آيسلندا تمنح 5000 دولار شهرياً لكل مهاجر يتزوج من بناتها ومصري يوضح حقيقة ذلك
بنات أيسلندا

انتشر منذ أيام على المواقع الإخبارية خبر يفيد بأن أي مهاجر مصري أو غير مصري يتزوج ببنات أيسلندا، سيأخذ راتباً شهرياً قدره 5000 دولار، وأوضح الرحالة المصري “أحمد حجاجو فيتش” حقيقة منح آيسلندا 5000 دولار لكل مهاجر يتزوج من بنات آيسلندا.

وقال على حسابه الشخصي، “بسبب نقص الرجال .. أيسلندا تمنح 5000 دولار شهرياً لكل مهاجر يتزوج من بنات أيسلندا لزيادة النسل” وجالنا كتير من الرسائل علي الصفحة بتسألنا عن الموضوع ده، حجاجوفيتش كلم مسئولين في حكومة أيسلندا عن الموضوع ده عشان يعرف حقيقته والكلام اللي جاي ده مهم جداً لكل الناس المهتمة بالموضوع وقد يكون صادم للبعض بس احنا بنقولهالكوا عشان متتجروش ورا آمال زائفة”.

وأضاف “الكلام ده اتضح من كلام المسئولين إنه بيحصل في كل مناسبة زي موضوع روسيا من فترة لما قالوا “اتجوز روسية وخد الجنسية و١٥ ألف دولار أمريكي هدية من الحكومة الروسية”، ودلوقتي أيسلندا بعد ظهور جمال مشجعاتهم في ماتشات اليورو، فشركات النصب ديه بتستغل الكلام ده مش بس في مصر ولكن في العديد من الدول التانية كمان بأنها بتعمل مواقع علي الانترنت “متخصصة في تسهيل الزواج من بنات أيسلندا وحاطين الخبر بتاع المكافأة، فالشباب حول العالم (خصوصاً في مصر) بيقعوا ضحايا لعملية النصب دي، بإنهم بيدخلوا على المواقع ديه ويسجلوا بيانتهم وبيخلوك تتكلم مع بنت (اكنها اللي حتتجوزها) وبتقولك عشان تبعتلك دعوة رسمية للزواج عشان تروح السفارة وتقدر تاخد فيزا وتسافرلها وتتجوزها وتاخد المكافأه الشهرية، لازم تدفع مبلغ مالي بسيط بكارت بنكي”.

وأوضح قائلاً، “المشكلة مش في كده، المصيبة في إنك أول ما بتحط بيانات كارتك البنكي وتكتب رقمه وتاريخ انتهائه والرقم السري اللي على ظهر الكارت وتبعتهلها، بيتم سرقة الفلوس اللي في حسابك و لو كارتك Credit card يعني البنك بيدفعلك وبعدين انت بتسدد للبنك بعد ٥٥ يوم، بيتم سحب كل المبلغ المتاح لك سحبه، اللي خلانا نكتب البوست ده ونحذر الناس كلها عن الفخ ده إن فعلاً المواقع ديه بتحقق ملايين الجنيهات من جيوب الناس وبعض الصفحات بتحب الزيطة فبتنزل الخبر وبتساعدهم على عملية النصب ديه، فرجاء من الناس كلها متدخلش حسابتها البنكية إلا في المواقع المضمونة بس”.

1

تابعنا على المواقع الاجتماعية ليصلك الجديد أولا بأول

التعليقات

اترك تعليقاً

لن يتم نشر عنوان بريدك الإلكتروني.