بالفيديو: تامر أمين.. “السيسي حمّر عينيه بس فنزل الدولار 2.5 جنيه ولو نزل السيسي بتقله الجنيه هيبقى  بـ10 دولار”
تامر أمين

قال الإعلامي تامر أمين في أغرب تصريح له عن حل أزمة الدولار، أن عبدالفتاح السيسي “حمّر عينيه لرئيس البنك المركزي فنزلت قيمة الدولار جنيهين ونصف ولازم نعترف إن السيسي جامد، وحمّر عينيه لرئيس البنك المركزي، فالدولار نزل بقدرة قادر من 13 جنيه؛ إلى 10.5 جنيه خلال ساعتين، ولو دخل بثقله الجنيه هيساوي 10 دولار”.

وأضاف أمين “كل ده والسيسي مدخلش بتقله، كل اللي عمله إنه قعد ساعتين مع الناس وحمّر لهم عينه بس، وقالهم: ها وبعدين؟ فالدولار نزل 2.5 جنيه، ولو واجه أزمة الدولار بنفسه احتمال الجنيه يبقى بـ10 دولار”.

وتابع قائلاً “اللي حصل امبارح والنهاردة ده مش منطقي، المعادلة اللي فضلت معقدة على الدولة المصرية كلها، وعلى القطاع المصرفي كله، وعلى محافظ البنك المركزي اللي بقاله شهرين ثلاثة بيتشقلب عشان يدوّر على حل عشان ينزل الدولار قرش ولا اتنين قرش، وبعدين المشكلة تتحل في ساعتين زمان، فهل المتلاعبون وشركات الصرافة خافوا أول ما عرفوا إن السيسي مع المجموعة الاقتصادية؟ وهل خوفهم ده يهبد الدولار الهبدة دي؟”.

تابعنا على المواقع الاجتماعية ليصلك الجديد أولا بأول

التعليقات

  1. أغرب خبر سمعته السنة دي وخلاني ضحكت من قلبي … ولكن ضحكت حزنا على حال بلدنا وحال اعلامنا العبقري …..
    سؤالي اللي نفسي حد يجاوبني عليه هي دي الطريقة اللي المفروض تدار بيها البلد من وجهة نظر تامر باشا أمين ؟؟ أو بمعنى أصح هي دي الطريقة اللي هو عايز الناس تفهمها لإدارة الدول ؟؟
    كأن قيمة العملات بتتحدد بتحمير العين مش عل أسس اقتصادية…..حرام والله العظيم حرام، كفاية الجهل المتفشي …. بنزوده بكلام فاضي حسبنا الله ونعم الوكيل

اترك تعليقاً

لن يتم نشر عنوان بريدك الإلكتروني.