بعد زيادة الدعم على التموين من السيسي تعرف على حصة المواطن الجديدة في البطاقة التموينية
وزارة التموين والتجارة الداخلية

استجابة لتوجيهات الرئيس عبد الفتاح السيسي بزيادة دعم الفرد على بطاقة التموين، نظراً لارتفاع أسعار السلع الغذائية الناتج عن التضخم بسبب أزمة الدولار مؤخراً، أعلن نائب رئيس الهيئة العامة للسلع التموينية “ممدوح عبد الفتاح” بأن حصة الفرد في بطاقة التموين سوف تزيد بمقدار 3 جنيهات.

ويذكر بأن كل مواطن مقيد على البطاقات التموينية يستحق دعم على سلع وزارة التموين بمقدار 15 جنيهاً، وبعد الزيادة يتراوح الدعم المستحق لكل فرد من 17 إلى 18 جنيهاً، على أن يتم تطبيق هذه الزيادة اعتباراً من شهر يونيو المقبل.

ومن جانبه أوضح “عبد الفتاح” بأن تكلفة زيادة الحصة التموينية سوف تكلف الوزارة 200 مليون جنيه، نظراً لأن عدد الأفراد المستحقين حالياً للتموين يبلغ 70 مليون مواطن، نافياً حدوث أي تغيير في أسعار السلع التموينية أو رفعها عن أسعارها الحالية في الفترة المقبلة.

اقرأ أيضاً:

وفي سياق منفصل أعلن “عبد الفتاح” بأن وزارة التموين على أتم الاستعداد لاستقبال شهر رمضان المبارك، بتوفير كافة احتياجات المواطنين من السلع الغذائية الأساسية وكذلك ياميش رمضان بأسعار أقل مما هي عليه الآن بنسب تتراوح من 20 إلى 40%، من خلال منافذ بيع سلع التموين، مشيراً بأن كافة احتياجات المواطنين ستكون متوافرة بشكل كبير يفي بمتطلباتهم طيلة شهر رمضان.

تابعنا على المواقع الاجتماعية ليصلك الجديد أولا بأول

التعليقات

  1. ههههههههههههههههههههههههههههههههههههههههههههههههههههههههههههههههههههههههههههههههههه وجايين على نفسكو ليه
    ده تذير يا جماعه

  2. هننصب دعم أيه اللى مطبق على 70 مليون اظاهر الحشيش اللى واخده الراجل ده عالى عالى

  3. والله العظيم انا عندى ولد معاق يبلغ من العمر27 سنه وانا موظف ولن يبلغ مرتبى ال 1499جنيه ومش عارف اعمل اه لانى مش عارف اشغله فى الحكومه وتقدمت بطلبات كثيره وفى الاخر ارسلو اليه خطاب واخذت الخطاب ورحت به على القوى العامله وقالو ليه روح عند شركه يحى الحناوى وخذ الاوراق وسوف يشغل ابنك لديه وذهبت اليه وقال ليه سوف ااعطيه 500 جنيه وخليه فى المنزل هل هو ده عدل من الغلاء ربنا يصلح الحال ويكون فيه ناس عندها ايمان وترعى ظرفنا

  4. 2 جنيه زياده دعم .. الناس دى معندهاش دم .. كى القميص ب2 جنيه .. مسح الحذاء ب 2 جنيه .. المتسول بياخد 2 جنيه … زودوها شويا .. دول جزيرتين يا عالم

  5. يا سيدى الفاضل المشكلة ليس هنا المشكلة دا محدود الدخل ياخد شقة بل القسط محدود الدخل يزيد راتبة كويس خالص طيب حبيبي يا سيادة الريس فين معدوم الدخل يموت اه واللهى يموت احسن

  6. ريحوا نفسكم المرتاح بيرتاح اكتر والتعبان بيتعب اكتر هى دى مصلحة عامة الشعب

    ربنا ياخدنا ويريحنا من الظلم اللى شايفينوا فى الدنيا وهناخد حقوقنا منهم قدام الجبار
    لا تستهينوا بدعوة مظلوم أو جعان أو أرمله أو مطلقه أو مريض ومش لاقين العيشه الكريمه بينما ينعم الاخرون بما لذ طاب

  7. احلى حاجه بتوع التموين يقولوا السلع متوفره تروح لبتاع التموين يقولك الحكومه منزله سكر ومكرونه وصلصه والزيت بقى على ما تفرج كل يوم كلام كلام على مساعدة الشعب والشعب خلاص تعب من كتر المساعده الصراحه
    يعنى حتى مشروعات الجيش كان املنا فيها كبير ان الاسعار تكون مخفضه عن السوق لقيناها اكتر من تاجر الجمله
    اصدقوا مع الشعب يرحمكم الله

  8. خلى الشعب بقى يشترى فراخ ولحمه ويهيس واللى عايز رومى ولا نعام يشترى برده بس بشرط كل واحد يجيب آلة الزمن ويرجع 200 سنة للوراء

  9. هو مجرد سؤال عايز اعرف ( من هو محدود الدخل في مصر ) هل هو الي معاة اقل من خمسين الف جنية ام اكثر
    ام هو النوظف ام الغلبان الي معاة 50000 الف علشان شروط الشقة تبقي كدة 9000 + حوالي 8000 صندوق صيانة + 13000
    باقي نسبة 15 % عند الاستلام وانا لو معاية المبلغ دة ابقي محدةد الدخل غير قسط شهري 400 يزيد 7 % لمدة 20 سنة افدوني افادكم اللة من هو وما تعريفة ولكم مني جائزة كبيرة وشكرا

  10. الناس زهقت وتعبت من رفع الاسعار والمعيشه بقت صعبه وكل ده علي الفقير والحكومه بتهدي الشعب 2جنيه علي الدعم للفرد في التموين سبحان الله وحسبي الله ونعم الوكيل ومش عارفين نلاقيها من فان من الحكومه ولا من التجار ألي بترفع في الاسعار حتي الشغل الواحد مش لاقيه وزهقنا في ام البلد دي

اترك تعليقاً

لن يتم نشر عنوان بريدك الإلكتروني.