بالفيديو اعتذار ريهام سعيد بعد عودة برنامج صبايا الخير من جديد
اعتذار ريهام سعيد

قدمت الإعلامية ريهام سعيد اعتذارها للجمهور عما صدر منها من تصرفات خلال الفترة الماضية، وذلك مع بداية عودة برنامج صبايا الخير على قناة النهار بعد توقف دام لستة أشهر، وظهرت ريهام سعيد وهي متأثرة جدا بما مرت به خلال الفترة الماضية، وطالبت الجمهور بتقبل اعتذارها عن أحداث الفترة الماضية.

وتحدثت ريها سعيد مبديه أسفها وندمها الشديد عن أحداث الماضي قائلة “لو طولت رجل كل واحد أبوسها”، وقالت “أنا لازم اعتذر لكل واحد تضاق أو استاء”، وقالت أنها لن تسطيع الكلام خلال هذه المرحلة، مضيفة:

“ولازم اعتذر لكل فئات الشعب التى قد تكون انزعجت حتى لو على باطل أو سوء تفاهم، ربنا عالم وشاهد عليا أن إحنا كنا بس بنحاول نقول الحقيقة واللى حرصنا عليها طول 13 سنة، اقسم بالله العظيم ما كان قصدنا تشهير أو بروباجندا ولا إحنا نعلى ، لأنى مش أنا البنى آدمة اللى راحت اشتغلت مذيعة، وكنا بنعالج الناس علشان نأخد شعبية وهانروح نعمل خير ونصور العمليات علشان نقول إن إحنا جامدين، كل حاجة جت بالصدفة وبتوفيق من عند ربنا وكل حاجة كانت رزق وكل اللى يعرفونى يعرفوا ازاى أنا طيبة وضميرى صاحى جدا، ودى مشكلتى، إن كان دايما واخدة عهد على نفسى إن لازم أقول الحق”.

“ليكوا حق إن ممكن تكون المعالجة غلط او قاسية لكن إدونى عذر فى إن أنا على الأقل نيتى كانت كويسة، وعاوز أقول الحقيقة ، مرة تانية اتأسف ليكوا ولو ناس شايفة إن أنا محتاجة أتعاقب ، أنا اتعاقبت، قعدنا 6 شهور فى البيت وناس كتير ماتت واتهزأنا وإتشتمنا وناس إتريقت علينا واتحكم عليا سنة ونصف سنة”.

“أكيد كل واحد غلط فى حياته وناس غلطته وهو مش غلطان،اسمحولى فى الآخر إنى اتأسف للناس المرضى اللى أهلهم بيبكوا عليهم جامد لأنهم ماتوا والأطفال الكثير اللى راحوا، أطفال كثير ماتت بسبب وقف البرنامج والتأخر على العمليات.، ودول فعلا اللى محتاجين الاعتذار ودول فعلا اللى أنا اعتذرلهم بجد من قلبى وابوس رجليهم “.

 

تابعنا على المواقع الاجتماعية ليصلك الجديد أولا بأول

التعليقات

    أضف تعليقاً

    لن يتم نشر عنوان بريدك الإلكتروني.