رسمياً.. الحكومة تمنح الموظفين حق التسوية للمؤهلات العليا بقانون الخدمة المعدّل.. والبرلمان يوافق على القرار
صورة أرشيفية

وافقت لجنة القوى العاملة في مجلس النواب اليوم على المادة رقم 23 في قانون الخدمة المدنية المعدّل، خلال مناقشته بعد التعديل، وتقر المادة رقم 23 في القانون حق جميع الموظفين بالتسوية للمؤهل الأعلى في حال حصولهم عليه خلال الخدمة.

وكان بند تسوية المؤهلات العليا في القانون رقم 18 لسنة 2015 قبل التعديل قد أثار جدلاً واسعاً بين الموظفين، نظراً لحرمانهم من التسوية للمؤهل الأعلى طبقاً لما نص عليه القانون المذكور قبل التعديل، كما كان أحد الأسباب الأساسية في رفض القانون.

>> «التنظيم والإدارة» يقرر عودة العمل بقانون 47 فيما يتعلق بالمادة رقم (25).. ننشر نص القرار

وتنص مادة تسوية المؤهلات العليا في قانون الخدمة المدنية بعد التعديل على:

“يجوز للموظفين الحاصلين على مؤهلات أعلى قبل الخدمة أو أثنائها، التقدم للوظائف الخالية بالوحدات التى يعملون بها، أو غيرها من الوحدات، متى كانت تلك المؤهلات متطلبه لشغلها، وبشرط استيفائهم الشروط اللازمة لشغل هذه الوظائف”.

كما أجاز القانون للموظفين الحاصلين على مؤهل عالي أثناء الخدمة التسوية بنصف المدة التي قضاها في الخدمة، بما لا يتجاوز 5 سنوات، بشرط أن لا يسبق الموظف زميله الحاصل على ذات المؤهل في نفس التاريخ.

هذا وجاء في نص المادة رقم 24 من القانون:

 “لا يجوز بأية حال من الأحوال أن يعمل موظف تحت الرئاسة المباشرة لأحد أقاربه من الدرجة الأولى فى نفس الوحدة”.

قد يهمّك:

هذا ويذكر بأن مجلس النواب بدأ بمراجعة مشروع قانون الخدمة المدنية بعد التعديل يوم الأحد 8 مايو، على أن يتم الموافقة عليه رسمياً بعد مناقشة جميع بنوده.

تابعنا على المواقع الاجتماعية ليصلك الجديد أولا بأول

التعليقات

  1. انا اقدر واحترم السيد معالي وزير الاوقاف لانة اصدر قراربتسوية جميع الموظفين الحاصلين علي مؤهلات عليا اثناء الخدمة لانة اعطاهم حقهم الدستورى وياريت الموظفين بالتربية والتعليم يصدر لهم قرار مماثل لتسوية حالتهم الوظيفية حتي يتحقق العدل والمساواة بين افراد المجتمع

  2. بالنسبة لصاحب التعليق ( ارحمونا بقى ) !!!!!
    حاقول اية يعنى ؟؟ حضرتك وانا بصفك بكل ادب بكلمة حضرتك او سيادتك لية ؟؟؟؟ علشان والله احنا محترمين ومش حميييير زى وصفك. ال زينا ناس كتيير ظروفهم جعلتهم تنتهى دراستهم عند المرحلة المتوسطة من اجل السعى للقمة العيش حضرتك بتقولى ان فى ناس امتياز لازم يتعينوا الاول وبعد كدة يبصو لينا صح ؟؟؟ هقول لحضرتك حاجة مهمة انت متعرفش ولا ماتعرفيش ان معظم النجاحات فى جميع ورش العمل تأتى من من يحملون المتوسطة لية ؟ علشان بيشتغلو بضمير واتحملو المسئولية من صغرهم وفى اى مكان حا يشتغلو لية علشان مكافحين واعتمدو على نفسهم خلى باللك انا بحيى رئيسنا العظيم لسياستة العظيمة والرشيدة فى ادارة شئون البلاد لا مكان لتنابلة السلطان فكم من حاصل على شهادة جامعية بتقدير امتياز ولا يفقة شيىء يعنى بالبلدى كدة بابى ومامى متوصيين علية والمدرسين ليل نهار عندة فى البيت بالشاى والكيك هل تعتقد ان هذة الفئة تتحمل مشقة العمل تحت اى ظروف بعد ما اعتاد التكييف والشاى والكيك اظن لا ! عذرا هناك فئة اخرى صاحبة الامتياز بجد من المكافحين هؤلاء لهم منى كل التقدير . انا من الناس حصلت على مؤهل علمى بدرجة جيد جدا بكل عرق وجهد ومع ذلك لم اقصر ولو للحظة واحدة فى عملى اليس من حقى تعديل حالتى وتحسين وضعى الاجتماعى ام اظل كما انا من اجل اصحاب الاموال واجهزة التكييف؟ خلى باللك والله والله انا لست حاقدا على اصحاب التكييف لان دة رزق من عند ربنا ! بس بلاش تحطم نفسيات اى واحد عاوز يحقق طموح لة !!!!!!! وربنا يهدى

  3. ومن البجاحه بيقولوا خبر سار للموظفين تعرفوا هو ايه فتح باب المعاش المبكر للموظفين . صحيح اللي اختشوا ماتوا

  4. لما هما وافقوا علي التسويه موقوفه ليه دول كدابين في كل أقوالهم وأفعالهم وأوجدوا عدم الثقه لدي المصريين في كل شئ.وأنا منهم ..لا يوجد عندي ثقة في أي مسؤل لا في أقوالة ولا في أفعاله.

  5. انا واخده بكالوريوس تجاره يعنى اتقدم بيه مره تانيه للتسويه علما بان الاوراق فى المديريه التربيه والتعليم ولا هيسوا بالقانون بناءا على طلبى القديم بالتسوبه انا اعمل اداريه

  6. انا خد موهل اثنا الخدمة. 20014 قبل صدور القانون. وخت اجرات في ظل قانون 47 الم اسوي حتي الان. حرام ولا حلل

  7. ينفع اخذ مؤهل علي وانا عندي مثلا مثلا مثلا ٥٨سنه…يعني رجل دخل ورجل علي الباب لمقهي المعاشات…. ولا الاحسن لما اكون علي كرسي المقهي. والله انا ما بهز…. انا علي المعاش فعلا.. اعرف ناس في خارج مصر حصلوا علي الاعلي والاعلي بعد ٧٠سنه

    1. طب وظفو الناس الى معاها كليات الاول وبعدين ابقو دورو على الناس دى وبعدين الناس دى اصلا بتدخل كليات وبيطلعو مش فاهمين فيها حاجه يعنى بمعنى اصح حميييييييييير……… وفى الاخر بيجيبو مقبول وبيسوى زى الى جايب امتياز والله حراااااااااام

    1. انا دبلوم ومش هرد عليك الشتيمه بشتيمه يا ارحمونا بقی لانی محترم ومتعلم التربيه كويس والحمدلله ولاكن الدبلومات دول ناس زيهم زيكم ليهم احلام وليهم طموحات وبيسعو وبيجرو وري احلامهم ماعاشوش عيشه طبيعيه زيكم اثناء دراستهم بيشتغلو ومؤهلين لسوق العمل كويس
      ويارب نبطل نشتم بعض ونتريق علی وبعض ونسئ لبعض امين يارب العالمين

  8. حافز الماجستير يجب ان يگون الف جنبه على الاقل والدكتوراه الفين جنيه على الاقل لان فعلا الناس دى تعبت بجد وتفيد عملها جدا جدا.

    1. ماهوه انتى لو بتاخدى الدكتوراه والماجيستير ده عن وجه حق كنتى فعلا هاتستهلين الكلام الفارغ الى انتى بتقولى عليه ده ولا الماجيستير والدكتوراه كل الناس بقت بتقدم فيها لأنها تجاره مش دراسه من قبل الكليات والى داخل يحضر ماجيستير ودكتوراه ده من اجل مصلحه ماديه فقط وليس من اجل العلم دالى بياخد مقبول بقى بيحضر ماجيستير دى مصيبه لواحدها

  9. موضوع ضم نصف المدة قبل التسوية غير موضح هل يتم ضم نصف المدة لأى مسمى وظيفى بمعنى معاون خدمة 8 سنوات على بند المكافأة الشاملة بعد التسوية ببكالوريوس التجارة على الدرجة الثالثة تنمية إدارية من حقه ضم 4 سنوات من أيام خدمته معاون خدمة مكافاة شاملة ونصف المدة برجاء الإفادة وشكرا

  10. ومين حيتحمل العجز فى العماله التى حتغير الوظيفه بتعتها طيب وضم نصف المده القديمه يعنى حيكون فى خلل زاى ما حصل فى سوقين الجامعه كلهم ضموا ومكنوش لقين سوقين تشتغل

أضف تعليقاً

لن يتم نشر عنوان بريدك الإلكتروني.