عمرو أديب محذراً الانفجار قادم والناس يتحدثون عن ثورة جياع
عمرو أديب

حذر الإعلامي عمرو أديب اليوم ببرنامج القاهرة اليوم، من انفجار قادم وسينفجر في وجه الجميع، مضيفاً أن جميع الناس يتحدثون عن ثورة ثالثة، وطالب المواطنين المصريين بالهدوء لتحقيق الأمن والاستقرار.

وقال أديب “الناس مش بتتكلم غير على ثورة جاية وبس، أي حد تكلمه يقولك الثورة الجاية، يا جماعة هو في إيه؟ هما الثورتين اللي فاتوا عملوا إيه؟ إحنا عندنا أزمات اقتصادية ومشاكل كبيرة، خلونا نمشي ونبص لقدام، كل واحد يقولي الثورة الجاية، جاية إيه تاني؟ إنتوا عايزين تعملوا فيها إيه تاني؟ بلاش تهزوها أكتر من كده وإلا والله ما هتنفع”.

وأضاف أديب على قناة اليوم الفضائية، “أنا مش من أنصار أن الانفجار القادم هيكون ثورة وبتاع، الانفجار القادم هيضرب في وشنا كلنا، إحنا والله على الحافة، رغم إني شايف والله إن فينا أمل، عندنا إمكانيات وثروات وقدرات، لكن فين الإحساس بأننا بنعيش في مجتمع عادل”.

وتابع أديب قائلاً عن العدالة والشباب “الناس لازم تشعر إن في عدالة، إن في أمل، إن في شباب بتتولى قيادة مناصب، فين مشروعات الشباب واحتوائهم، إحنا مشيلين العواجيز لحد دلوقتي كل حاجة، فين تمكين الشباب غير سجنهم؟ قولولي مركز في البلد ماسكه شاب واحد، هل شايفين محافظ أو وزير شاب؟ فين الشباب؟ إحنا محتاجين نفس جديد”.

تابعنا على المواقع الاجتماعية ليصلك الجديد أولا بأول

التعليقات

  1. يقال ان عمرو اديب يتقاضى راتبه بالدولار ويذهب لقضاء الويك اند في لندن فما دخله بالغلابه ؟

اترك تعليقاً

لن يتم نشر عنوان بريدك الإلكتروني.