تقارير منظمات حقوق الإنسان مشبوهة ومنحازة ضد مصر. لو حد يعرفه يا ريت يبلغه إن نيابة أمن الدولة العليا قررت من يومين تجديد حبس فرقة “أطفال الشوارع” الغنائية اللي بقالهم 3 شهور بيتجدد حبسهم، والتهمة هي نشر فيديوهات غنائية على فيسبوك تضر بمصالح أمن الدولة العليا”.

وائل غنيم

تابعنا على المواقع الاجتماعية ليصلك الجديد أولا بأول

التعليقات

  1. عارف فلم (إعدام ميت) بتاع محمود عبد العزيز الى بيجسد دور جاسوس وعميل للمخابرات الإسرائيلىة. انت بفي بتفكرنى بية اوووى في شكلك وتصرفاتك والفلوس الى بتقبضها من أمريكا الفرق بينك وبين الجاسوس دة انة كان نجس بس لة أب نظيف قتلة عشان يطهرة من النجاسة. انت بقى نجس بس للأسف مالكش اب نظيف يطهرك واضح انك مالكش أب أصلا او بالكتير لك عيلة كلها نجسة زيك. اشوفك في جهنم إن شاء الله مولعين فين بالدولارات. |أما في الدنيا فديل الكلب عمرة ماينعدل….

  2. واذا.غنيم.ومن.هم.على.شاكلتة.لايعيشون.الا.على.الفوضى.هم.زى.الخفافيش.يعيشون.على.مص.الدماء.هو.وامثالة.الخونةلا.تستحقون.الحياه.لأنهم.لايريدون.الحياة.لاوطانهم.

  3. من أنت ياهذا الوائل غنيم لو رجعت ذاكرة الزمان إلى الوراء قبل 25 يناير تجد نفسك نكره بالنسبة للمصرين وبعدين انت راجل مبسوط وقاعد برة وبتأخد مرتب أد كده مالك إنت و مال مصر .. وكفاية الناس اللى إنت شغال معاهم شوية موساد و شوية امريكان و إشى حقوق الإنسان .. وعامل قلبك على مصر .. مايحسش بمصر الإ عايش فيها.. والى عايش فيها عارف إنها حتتحسن و تبقى قد الدنيا ..وبعدين يعمل إيه السيسى فى التركة الكبيرة اللى أصبحت من مخلفات الثورة و النزاع على السلطة والحرق والقتل والتخريب اللى نتج عنها وعن السوداء بتاعت الإخوان .. دى دوامة وكان لازم تتقفل .. والحمد الله البلد زى الفل و حتتحسن بإذن الله .. الصبر يامصريين لا تستمعوا للعملاء وتمسكوا بالرئيس السيسى و خليكوا سند له والمشروعات اللى بينفذها فيها الخير كله .. هم عايزين يشوفوها مولعة زى ليبيا والعراق و البيوت الخربة المدمرة من ويلات قذائف الصراعات الأهلية..ومبن المستفيد فى الأخر ..إسرائيل و امريكا اللى بتنفذ الخطط اللى فى الإدراج لحماية إسرائيل …دى حرب بالوكالة و انت عميل فيها يا هذا الوائل.

  4. من أنت ياهذا الوائل غنيم لو رجعت ذاكرة الزمان إلى الوراء قبل 25 يناير تجد نفسك نكره بالنسبة للمصرين وبعدسن انت راجل مبسوط وقاعد برة وبتأخد مرتب أد كده مالك إنت و مالم مصر .. وكفاية الناس اللى إنت شغال معاهم شوية موساد و شوية امريكان .. وعامل قلبك على مصر .. مايحسش بمصر الإ عايش فيها.. والى عايش فيها عارف غنها حتتحسن و تبقى قد الدنيا ..ويعمل إيه السيسى فى التركة الكبيرة اللى أصبحت من مخلفات الثورة و النزاع على السلطة والحرق والقتل والتخريب اللى نتج عنها وعن السوداء بتاعت الإخوان .. دى دوامة وكان لازم تتقفل .. والحمد الله البلد زى الفل و حتتحسن بإذن الله .. الصبر يامصريين لا تستمعوا للعملاء وتمسكوا بالرئيس السيسى و خليكوا سند له.. هم عايزين يشوفوها مولعة زى ليبيا والعراق و البيوت الخربة المدمرة من ويلات قذائف الصراعات الأهلية..ومبن المستفيد فى الأخر ..إسرائيل و امريكا اللى بتنفذ الخطط اللى فى الإدراج لحماية غسرائل …دى حرب بالوكالة و انت عملاء فيها يا هذا الوائل.

  5. ههههههههه انت لسه عايش يا غنيم!؟
    افتكرناك مت …انت متتكلمش لانك سبب في المصايب …واشتهرت على قفا المصريين وخلاص على كدا…مسافر بره ومرتاح قلبك ومنطمن على مصر؟

اترك تعليقاً

لن يتم نشر عنوان بريدك الإلكتروني.