أخيراً .. إمكانية فسخ عقد الإيجار القديم في الحالات الآتية
الايجار القديم

استجابة لرغبات المواطنين من أصحاب الشقق ذات الإيجار القديم والتي يحصلون منها عل على ملاليم ، أعلن معتز محمود رئيس لجنة الاسكان والمرافق بمجلس النواب أن المشروع المقدم لتعديل قانون الإيجار القديم والذي يتم مناقشته حالياً من قبل لجنة الاسكان بمجلس النواب قد تضمن ثلاثة حالات يمكن من خلالها للمواطنين من مالكي العقارات المؤجرة قديماً من فسخ العلاقة الإيجارية في الحالات الثلاثة الآتية:-

1- قيام المستأجر باستخدام العقار المؤجر له لأغراض غير أغراض السكن.

2- ثبوت ملكية المؤجر لفيلات وقصور في الساحل الشمالي أو أماكن المصيف أو هجرة المستأجر خارج البلاد مرت على هجرته خارج مصر  أكثر من 4 إلى 5 سنوات.

3- ثبوت ملكية زوجة المستأجر لأي وحدات سكنية أو اياً من أقاربه من الدرجة الأولي داخل نفس المحافظة.

تطبيق نتائج الإمتحانات فى مصر

وأوضح رئيس لجنة الاسكان بمجلس النواب بأن مشروع تعديل قانون الإيجار القديم يتضمن عدد من التعديلات بهدف الوصول إلى صيغة معينة ترضى جميع أطراف العلاقة التعاقدية وهو المالك والمستأجر بنظام الايجار القديم.

اقرأ أيضاً : تصريحات هامة حول مشروع تعديل قانون الإيجار القديم

من الجدير بالذكر أن قانون الايجار القديم من أهم القوانين التي يطلب مالكي العقارات المؤجرين من الحكومة بضرورة تعديله نظراً لدفع المستأجر مبلغ بسيط وضئيل جداً حيث نجد شقة بنظام الإيجار القديم مؤجرة بمبلغ زهيد لا يتحدى العشر جنيهات ونفس الشقة بنفس المنطقة تؤجر بأعلى من ألف جنيه وبالتالي لإن قانون الإيجار القديم لا يحقق مبدا العدالة.

تابعنا على المواقع الاجتماعية ليصلك الجديد أولا بأول

التعليقات

  1. مكتب الادهم للاستشارات القانونيه ومشاكل الايجارات القديمه والجديدة ودعاوي الفسخ وطرد المستاجر المتقاعس عن دفع القيمه الايجاريه بالطرق القانونيه وكل مشاكل الايجارات والمكتب متخصص في اي شئ يخص العقارات من تسجيل ورخصة ودعاوي لاثبات الملكيه وقضايا الميراث والاسرة وايصالات الامانه للتواصل 01009613280

  2. دى جريدة اخوانية كاذبة لاخبر صحيح لها خسارة فراءتها او مناقشة اخبارها يا جماعة …………………هذه الجريدة عنوانها اكذب لتحقيق الاثارة ………………………………………….اخوان كاذبون

  3. ويا ريت الحكومة تشوف حل بخصوص الايجار الجديد واصحاب المبانى اللى مطلعين عين الشباب فى الايجار هل يعقل ان دخل الشب يكون 1500جنيه وساكن ب800جنيه اين حماية الدولة للشباب فكيف العيش فى ظل الاسعا ر

    1. ويعني المالك يكلف شقة اقل شئ 100 الف عايز ياجرها بكام ب 50 جنية هههههه هطل اقل شئ 600 جنية

  4. عند تقييم قيمة المساكن القديمة الايجار ياريت يراعى للايجار طبقاً للمساحة . فهناك مساكن 100 متر بايجار 5 جنيهات ، ومساحة اقل من 40 متر بايجار 20 جنية .. وشكراً .

  5. حرام عليكم يعنى المالك يثبت ازاى الحالات الثلاثة؟ طما تخفضوا الايجارات الجديدة وتريحونا؟ للاسف الى وضعوا الشروط الثلاثة ناس مترفه مشحاسين بمعاناة الملاك .. فين العدالة؟ حرام عليكم مشعارفين نسكن او نجمع شقة نظرا للغلاء الفاحش .. ارجعوا الشقق القديمة لاصحابها ووحدوا الايجارات او اعملوا نظام للتاجير يسرى على كل المواطنين وارحمونا يرحمكم الله

  6. حسبي الله و نعم الوكيل في اللي عاوز يعمل فتنه في البلد ويطرد المستاجر اللي يدوبك دخله مكفية بالعافية من اربع جدران بتحميه هو و اسرته منكم لله ……….. انتم تتاجرون بالغلابه

    1. ياسلا ابقي عندي ملك يسوي ملاين والبس كل اخر شهر تمت ٢٠ رغيف عيش اتقو الله

  7. اهم لابد من اعتبار القاهرة والجيزة علي الاقل مكان واحد لقرب المسافات بينهم مش واحد عنده شقة مثلا في الحسين وواحدة في الهرم ويتقال دي محافظة ودي محافظة كده حرام

  8. واضح ان الاقتراحات الثلاثه، سطرت في لحظة عدم اتزان فكري ولا نفسي، ولا علي قدر المسؤليه المجتمعية من مسطرها
    شوية تركيز وتمعن وبعد ان ما هو كامن في النفوس، فمثلا اصحاب الفيلات والقصور في الساحل الشمالي، هم اصحاب فيلا وقصور أضخم وأفخم في المدن المختلفة، وليسوا من المستأجرين، بس كده

  9. انا عندى شقة المستاجر مات وزوجتة ماتت وابنة وبنتة خلصوا الجامعة واشتغلوا ووصلوا لسن لفوق الثلاثين وسمعت ان ابنة بيجهز الشقة علشان يتجوز فيها وايجارها 6 جنية فى الشهر مساحتها 100 متر وانا مطلقة واعيش انا واولادىة فى السكن الحكومى ولا اجد شقة لابنى يتزوج فيها يعنى يرضى ربنا دة حقى وحق ابنائى محرومين منة ونحن فى امس الحا جة لة و ابناء المستاجر يستولون علية مع العلم ان ابن المستاجر يمتلك شقة من شقق البنك وكاتبها باسم اختة علشان يفضل محتفظ بالشقة الايجار القديم يا رب انتقم من كل من ظلمنى وظلم ابنائى

  10. يا سحتجيه اتقو الله فى اكل الحرام كفايه 65 سنه نهب وسرقه لو منش القانون الظالم الباطل المخالف لشرع الله والدستور سيبكم من الحجج الواهيه الارض كانت بببلاش والمالك اقطاعى واخذ ثمن الشقه كل ده مبرر للسرقه والسحت واكل حق المالك بالياطل وتسكن فى ملكك والفقير سيسكن ببلاش لان هياخد فرق الاجره من الصندوق الحلال بين والحرام بين وبينهما متشابهات وانت يامستاجر سحنجى لان الغاء القانون يمنع سرقتك والغنى بتمحك فى الفقير وياريت الغنى يتقى ربنا من غير قانون ويسلم المفتاح لكن المليونيرات اكثر طمع من الفقيرواجعو لشرع الله علشان ربنا يبارك لكم فين الرضا ولما كتب العقد ماكنش بيورث للحفيد وماكنش خلف وهو بيكتب العقد ويمكن ماكنش اتزوج يبقى يورث الايجار ياصلاليه يانصابين تورث من ابوك وامك مش من المالك المسيحى او المسلم اكيد ابوك كان جربان شحات مورثتش منه شقه تبرتع فيها انت واللى خلفوك انا اعرف سحتجى ابن سحتجى طرد امه من الشقه الايجار وسكن هو ومراته واولاده مورث من ابوه جنيه وورث شقه 4غرف ب5ج كامب شيزارالعقد عرض وطلب ورضا واجره مده وقبل الباطل كان السان بيسيب الشه وينقل فى الشقه القريبه من عمله ومناسبه له وفيه ورثه كل واحد واخد حجرهمن الشقه وقافلينها وكل واحد واضع قفل ميراث ابوهم السحتجى الحرامى وغير الشهود الزور اللى بيحضرهم السحتجى للقاضى علشان يثبت انه كان ساكن مع ابوه فى الشقه ياناس ياموحدين بالله اتقو الله وفى يوم لا تستطيع سداد اللى نهبته وسرقته من المالك انت واللى شرع القانون الظالم الباطل وحسبى الله وربنا يرد كيدكم فى نحركم

  11. ده هبل. عبط… يعني ايه ملكيته وحدة مصيفية في الساحل الشمالي أو ملكية أحد أقاربه من الدرجة الأولى عقار … يعني اذا رجل على المعاش و عياله كبروا و كل واحد اشترى شقة يبقى لازم يشيب بيته و يعيش عند ابنه أو بنته!!!! و لا أخوه ….

  12. الغاء اﻻيجارات القديمة لن يحقق فقط العدل ازاء وضع ظالم مجحف بالمﻻك وهم كثر ولكن سيحقق القضاء علي عجز الوازنة الشهري الذي يجبر الحكومة علي اﻻقتراض من البنوك …وذلك بفرض ضريبة عقارية متصاعدة علي اﻻيجاراات الحقيقية والتي يمكن تحديدها مبدئياكاﻻتي…..المناطق الراقية..يكون اﻻيجار 1000 جنيه
    الناطق المتوسطة ..يكون اﻻيجار 500
    الماطق الشعبي يكون اﻻيجار 100
    اﻻ ان تكون احدي الشقق بالعثار مؤجرة بقيمة اعلي فتكون بقية الشقق بنفس القيمة
    ويمكن انشاء صندوق حكومي تدعم به الحكومة غير القادرين في الماطق الفقيرة او توفر لهم مساكن بديلة لو كان العقار متهالك وتستثمر ارض ذلك العقار في توفير دخل دائم لذلك الصندوق
    وسيقضي ايضا علي ظاهرة الشقق المغلقة وينهي فورا ازمة السكن
    وعلي المدي ستقل اﻻيجارتت ولن يكون هناك مجاﻻ لجشع المﻻك كما يدعي البعض ﻻن المعروض سيكون اكثر من المطلوب

  13. طبعا الملاك بيدلعو وعايزين يطردو الغلابه ويعملو ابراج وزعلانين اوي وعايزين يخرجو الناس حتي لو المستاجر متيسر لايخرج من مكانه الا بالموت لان في تعاقد وكان وقتها العمارة تكلفتها كام وفي النهايات المالك برضه هو الكسبان لانه جمع حقها خمسين الف مرة لان كانت تكلفتها بسيطه جدا والارامل والمطلقات والرجال اللي عالمعاش يترمو في الشوارع ؟ الشوارع اتملت من هذا وذاك كتير ياحكومه ارحمو وياملاك ارحمو وكفي بهدله وخلي كل ساكن مكانه الي ان يبلغ به العمر دلوقتي الساكن اللي بيقولو عليه بيدفع ملاليم ماكان بيقبض ملاليم ولكن دلوقتي الظروف اتغيرت الكهربا بيدفع والماء بيدفع باللغلاء ولا ننسي ياحكومه التعاقد شرط والبنا تم في الرخيص بس كفايه ولا نريد بلبله ولا مشاكل ولاخناق ولا قتل يكفي اللي مصر فيه وننسي هد وبناء ابراج اتركو الاقدار تفعل ماتشاء

    1. مش الجميع والله في ناس عايشه ب 700جنيه ايجار و مرتبها اصلا 1600 و عندهم شقه ايجار قديم. ملكهم نتاجره ب 30جنيه. دول يعملو ايه!?

    2. اوﻻ من توفى وترك زوجه وقصر يمتد ولكن ﻻيسمح بزواج تﻻوﻻد واﻻحفاد والمالك ﻻيجد ﻻبنه شقه يتزوج بها ثم ان المستاجر الذى تفوق امكانياته المالك يعنى بقى اغنى من المالك الذى افقرته هذه القوانين ويظل هذا المستاجر رغم انف المالك بايجار مﻻليم

  14. الى نزل الكلام ده عاوز يعمل بلبله فى المجتمع ولا يمكن لانسان عاقل ىوافق على نص الكلام ده خدو بالكم

  15. الارض كانت ثمنها بملاليم واحسن ارض المتر. بنصف جنيه والايجار اللى اندفع. للمده وكانه دفع ثمن الشقه يعنى لو الزوجه عندها شقه فى ابوها تطلق علشان قانون سيقول كده اعملوا بحث لظروف الناس وارحموا من فى الارض يرحمكم من فى السماء

    1. انا احلق فى نفس صالون الحلاقة منذ اربعون سنة..وكان صاحب الصالون شاريه بالرخيص اى اننى دفعت ثمن الصالون خلال هذه السنوات فهل يحق لى ان احلق انا وابنى بالسعر القديم الخمس قروش ؟ اي منطق هذا..ما دفعه المستأجر ثمن للانتفاع بالعين وليس تمنا للعين نفسها

  16. عايزين املاكنا كفايه ظلم واستبداد واحتكار شى لا يملكه المستاجر ويتورثه ابنه او ناااااااااااااااااااااااااس مهاجرة بره مصر ومغلقه الشقق الايجار

  17. نرجوا النظر فى قانون ايجار المحلات اتجارية نملك من الدنيا محل والدى اجرة منذ 21 سنة ب30 جنية وعرضنا على المستاجر مبلغ 50 الف جنية ورفض رغم انة قافل المحل منذ خمسة سنوات والمحلات بجوارنا اقل محل مؤجر ب700 جنية ارجوا من المسؤلين النظر فى المحلات التجارية المورثة للمؤجر واولادة جزاكم اللة خير باءذن اللة

    1. كلام مدام ريهام صح كل كلام معتز محمود كلام فىالهاء مفكر نفسه زكى ييجى هو يثبت فيلات وعقود ملكية

  18. يا اخوانا العقد شريعة المتعاقدين ممكن تفهمني معني كلمة شريعة اية يعني قانون لا يمكن تحريفة اي دولة ممكن تحرف قانون ازاي يبقي فيها استثمار و انت بتقول للمستثمر اللي جايلك ان العقد اللي انت واخدة ممكن تبلة و تشرب ميتة
    ممكن يكون دلوقتي في شقق في مصر الجديدة عقد محدد59 سنة تدفع 300 الف خلو و 400 جنية ايجار هل ممكن تيجي بعد 30 سنة تقول اية 400 جنية اللي انت جاي تديهومني دول ميجبوش كيلو لحمة انا عايز الشقة طبعا ما ينفعش لان فية عقد و ثانيا ما انت واخد خلو اد كد
    هل اهاليكم المحترمين كانوا مغيبين او قصر و مشعارفين ان الشقة دية هتكون في حكم التمليك و هما بياجروا ارجو من اصحاب العقارات احترام كلمة اهاليهم و الرضاء بما كتب اللة لهم
    و طول عمر الايجار القديم او في شكلة الجديد ال 59 سنة فكرة وسط للي عايز الاستقرار ما بين غلو التمليك و ما بين عدم الاستقرار في الايجار الجديد اللي 3 سنين اللي تلاقي نفسك انت و اولادك في الشارع و مهدد فكان الايجار القديم بتدفع مبلغ كبير ممكن يوصل ل ثلث ثمن الشقة تمليك في مقابل ان الشقة بتكون ليك و لاولادك و في نفس الوقت بتكون لسة ملك لصاحب العقار بعد عمر ليك و لاولادك ترجع لصاحب الملك فمينفعش يجي اولاد صاحب العقار اللي كتب العقد يقولوا ولاهي احنا ما لاعبين اصل اهالينا كانت بتلعب

    فعلا بتكلم بصدق البلد مشناقصة ثورة تانية لانها هتكون ثورة غلابة كل زنبهم ان اهاليهم دفعوا اللي معاهم و حيلتهم علشان يطلعوا من الدنيا بحق السكن ليهم و لاولادهم لان كل حاجة ممكن تتقضي الا السكن لان كدة ناس كتير هتترمي في الشارع

    1. كلامك فيه مغالطات كثيرة جدا ، العقد لم يكن شريعة المتعاقدين لان أركان العقد المدة والقيمة والمنفعة ، والدولة تدخلت رغم ارادة المالك ثلاث مرات وقامت بتخفيض الاجرة وقامت أيضا بتمديد المدة فأصبح العقد يمتد للزوجة والاولاد والاحفاد فماذا تبقى من أركان العقد لتقول انه شريعة المتعاقدين ، ثانيا : الخلو كان مجرم وانا والدى أخذ خلو من السكان وعندما أصبح الخلو مجرما رد الخلو لهم وعندنا ايضالات بهذا واذا لم تفعل هذا كان بسهولة ممكن المستأجر يشتكى وساعتها المالك سوف يتبهدل على أيدى رجال السلطة فى ذلك الوقت لاخذه الخلو ، فلا يجوز ان تدافع عن شىء كان مجرما فى وقته والخلو لم يكن بالآلاف كما تقول حضرتك ولا يساوى ثلث ولا ربع ثمن الشقة وهو يختلف عن مقدم العقد الذى يتم اثباته فى العقد ويتم خصمه من الايجار. ألا يكفى المستأجر انه مكث فى الشقة لعقود من الزمان يايجار زهيد ، الا يكفى ان المالك حتى لو أخذ العقار الآن ليس معه من المال لكى يرمم عقاره الذى أصبح متهالك أو آيل للسقوط يعنى المستأجر أخذ العقار لحم ورماه عضم للمالك ، الا يكفى هذا. ألا يكفى ان المالك تحمل دعم المستأجر لمدة خمسون أو ستون عاما ، أليس من المفترض ان المستأجر وفر الفرق بين الايجار السوقى والايجار الفعلى طوال هذه السنوات، هذا الفرق يعادل أو يزيد عن ثمن الشقة.

    2. وايه رائ حضرتك ببيت فيه سبع شقق ويجيب 21 جنيه في الشهر واﻻدهي من كده لما اﻻب واﻻم يتوافاهم الله وكل ابن عنده شقه احسنمن التاني ويرفضوا يعطونا الشقه اصلها من ريحه واالديهم وسيبن الشقه للدروس الخصوصيه ﻻاوﻻدهم ويجوا يتجمعوا فيها في نهايه اﻻسبوع ولما رفضنا ناخد اﻻيجار اتحط علي الجزمه في اامحكمه ولما رفعنا قضيه جاب شهود زور وحكمت لصالحه في النهايه ﻻزم بعمل كده ﻻنها حاجه ببﻻش اقصد بتﻻته جنيه اﻻ ربع يبق ما يعملش اكتر من كله ليه؟؟؟؟؟

  19. انا عندى عقار سته سقق الشقه اربع حجره صاله كبيره جدا وحمامان كبار ومطبخ ماءجره ب اربعه جنيه كانوا بيتنزلوا لبعض وكاءن المالك ملوش حق التدخل ده حلال ام حرام ولما القانون يبداء ينصفنا تقولوا للمالك ان يدفع مبلغ للساكن قبل ان يترك الشقه بالزمه لما سكن اول مره دفع كام حرام عليكوا كفايه ظلم

  20. ولما الساكن يعاند صاحب البيت ويدفع الايجار فى المحكمة وعارف ان صاحب البيت رجل مسن ولايستطيع الذهاب لياجذ المبلغ ٣٠جنية كل شهر

  21. قبل ان تشنوا هجزم على الايجارات القديمة يجب ان يعرف السادة المسؤلين ان هناك ملايين ساكنين ومستقرين من عشرات السنين يجل ان تضمنوا لهم عدم الجشع من الملاك …كما نرى ان القانون الجديد مجحف ولا يحقق اى استقرار ….فية ناس جشعة …عاوزة تغلى الايجار كل سنة وتطرد المستاجر …من هنا يبدا التقنين….اسفقرار المستاجر مقابل تحديد الاسعار وضبطها بما يناسب كل الناس ….لايحق للماللك طرد المستاجر ابدا ….فى مقابل بداية ايجارية غير مجحقة ….وزيادة كل 3سنوات غير مجحفة ايصا…التلاعب فى مجال الايجارات الجديدة والمغالاه فى الاسعار …لايوجد من يوقفة ….من اجر ايجار قديم استفاد بالعقار واتى بثمنة عشرات المرات مالم يكن اكثر …والمستاجر لم يؤجر غصب عن الماللك…اذا حسبنا حسبة ان احسن شقة تمليك بيعت فى السبعينات ب20 الف جنية والنهاردة تساوى 2مليون جنية ….هل يحق لمن باع فى الرجوع فى الصفقة الان ….ام كل واحد بيبيع او يؤجر حسب الوقت بكل رضا منة ….وهو يعلم انة كسبان اكثر من 100 %…من يلومون على القانون القديم الان حسب دراسة الجدوى لعقاراتهم القديمة ….العقار عدى تكلفتة من الساكن وايجارة عشرات المرات….بالجشع الحاصل فى القانون الجديد ….سيشرد الملايين من السكان لو ترك الامر دون ضوابط والقانون الجديد يجب ان يضبط قبل القديم….ولمن يذمون فى قانون الاسكان القديم …فاياريت تضبط الدنيا ويكون فيها عدالة اجتماعية زى القانون القديم …كانت تاتى لجنة وتقنن كم تساوى الشقة كقيمة شهرية …مش متسابى هلهلى زى دلوقتى كل واحد يعمل اللى على مزاجة …ولله الامر من قبل ومن بعد

  22. انا مالكه على فكرة والقانون في صالحي ومنتظرة بفارغ الصبر.. زيادة الإيجارات ووقف توريث العقارات الخ..

    لكن البنود التلاته دي فيها حاجات غير منطقية؟؟

    يعني ايه واحد زوجته مثلا بتشتغل وجابت من فلوسها شقه ولا ابوها اشترالها شقه يقوموا يطردوا الزوج ويروح يعيش عاله على زوجته!!! ولا ابنه عنده شقته فلازم ياخد ابوه وامه؟؟ ده سفه..

    ما طالما بيدفع ايجار محترم انا مالي اطرده ليه؟؟ هو حر ان شاء يبقى عنده ١٠٠ شقة هو وعيلته المهم اقبض انا ايجار ملائم..

    برضه واحد مسافر وطالع عينه وبيجي كل كام سنة يلاقيني طردته؟؟ ليييه؟ طب ما انا هقبض ايجاري الملائم وماليش دعوة..

    أحنا كملاك اتظلمنا سنين وناس بتستمتع باملاكنا واحنا قربنا نشحت.. لكن مش الحل اننا نعكس ويبقى المستأجر عايش مهدد برضه..

    هو صعب يبقى في علاقة سوية في البلد دي.. محدش فيها يظلم التاني؟ لازم يعني حد يتظلم.

  23. ياريت زى ما مجلس النواب هيفتى فى قوانين جديدة للايجار القديم ياريت يفتى فى قوانين لجشع اصحاب العقارات فى قانون للايجار الجديد اللى اقل شقة ب١٥٠٠ جنية يعنى كل دخل رب الاسرة ،،، ههههههههههه

  24. طيب والغلابة اللى مش لاقين ياكلوا ودافعين خلوات بنص تمن التمليك هيكون اية مصيرهم ابعدوا عن اللى ماجر فى منطقة شعبية ومتعملوش فتنة فى البلد

  25. الاماكن المؤجره من الاهالى للبنوك والجهات الحكوميه بملاليم ماهوموقف القانون منها

  26. انا واحد من الناس اللي والده عند عقار ماجره ايجار قديم ومعنديش شقة اقعد فيها انا وزوجته واولادي وماجر شقه 850 جنيه رغم ايجار الشقق اللي في عقار والدي لا تتعدي 70 جنية
    يبقي حرام ده وﻻ حلال يبقي عندي ملكي ومستفيد بيه غيري

  27. مش معقول مستأجر شقة بعشرة جنيه يحرم ورثة من الاستفادة بملكهم وابن المستأجر مؤجر منزل ابوه وامه. بالالاف ويدفع ملاليم

  28. نرجو تحرير العلاقة كفى ظلم 60 عاما الشقة تؤجر ب15 جنية وفى نفس الدور الشقة التى بجوارها تؤجر ب2800 فاى دين وشرع قال ان المستاجر يورث ابنة مالايملك وابن المالك لايرث حقة فى ملك ابوة فالميراث شرعة اللة من فوق سبع سموات ياقوانين السحت واكل حق الناس بالباطل فالمالك ليس شؤن اجتماعية فلعن قوم ضاع الحق بينهم كفى ظلم فالغير قادر من المستاجرين الدولة تكفلة ليس الملاك فالملاك استنزفت ثرواتهم على مدار 60 عام الم يكفيكم تضررنا اكبر الضرر لما حد مننابيمرض لم نلقى حق العلاج لان ببساطة كشف الدكتور اصبح بايجار سنتين

    1. االارض كانت ثمنها بملاليم واحسن ارض المتر. بنصف جنيه والايجار اللى اندفع. للمده وكانه دفع ثمن الشقه يعنى لو الزوجه عندها شقه فىبيت ابوها تطلق علشان قانون سيقول كده اعملوا بحث لظروف الناس وارحموا من فى الارض يرحمكم من فى السماء

    2. انا احلق فى نفس صالون الحلاقة منذ اربعون سنة..وكان صاحب الصالون شاريه بالرخيص اى اننى دفعت ثمن الصالون خلال هذه السنوات فهل يحق لى ان احلق انا وابنى بالسعر القديم الخمس قروش ؟ اي منطق هذا..ما دفعه المستأجر ثمن للانتفاع بالعين وليس تمنا للعين نفسها

  29. كفى 60 سنة ظلم فاى منطق يقول ان تؤجر شقة ب30 جنية وفى نفس الدور الشقة اللى بجوارها تؤجر ب2800 اى عدل هذا اى عقل يقول ان ملكى يورثة المستاجر لابنة ويحرم منة صاحب الوررث الاصلى ابن المالك فاى دين وشرع اقر هذا هذا لايسمى غير اكل حق الناس بالباطل فالمالك ليس شؤن اجتماعية ليتحمل المستاجر ففينا من مات ولم يكن لدية حق الدواءوابنائنا واحفادنا احق باملاك ابائهم فاى دين اقر ان ابن المستاجر يرث مكان ابوة الذى توفى وابن المالك يحرم من ورثة الشرعى الذى اقرة اللة لة من فوق سبع سموات اى يحرمة القانون علية فكل مايخالف شرع اللة النار اولى بة فكفى ان نقلب الحق باطل والباطل حق كفى ظلم اى حد يسال نفسة قبل مايسال امام اللة عن اكل السحت واكل حقوق الناس بالباطل فلعن اللة قوم ضاع الحق بينهم

  30. لافائدة غير بتطبيق شرع اللة ورجوع الاملاك الى اصحابها فاى دين اقر ابن المالك يحرم من ملكة وملك ابوة وابن المستاجر يورث فيما ليس ملكة ولا ملك ابوة اصلا فلادين ولاشرع يقول هذا ان نرضى بايجار شقة 30 جنية فحين ان فى نفس الدور الشقة التى فى جوارها تؤجر ب2800 لية الظلم دة نحن لانطالب بالمستحيل نحن اصحاب الحق فى املاكنا ومن يقول ابن المستاجر غلبان فكفى ظلم دام 60 سنة كفى كفى كفى لقد فاض الكيل اليس المالك لة اولاد واحفاد ذاقوا المر من قوانين العبودية فاين اصحاب الضمائر الحية فال30 جنية بتشترى اية اليوم البطيخة بقت بال30 جنية اختشوا على دمكم وتقوا اللة فى اكل السحت واكل اموال الناس بالباطل ففينا المرضى وفينا العجزة وفينا المحتاج لكل مليم و نحن لم نشحت داحقنا فى املكنا وورث اولادنا كفى ظلم فالمالك ليس شؤن اجتماعية فكفى ما عانيناة 60 سنة ارحموا من فى الارض لير حمكم من فى السماء واذا حكمتم بين الناس تحكموا بالعدل ولا تبخسوا الناس اشيائهم

  31. وما حكم لما يكون المستاجر لديه منزل في البلد لايقلل ثمنه منذ 10 سنوات عن مليون جنيه ولا يريد زياده الايحار بل والتطاول علي صاحب العقار والاعتداء عليه ويمنع المالك من تعليه المنزل بحجه ان بنته في مجلس النواب النائبه دينا عبد العزيز التي تقف تشرشح في الشارع امام المنزل للمالكه وابناءها ولدي مستند يثبت ما اقوله من شرشحه وتطاول

  32. المفروض وضع حد لايجارات سواء قانون جديد او قديم لا ن معظم اصحاب العقارات ما فيش عندهم رحمه لا فى القيمه الايجاريه او المده ….وده المفروض يتناقش وتجدوا له حلول

  33. مش منطق يعني على فرض اخت جوزي او بنتي لو جوزها عنده شقة ايجار قديم وانا أمها عندي شقة او ابوها او اخوها يحق رفع الايجار يرجى مراجعة البنود بحذر بالغ

  34. كلام جميل الزوجة تمتلك ماشي لكن احد من اقاربة يملك في نفس المحافظة هيروح يقولو والنبي تيجي تسكن معاي ولا تعالي خدلك شقة مجدعة ارجو مراجعة البنددة

    1. كلام غريب فعلا والأملاك مش وخدين بالهم ان اكتر من 90% من شعب مصر ساكن قانون قديم يعني يترموا في الشارع عشان كام مالك لهذه العقارات والله الناس تقوم بثورة عارمة ضد هذا القانون اعرف ان الايجار يرتفع ماشي لكن نرمي في الشوارع اظاهر ان فيه نواب في البرطمان عندهم عقارات وأنفسهم يهديها وربنا ابراج مسخ

    2. يعنى هو من حق المستأجر يعيش فى الشقه ويتجوز ويخلف وابنه يتجوز وخلف وابن ابنه يتجوز ويخلف ويدفع ايجار خمسه جنيه وانا ساكن ب750 جنيه فى الشهر ومشعارف اسكن فى بيت ابويه هيه الشقه ديه ورث وﻻ تمليك يعنى الحفيد قاعد بخمسه جنيه زى مكان جده بيدفعها ويريته عاجب ده بيدفعهم فى المحكمه علشان مشعاوز يسب الشقه

  35. لية الحكومة مشيلة ملاك العقارات القديمة هم المستاجرين معملتشى كدة لية مع قانون الايجار الجديد

    1. تعمل ايه في قانون الايجار الجديد ؟ ده عرض وطلب زي مثلا معايا موبايل ببيعه ب الف جنيه وهوه تمنه 200 جنيه انا حر طالما مش محتكر سلعه

    2. عرفتوا سبب الحرايق اللي بتحصل ايه ان الساده النواب مطنشين عن مناقشه القانون وتعديله عشان طبعا ليهم مصالح ده غير البهوات اللي واخدين فلل وعمارات وقاعدين فيها ببلاش في حين ان كل واحد فيهم معاه ملاين يبقى الحل اني اولع في البيت كله واثبتوا بقى انه بفعل فاعل او ايه السبب المهم اخلص من المبنى كله … حضرتك لما اجرت مني كان اه السعر في الوقت ده كده انما الدنيا بتغلى حرام والله العظيم اعرف ناس عندها شقه وعربيه ومش عايزين يسيبو الشقه اللي ايجارها قديم ده طبعا .. لازم الحكومه تلغي قانون الايجارات القديم على الاقل للمحلات التجاريه والا مصر هاتبدا تولع وكله هايولع في بيت يملكه عشان يستفاد من الارض اللي تساوي ملاين

  36. دوروا علي الملاك الجشعه الاول
    اين حقوق المستاجرين القدامي
    اين الدوله والقانون والتعلام

  37. يا أساتذة يا بتوع مجلس الشعب ويا بتوع وزارة الإسكان :-
    ــممممممممممممممممممممممممممممممممممممممممممـ
    إيه الحكاية إنتم طرمختم على قانون الإيجار القديم ولا إيه ؟
    ولا إنتم ساكنين فى شقق قانون قديم ومش عاوزين تسيبوها ؟
    ولا إنتم خايفين من اللى إنتخبوكم ؟ ولا بتخافوا تقولوا الحق ؟
    يا حكومة بلدنا خللوا بالكم ممكن حرايق وسط البلد يكون وراها أصحاب العقارات القديمة ، وأنا شخصيا أعطيهم كل الحق مادامت الحكومة مش ساءلة فيهم ومطنشاهم ، حرام يبقى عقار يملكه 50 وريث وبيلم 500 جنيه على أحسن تقدير يعنى كل واحد نصيبه 10 جنيه من عقار لو أتهدم وإتباع أرض يجيب 50 مليون جنيه
    مشكلة الإسكان فى مصر
    ــــــــــــــــــــــــــــــــــــــ
    تتلخص مشكلة الإسكان فى مصر فى الآتى :-
    أولا : الشقق المؤجرة حسب القانون القديم :حيث أن إيجارها زهيد لايتعدى الـ30 جنيه شهريا فإن مستأجرها طبعا زاد دخله عشرات أضعاف دخله ساعة ما قام بإستئجارها نتج عن ذلك :-
    1 -أن الملاك وهم فى الغالب ورثة المالك قد أصبحوا أفقر من المستأجر القديم وهذا طبعا فيه ظلم كبير لأن هناك بعض الورثة قد لا يكون لهم دخل سوى إيجار العقار الذى تركه لهم مورثهم
    2- أن غالبية المستأجرين القدامى بحكم أن دخلهم زاد على مدار السنوات السابقة منهم من إشترى شقق تمليك بالقسط أو إشترى أرضا وقام ببنائها فإنه :-
    أ- إما أن ينتقل إلى ملكه ويترك الشقة القديمة خالية ويدفع إيجارها للمالك ويحرم المالك من الإنتفاع بملكه ،،،، أو
    ب – يظل فى شقته القديمة كما هو ويقوم بتأجير ما إشتراه أو بناه للغير طبعا بإيجارات مرتفعة وهذا أيضا فيه ظلم للمالك ،،،، أو
    ج – يقوم بتوريثها لأحد أبنائه ليتزوج فيها فى حين أن إبن المالك لا يجد شقة ليتزوج فيها مع أن المفروض أن يسكن فى ملكه كما يقول المثل ( جحا أولى بلحم ثوره )
    ثانيا :- الشقق المؤجرة حسب القانون الجديد : وهذه يلاحظ فيها الآتى :-
    1 – أن إيجارها مرتفع جدا خاصة بالنسبة للشباب المقبل على الزواج وهم فى الغالب لا يتعدى دخلهم 1200 جنيه وبالتالى يصعب عليهم سداد الإيجار
    2 – أن المالك يطلب تأمين أو مقدم إيجار عشرات الآلاف من الجنيهات فمن أين يأتى شاب مقبل على الزواج ودخله محدود بهذه المبالغ الكبيرة ؟
    3 – ان المالك يؤجر الشقة لمدة 5 سنوات وبعضهم سنتين أو ثلاثة يعنى ( يدوبك المستأجر يحط عزاله ويدوبك عقده يخلص وهذا لاينفع )
    لذلك أقترح الاتى :-
    ان تقوم الحكومة بعمل دراسة ميدانية على الطبيعة لتحديد :-
    أولا :- المدة المناسبة لعقد الإيجار : وإننى أرى أن هذه المدة يجب ألا تقل عن 10 سنوات للعقود الجديدة ، ولا تزيد عن 5 سنوات للعقود القديمة وبعد ذلك يعامل معاملة العقد الجديد وذلك حتى تتحقق العدالة بين المالك والمستأجر
    ثانيا :-القيمة الإيجارية : وإننى أرى أن يتم تقسيم المدن والأحياء بكل محافظة إلى 3 مستويات ، وعلى أساسها يتم تحديد القيمة الإيجارية معتمدين على سعر المتر مضروبا فى مساحة الشقة ، وعلى أساس أن المالك يؤجرها مستوفاة السباكة والنجارة والكهرباء والمحارة ،، وبالنسبة للمستويات تكون مثلا :-
    الفئة ( أ ) للمناطق الراقية وهذه لا يزيد سعر المتر فيها عن 15 جنيه
    الفئة ( ب) للمناطق المتوسطة وهذه لا يزيد سعر المتر فيها عن 8 جنيه
    الفئة (ج) للمناطق الشعبية وهذه لا يزيد سعر المتر فيها 6 جنيهات
    ثالثا :- بالنسبة لمقدم الإيجار لا يزيد عن 10000 جنيه
    رابعا:- بالنسبة للتأمين لا يزيد عن إيجار سنة
    كل ذلك يعاد النظر فيه كل 5 سنوات نظرا لإرتفاع الدخول للمستاجرين من ناحية وإنخفاض قيمة النقود بالنسبة للملاك من ناحية أخرى فلا نظلم أى طرف منهما
    فإذا ما إتفق الطرفان على أقل مما ذكرناه فهذا يرجع لرضاء الطرفين
    أرجو أن أكون وفقت فى هذه المبادرة والتوفيق من الله سبحانه ،، كما أرجو طرح ذلك على المواطنين لأخذ رأيهم عليه
    إعمل مشاركة لعل صوتنا يوصل للمسئولين ، واللى عنده أفكار أحسن ينشرها لعلنا نستفيد منها
    محاسب / سيد محفوظ

    1. الحقيقه الكلام دا معقول ويمكن تطبيقه . ولن يترك لا بد من مراجعته كل خمس سنوات جتى يتم وضع التعديل حسب الظروف التى يمر بها المجتمع ولا احد يظلم لا مالك ولا مستاجر .

  38. يعنى لو واحد ابنة معاه فلوس وابوة متبرى منه وابنه عنده فيلا وحرامى يطردو ابوة علشان ابنة حاجة غريبة

    1. يعني ابنه فاقد للاهلية ومعندهوش دين يبقي ناخد حق مش حقنا ونسيب حقنا الاصلي لان الدين الزم الابن بمراعاة الاب مش المالك وبعدين هو معرفش يربي واكيد من ضمن الأسباب انه واكل حق غيره.

  39. كلام فارغ .. كله حيكون له ثغرات في القانون و المستأجرين و محامين لهم ألاعيب لا تعد و لا تحصى و موت يا حمار

  40. الحمد لله ان وجدنا اناس يهتمون بالمواطن و بالقضايا الهامة و هى بحث اسباب المشكلة و العمل على حلها بكل الطرق افلح ان صدق .

  41. 3- ثبوت ملكية زوجة المستأجر لأي وحدات سكنية أو اياً من أقاربه من الدرجة الأولي داخل نفس المحافظة. !!! لا مستحيل الكلام الفارغ ده

    1. العلاقه بين المالك و المستأجر مشكله صنعها المجحوم عبد الناصر ونظامه العسكرى الفاشى ليكسب تعاطف الفقراء و يقضى على الأغنياء اللى كان أغلبهم عائلات راقيه حققت لمصر الرخاء كان الدولار يساوى ٢٥ قرش كذلك ليصنع انقسام و عداء بين الأغنياء الشرفاء و الفقراء وده ٦٤ سنه لهذا فحلها لا يجب ان يكون فورى فلابد من مرحله انتقاليه لا تقل عن ١٠ سنوات يراعى فيها ابعاد اقتصاديه و اجتماعيه و اخلاقيه ويتم فيها زيادة القيمه الايجاريه سنوياحسب مواصفات العقار كموقع و مساحه و عمر العقار حتى يصل للقيمه الايجاريه العادله ثم ٥ سنوات مرحله اخرى يبقى فيها المستاجر بالعقار بعقد محدد المده بقيمه ايجاريه مساويه لسعر السوق حسب مواصفات العقار وبكده تنتهى المشكله

اترك تعليقاً

لن يتم نشر عنوان بريدك الإلكتروني.