تحذير هام وعاجل من بنك ناصر الاجتماعي بخصوص سيارات “النانو”

تحذير هام وعاجل من بنك ناصر الاجتماعي بخصوص سيارات “النانو”

تداول العديد من نشطاء مواقع التواصل الاجتماعي  أخبار عن وجود سيارة تسمى بـ “نانو” ، وقد تم نشر معلومات عن السيارة وبمواصفاتها و امكنياتها وسعرها الزهيد، وهو 25000 جنية في حالة الشراء الفوري، ودفع خمس آلاف جنية وتقسيط الباقي بمبلغ بسيط لا يتعدى 500 جنية شهرياً، علي أن يتم التقسيط عن طريق بنك ناصر.

هذا نص  ما تم تداوله علي شبكات التواصل الإجتماعي:-

طبعا كلنا سمعنا ان فيه عربية اسمها نانو وسعرها رخيص لكن كل ما كتب عن العربية كان خاطئ وانا واحد من الناس روحت شفت العربية قدام عيني وعرفت كل حاجة عنها اللي تقريبا معظمنا مهتم انو يعرفها
اولا العربية بتصميم وافكار مصرية لكن مصنعة في الصين لعدم تعاون المصانع المصرية للانتاج المصري
ثانيا سعر العربية 25 الف جنية مصري وممكن تقسيطها عن طريق بنك ناصر بمقدم 5000 وقسط شهري 350 جنية وكل ده بصورة البطاقة ووصل النور فقط
ثالثا العربية مصممة بطريقة فعلا انها تلائم الطرق المصرية والمستهلك المصري ومن اهم المميزات اللي في العربية
1 – العربية بتقدر تستحمل اعلي درجات الحرارة بدون ما الماتور يسخن لان ماتور العربية من ورا وليها ردياتير بمروحة من قدام يعني دورة المياة اللي داخلة للماتور باردة لذلك العربية مبتسخنش
2 – العربية كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في العربيات الحديثة
3 –العربية عالية عن الارض علشان متتأثرش بالمطبات
4 _فيها كاوتش بيلحم نفسو بنفسو
5 –العربية منظرها جميل وصغيرة وواسعة من جوا
6-الماتور 650 سي سي واحد سلندر والسرعة القصوي 80 او 90 كم/ س بعكس مثيلتها نانو الهندية 625 سي سي اتنين سلندر وسرعتها القصوي 70 كم/ س وكمان اللي جربو العربية قالو انها في السفر بتوصل ل 100 كم/ س
7-العربية بدون اسبراتير لانها واحد سلندر يعني مفيهاش اعطال الكهرباء وكمان بدون سيور يعني مفيهاش اعطال قطع سيور الماتور
8 –العربية بتستهلك 1 لتر بنزين لكل 30 كلم
ودي يعتبر اهم مميزات العربية لكن فيه مميزات تاني انا بعتبرها كماليات مثلا
1- فتحة سقف
2- باور
3- تكيف سخن
4- فوانيس شبورة
5- سبويلر خلفي مضئ
6- كاسيت حديث
وده تقريبا كل حاجة محتاجين نعرفها عن نانو ايجيبت وياريت بجد اننا نشجع افكار بلدنا ونحاول كمان ان يكون التصنيع في مصر علشان ده بجد هيفرق معانا كتير ويكفي اننا وضعنا اقدامنا علي اول الطريق متمنين لفريق عمل نانو ايجبت النجاح
منقول
المصرية للاستيراد الوكيل الوحيد للسيارة نانو ايجيبت
العنوان : 54 ش عرفات – حدائق القبة – القاهرة

نظام التقسيط

ومن هنا بدأت ظهور حقيقة الأمر بعد تصريحات من مصدر مسئول تفيد بأن “البنك يمول شراء السيارات بضمانات وشروط خاصة وان البنك لا يفرض نوع سيارة معينة على العميل”.

كما صرح نائب رئيس مجلس إدارة بنك ناصر الاجتماعي محمد شومان، بأن كل ما تم نشره على مواقع التواصل الاجتماعي ليس له أساس من الصحة، بخصوص دعم البنك وتمويله لسيارات “نانو” .

ومن جانب أخر بدء رواد مواقع التواصل ونشطاءه، بالقيام بعمل حملة ضد الشركة المروجة لسيارات النانو المجهولة بهذا المنشور :-

13876240_1040858642616019_7555621914469867020_n

وهذا هو ما تم تداوله بأن عنوان الشركة وهمى وان ليس للشركة أي وجود بهذا العنوان، ولهذا قاموا بعمل هذا التحذير .