حسني: “مين اللي فهم السيسي يهدر المليارات في حفر تفريعة وأنفاق”
قناة السويس الجديدة

قام الدكتور حازم حسني أستاذ العلوم السياسية بطرح عدة أسئله على السيسي، بشأن إهدار المليارات في مشروع قناة السويس والأنفاق، وذلك في تغريدة له على حسابه الشخصي.

وقال حسني في تغريدته، “مين؟ أسئلة محشورة فى عقلي من امبارح وانا باسمع خطاب السيد الرئيس، هو مين اللى فَهِّمه إن الدعوة للخروج من الوادى الضيق إلى الصحراء ترجمتها بالضرورة هى الدعوة لاستزراع الصحراء ودون دراسات جدوى مدروسة ومعتمدة؟ ومين فَهِّمه إن تعظيم الاستفادة من منطقة قناة السويس لا تكون إلا بحفر تفريعة لا يوجد فى الواقع الاقتصادى الدولى حالياً – ولا فى المستقبل المنظور – ما يبرر إنفاق المليارات عليها؟

وأضاف “مين فَهِّمه إن تعمير سيناء لا يكون إلا بإنفاق المليارات على حفر أنفاق تحت القناة بهذه الكثافة التي لا تتناسب مع الظرف الاقتصادي لمصر ولا مع الظرف التنموي لسيناء؟ ومين فَهِّمه إننا ممكن نبنى الدور العاشر لسكان العقود القادمة قبل أن ننتهي من بناء الدور الأرضي لسكان الأيام الحالية؟ سؤال بسيط بدل دوشة الدماغ دي كلها، وبدل ما ندخل نفسنا فى متاهة ثنائية الإنجاز والتشكيك: هو مين – باختصار شديد – اللى بيفَهِّمه؟

8

تابعنا على المواقع الاجتماعية ليصلك الجديد أولا بأول

التعليقات

  1. لم نسمع عن الدكتور حسنى وامثالة ولا منهم شيئا قبل حفر القناة والان بدأ العويل والصراخ واكتفى بالتدوين فى الغرفة المظلمة التى يجلس فيها واعتبر نفسه من المخططين والفاهمين فى الاقتصاد هذه النغمة وهذا الضجيج تعودنا عليه من ايام بناء السد العالى فالقافلة ستسير باذن الله واتمنى وادعوا الله الا تجنى ثمرة مايتم الان ولا اولادك واحفادك اذا كانوا على نفس شاكلتك من خير سيعود على هذه البلاد الطيبة وحاقول لك المثل الشعبى ( والنبى نقطنا بسكاتك ) وقبل ما اقولك سلاما بذمتك يا دكتور اشتريت كام شهادة استثمار قناة السويس اللى فائدتها وانت عارف بقى

  2. الله يعوض علينا فيكي يا مصر… وبكرة تشوفوا مصر … في الوثائقية او ضمن الحيوانات المنقرضة!

  3. المشكلة انك تقترض اثناء وضع الاساس …فكيف ستكمل باقي البناء….اكيد مش بالنوايا حتي لو كانت النوايا طيبة….اللي اوهمك بالمشروع غرر بك..خدعك..وانت لم تسمع للاراء الاخري..هي دي المشكلة

  4. لا توجد حياة بدون شرايين لاعطاء الحياة ولا يوجد تقدم بدون بنية اساسية تساعد على تنفيذ اسس التقدم من صناعة وزراعة والبنية الاساسية للدولة شبيهة بوضع اساس لبناء عمارة بعد وضعه يغطى ولا تراه ولاتشعر به الا عندما تكمل البناء الذى لايتم الا به فلا يوجد نشاط اقتصادى لدولة بلا بنية اساسية ولا توجد عصا سحرية لاءى مشروع ان يبنى وينتج ويدر ربح ويعيد راءس ماله فى نفس ذات اللحظة

  5. ومين فهمك ان بناء المستقبل واعادة بناء دوله بيتم يوم بيوم والسيسى بيسابق الزمن لبناء المستقبل وانت وامثالك تريدون العيش اليوم بيومه او على راى المثل احيينى النهارده وموتنى بكره بس بكره ده بتاع ابناءنا واحفادنا مش بتاعنا والسيسى بيبنى مجموعة مشاريع متكامله لن ترى تأثيرها الا بعد اكتمالها والرئيس الوحيد اللى بيبنى مشاريع خدميه وانتاجيه ومستقبله وليست مشاريع استهلاكه وتدوير بيع اراضى ومصانع للقطاع العام انت محتاج حد يفهمك يعنى ايه تخطيط ولازم تتحمل فترة اعادة البناء لانها مثل العمليه الجراحيه لها الام حتى يتم الشفاء

  6. لحل ازمة الدولار اوقفوا كل مشروعات السيسى فورا .. مش هنعمل مشروعات بقوتنا وقوت عيالنا ..وليس لها اى عائد كمان … مع العلم ان وقفة الشعب جنب الحكومه كانت عظيمة وجمعوا فلوس حفر القناه للحكومه فى اسبوعين وما يصحش ان يكون ده جزاء الواقفه ديه .. ما يصحش حكومتنا ومسؤليها يبهدلوا الناس كده ويخلوهم يشحتوا .. الجنيه قلت قيمته وفوته الشرائيه 100% خلال 5 سنوات يا متعلمين يا بتوع المدارس

اترك تعليقاً

لن يتم نشر عنوان بريدك الإلكتروني.