أدمن آسف ياريس موجهاً رسالة للنظام “تقدر فعلاً تشيل مبارك من التاريخ .. ولكن!”
مبارك وأدمن اسف ياريس

قال أدمن صفحة ” آسف ياريس” الناشط كريم حسن، موجها رسالة خطيرة إلى عبد الفتاح السيسي منتقداً النظام بعدما قام بحذف اسم مبارك من كتب وزارة التربية والتعليم.

وأشار حسن من خلال تغريده له عبر صفحته على موقع التواصل الاجتماعي، “فيس بوك” تحت عنوان ” تقدر فعلاً تشيل مبارك من التاريخ .. ولكن!

– مع كل قرش بيغلى فى سعر فاتورة الكهرباء الناس هتحلف بأيامه !
– مع كل قرش زيادة فى سعر فاتورة الغاز الناس هتحلف بأيامه !
– مع كل نقطة ماية هتنقص من النيل الناس هتحلف بأيامه !
– مع كل قرش زيادة فى السعر الدولار الناس هتحلف بأيامه !
– مع كل زيادة فى جرام الدهب الناس هتحلف بأيامه !
– مع كل دولار بينقص من الأحتياطى النقدى الناس هتحلف بأيامه !
– مع كل سايح بيهرب من مصر الناس هتحلف بأيامه !
– مع كل قرش زيادة فى سعر الأكل و الشرب الناس هتحلف بأيامه !
– مع كل قرش زيادة فى سعر العلاج الناس هتحلف بأيامه !
– مع كل ضريبة زيادة الناس هتحلف بأيامه !
– مع كل جندى بيموت الناس هتحلف بأيامه !
– مع كل طلب تبرعات الناس هتحلف بأيامه !
– مع كل تصريح بإلغاء الدعم الناس هتحلف بأيامه !
– مع كل جنية بتخسره قناة السويس الجديدة الناس هتحلف بأيامه !
– مع كل شبر من الأرض بيتباع الناس هتحلف بأيامه !
– مع كل جريدة بتتقفل الناس هتحلف بأيامه !
– مع كل معارضة بتتكتم الناس هتحلف بأيامه !
– مع كل تتطبيل ونفاق بزيادة الناس هتحلف بأيامه !
وفي نهاية التغريده اختتم أدمن آسف ياريس “تقدر فعلاً تشيل مبارك من التاريخ ..بس متقدرش تمنع الناس تحلف بأيامه”!
وكانت وزارة التربية والتعليم قد قامت بحذف مبارك من جميع الكتب الدراسية أي من التاريخ الدراسي، وأثار ذلك غضب جميع المواليين لنظام مبارك، وعبر البعض منهم عن غضبهم من خلال مواقع التواصل الاجتماعي.
مبارك
شاهد التغريدة: 

تابعنا على المواقع الاجتماعية ليصلك الجديد أولا بأول

التعليقات

  1. كانت ايام كلها جهل امراض سرطانية وسرقة وجاى تقارن نفسك بسنتين كلهم مشاريع قومية صحيح اللى اختشوا ماتوا

أضف تعليقاً

لن يتم نشر عنوان بريدك الإلكتروني.