أنباء إلغاء التنسيق للثانوية العامة يشعل تويتر وطلاب الثانوية العامة يدعون للتظاهر
إلغاء تنسيق الثانوية العامة

إلغاء التنسيق، أزمة اشتعلت منذ أمس على تويتر بعد تدشين هاشتاج “مع أو ضد الغاء التنسيق”، والذي صعد للمركز الأول أمس في تويتر، وعبر فيه معظم طلبة الثانوية العامة عن رغبتهم في ذلك الأمر، وفي تغيير شامل في نظام الثانوية العامة وأيضاً في أسلوب الإلتحاق بالجامعات المصرية.

كما دعا طلاب الثانوية العامة عبر صفحات خاصة بهم إلى التظاهر يوم 13 يونيو القادم في جميع أنحاء جمهورية مصر العربية، بغرض المطالبة بإقالة وزير التربية والتعليم، وكذلك إلغاء مكتب التنسيق للثانوية العامة، وأيضاً إلغاء قرار العشرة درجات الخاصة بالغياب والمزمع تطبيقه بدءاً من العام القادم.

www.misr5.com/custom/ad.php" >

هذا وقد صرح وزير التربية والتعليم أمس أن الوزارة بصدد تشكيل لجنة لتطوير طريقة امتحانات الثانوية العامة لمنع الغش، وكذلك لدراسة بدائل الإلتحاق بالجامعات المصرية، ومن المعروف أن من ضمن شروط شاومينج الذي يقوم بتسريب امتحانات الثانوية العامة هو إلغاء تنسيق الإلتحاق بالكليات المصرية.

موقف أولياء الأمور من أنباء إلغاء التنسيق

في الوقت ذاته عبر عدد كبير من أولياء الأمور عن تخوفه الكبير من إقدام وزارة التربية والتعليم على هذه الخطوة، وذلك لتخوفهم من تحول الإلتحاق بالكليات العادية إلى طريقة مشابهة بالكليات العسكرية، والتي تطغى عليها الوساطة والمحسوبية، أما عن رأي بعض الخبراء فقد أكد الدكتور كمال مغيث الخبير التربوي أن إلغاء التنسيق هو أمر في غاية الخطورة، لأنه بذلك سوف يكون مصير الطالب في يد غيره وبالتالي لا يعتمد على قدراته.

وأضاف مغيث أنه حتى لو تم تحديد إختبار قدرات فإنه سوف يشوبها العديد من العيوب، مثل الوساطة والمحسوبية من ناحية، ومن ناحية أخرى أن تلك المادة العلمية التي قد يتم إختبار الطالب فيها لتحديد قدراته سوف يتم تسريبها أيضاً، أو سوف تنتشر ظاهرة الدروس الخصوصية بشكل فاحش في تلك المواد.

جدير بالذكر أن نظام تعديل الثانوية العامة وتطويرها هو أمر يشغل الحكومات المصرية على مر التاريخ، مما جعل الثانوية العامة في مصر أمر يشبه الكابوس من ناحية، ومن جهة أخرى أصبح أكبر حقل تجارب في مصر، وكان من ضمن المطالب الملحة في كل تغيير هو محاولة وضع نظام بدل لتنسيق الإلتحاق بالكليات، للقضاء على عقدة ما يسمى بكليات القمة، إلا أن ظهور التعليم الخاص على السطح في مصر حطم كثير من تلك الخطوات التي كانت تهدف للتطوير.

حيث أن التعليم الخاص يستفيد بشكل كبير من ضحايا تنسيق الثانوية العامة، والذين لا يستطيعون الإلتحاق بكليات القمة بسبب فروق بسيطة في الدرجات، خاصة إذا كانوا يملكون المال، فأصبحت الجامعات الخاصة هي ملاذهم لتحقيق أحلامهم وطموحاتهم، وقد أدى نظام التعليم الخاص إلى عدة مساوىء يعاني منها المجتمع المصري، منها ضعف الكفاءات وزيادة الأحقاد الطبقية والمطالبة بإلغاء مجانية التعليم المصري.

هذا وقد رفض أيضاً الخبير التربوي الدكتور مصطفى رجب، عميد كلية التربية جنوب الوادي، فكرة إلغاء التنسيق ووصف ذلك بالعبث والجهل، لما سوف يفتحه ذلك من أبواب الفساد والمحاباة والمحسوبية، وأضاف الدكتور مصطفى رجب أن أفضل طرق العدالة لتوزيع الطلبة بناءاً على مستواهم العلمي وقدراتهم هو مكتب التنسيق، وأكد أنه لا يستبعد انتشار الرشاوي مما يجعل الأمر يتحول إلى بيزنس.

تابعنا على المواقع الاجتماعية ليصلك الجديد أولا بأول

التعليقات

  1. ارحمونا بقا مش كفاية تسريب الامتحانات كلنا عايشين في توتر وقلق امتحانات تتلغي وامتحانات صعبة ياوزارة فاشلة ونظام فاشل ومتلغيش التنسيق بس الغي الثانوية كلها وريحونا بقا حسبي الله ونعمالويكيل فيكم

  2. ديه فوضى من اول يوم فى الأمتحنات و الأمتحنات اتسربت وكل مره تقولو ان الوزاره تقوم بكامل جهدها من اجل وقف االغش نظام فاشل فى التعليم وفوق ده كولو عيزين يلغو التنسيق انتو عيزنها كوسه مش هيضيع فيها الا الغلابه و بس

  3. يعنى بجد انا مش فاهمة هيا الوزارة معندهاش غير طلاب الثانوية العامة تجرب فيهم ومستقبلهم يقف ع شعرة اللى مش قد حكم الوزارة ويظبط الهبل ده يبقى مع الف سلامة انا واحده داخلة ٣ ثانوى معرفش هيعملوا اية ولا هما اصلا استقروا ع ايه انا مع الفاء التنسيق مينفعش يبقى طالب جايب درجة عالية بمجهودة ويجى واحد تانى فاشل معتمد ع الغش يعدى بمجموع عالى ويدخل كلية اصلا ميعرفش فيها حاجة يا سيادة الوزير اللى بيدخل كلية الطب بالغش وهو اصلا حمار فيها دة بيحط روح بنى ادم تحت ادية يبقى كدة نقول عليه ربنا يرحمة بس لما يكون فى فى اى كلية امتحان قدرات كل واحد هيخش الكلية اللى يفهم فيها بعد طبعا مايعدى امتحان القدرات فيها سعتها هيفيد الناس دي مش مشكلتنا ان في رشوة ومحسوبية دى مشكلة الوزير ياجماعة المفروض الوزير بدل مايقول بردو لو لغيت التنسيق هيبقى فية محسوبية فى امتحان القدرات ما تحط نظام مراقبة شوف كل واحد بيعمل اية بدل ما كل حاجة جاية فوق دماغ اللى خلفونا حرام عليكم كفايه حشو المناهج نظام فاشل اللى اعرفو حد عاوز يجرب يشوف اهم حاجه التعليم بايظ من ابتدائى صلح فية علشان الجيل اللى طالع ميظلمش زينا ارحمونا شوية احنا مش كفرا علشان كل ده وياريت متفكروش فى حكاية ١٠ دراجات مدرسة اية وزفت ايه الطالب المفروض يروح المدرسة الصبح وبعديها الدروس او ياخد مع مدرس سورى حمار علشان فى عرض درجة واحدة مش عاوزين حاجة كل واحد يطلع بمجودة نظام فاشل جدا

  4. سبوبه جديده للرشوه والمحسوبيه والفساد —
    ارفض الغاء التنسيق —
    فما تسمونه اختبار قدرات — هو نهاية لأحلام أبناء الفقراء

  5. فين الدستور ومادة العدل والمساواة فى هذا الكلام؟؟؟وده كده برضه عافيه من دماغكم .. فين رأى مجلس النواب ؟ نفسى تبطلوا استخفاف بعقولنا بقى ..طبعا ديه حركه جديده علشان تخلوا الشعب يتلهى ىمشكلةالتعليم وينسى الفسادوالفشل الموجود بالحكومةالتى منذتعينهاونحن نعانى من الغلاءوالفسادفى كل شيء فى مصر والسبب الحكومةالفاشلة حسبنااللةونعم الوكيل*انظروافى حيتان الوزرات واقاربهم يكمن الحل*****اللهم احفظ مصروشعبهامن كل شروسوء

  6. وقال ايه عملنا ثوره علشان رافضين التوريث .. يا جماعه احنا بندن فى مالطه ما حدش حاسس بينا

  7. يعنى مش كفايه ولاد القاه وارثين وزارة العدل عايزين باقى الوزارات تورث مناصب اهاليهم ده اسمه شغل لصوص بتسرق الشعب

  8. ارفض بشده الغاء التنسيق كل طالب ياخذ حقه بمجهوده وليس بلوساطه والمحسوبيه كفايه بقى هبل الطلبه تعبانه هتعملو ايه اكثر من كده

  9. حسبي الله ونعم الوكيل فيكم هتعملوا فينا ايه تاني اكتر من انكم بتلعبوا بمستقبلنا علشان ولادكم انتم يعيشوا مبسوطين
    ربنا ينتقم منكم ياشويه كلاب عايشين علشان تاكلو ف لحمنا احنا وبس علشان ملناش حد نتسند عليه علشان معناش فلوس بتعملو فينا كده
    حسبي الله ونعم الوكيل فيكم
    بنذاكر طول السنه ومش بنام ولا بناكل علشان نذاكر وف الاخر نطلع من الامتحانات بغلطات وولاد الوزره معملهم لجان خاصه بيدخلهم مدرسين المواد وبيقفلوها وهيدخلو طبعا كالعاده الكليات اللي نفسهم فيها واحنا هندخل معاهد 🙁 🙁 🙁 🙁

  10. مصر بلد الفشل لا حلول فيها بل تجارب ومسكنات تتناسب مع امكانيات اولي الامر الفاشلين الفاسدين فليست هناك دراسه لمعالجه الخطأ او محاسبه او مراقبه ولذلك فكل شئ سيئ لتكتمل منظومه الفشل والفساد وليذهب من يعترض الي ما يريد غش وتسريب منهم حتي يلغوا التنسيق ونعيش تحت رحمتهم فلن يدخل ابنك الجامعه لإن قدرته محدوده ويدخل ابناء المحاسيب واللي يدفع فأبناء عامه الشعب الرعاع اللي بيتظاهروا بتوع الديمقراطيه والحريه ليس لهم مكان هذا ما يريدونه ياريت ترحلونا لبلد تاني علشان احنا زهقنا وقرفنا منكم

  11. طبعا ديه حركه جديده علشان تدخلوا ولادالبطه البيضاء (الضباط والقضاء) الكليات اللى على مزاجهم..اما بقى باقى ولادالبطه السوداء يدهسوا بالجزمه .. نفسى تبطلوا استخفاف بعقولنا بقى .. فين الدستور ومادة العدل والمساواة فى هذا الكلام؟؟؟
    ارفض الغاء التنسيق بشده .. انا راضيه بنصيب بنتى مادام هذا حقها ..

  12. طبعا ديه حركه جديده علشان تدخلوا ولادالبطه البيضاء (الضباط والقضاء) الكليات اللى على مزاجهم..اما بقى باقى ولادالبطه السوداء يدهسوا بالجزمه .. نفسى تبطلوا استخفاف بعقولنا بقى .. فين الدستور ومادة العدل والمساواة فى هذا الكلام؟؟؟
    ارفض الغاء التنسيق بشده .. انا راضيه بنصيب بنتى مادام هذا حقها ..

  13. طبعا ديه حركه جديده علشان تدخلوا ولادالبطه البيضاء (الضباط والقضاء) الكليات اللى على مزاجهم..اما بقى باقى ولادالبطه السوداء يدهسوا بالجزمه .. نفسى تبطلوا استخفاف بعقولنا بقى .. فين الدستور ومادة العدل والمساواة فى هذا الكلام؟؟؟
    ارفض الغاء التنسيق بشده .. انا راضيه بنصيب بنتى مادام هذا حقها ..

أضف تعليقاً

لن يتم نشر عنوان بريدك الإلكتروني.