ضابط مرور لسائق تاكسي “يا تفطر يا تركن على جنب”
ضابط مرور

تداول نشطاء على مواقع التواصل الاجتماعي موقف اعتبروه بأنه أطرف موقف يمكن أن يحدث بين ضابط مرور وسائق تاكسي،  حيث روى مينا فهمي، الذي رافق أحد سائقي التاكسي هذا الموقف الذي رآه على صفحته الشخصية على الشبكة الاجتماعية.

وقال مينا “من كام يوم و تحديدا عند قسم الساحل شارع شبرا، شوفت اكتر موقف معرفتش امسك نفسى فيه من الضحك قدام لجنه وظباط، راكب مع تاكسي شاب صغير في  أواخر العشرينات و داخلين عند قسم الساحل لقيت زحمه، والغريبة إن الكمين ف الحته دي بيبقى بالليل بس عمره ما وقف وقت الفطار يعنى المهم وقفنا وبنعدي لقيناهم بيوزوعوا تمر و فطار للناس اللي صايمه لأنه وقت الفطار، ف السواق و هو معدي من جنب الظابط، الضابط : ( وشه ناسف جدا ) رمضان كريم .. خد و عدى و ادى الأستاذ اللي جمبك”

وأضاف مينا “السواق : لا يا باشا شكرا …. مبحبش التمر هفطر ف بيتنا بقى … تسلم ( و هو بيمشي مبتسم )الظابط : استنى استنى …. يعنى أيه مبتحبش التمر ..بقولك خد (قلب وشه اكتر) السواق : مش عايز و الله يا باشا (حس بقلق) أنا : معلشي يا باشا رمضان كريم هاخد أنا طيب (بحاول اهزر) الضابط : بس يا أستاذ …. خد كيس التمر من ايدي، السواق : والله ما عايز يا باشا أيه المشكلة الظابط : اااه … طب اقفلي على جنب (طبعا الظباط اتلمت في أيه ده احنا بنعمل خير يعنى أيه اللي حصل ) ( نزل السواق و بعلو حسه قبل ما يتلموا عليه ) السواق : مبحبش التمر …. والله العظيم ما بحب التمر …. مش علشان احب مصر و الجيش و الشرطة لازم أخد تمر …. و الرخص آهية يا باشا”.

مينا

 

تابعنا على المواقع الاجتماعية ليصلك الجديد أولا بأول

التعليقات

    أضف تعليقاً

    لن يتم نشر عنوان بريدك الإلكتروني.