6 إبريل تعليقًا على الحبس العشوائي للشباب : النظام اتجنن

6 إبريل تعليقًا على الحبس العشوائي للشباب : النظام اتجنن

قامت وزارة الداخلية بحملة أمنية واسعة مستمرة  منذ أمس الخميس 21 إبريل 2016، بالقبض العشوائي على الشباب الذين يملكون خلفية ثورية، من على قهاوي وسط البلد، ومن منازلهم، في إطار الحملة الأمنية التي تحاول منع تظاهرات يوم 25 إبريل القادم، ما دفع حركة شباب 6 إبريل لنشر بيان للتنديد بذلك الأمر.

وينص البيان على :-

“النظام اتجنن وقبض على شباب كتير أوى من على القهاوى ومن البيوت امبارح…دا اخركم…طيب نحب نقولكم اننا موجودين وبنشتغل على الحشد لليوم بقوة اكتر من الاول…وان ناس كتير اوى هتنزل يوم 25 مهما حصل…هتحبسونا؟ طيب محنا محبوسين من سنين ومكبوتين وبنتعرض لقمع رهيب واللى بيحاول يفتح بقه كان بيتحبس وشايفين كل يوم خيبة جديدة لنظامكم بتأثر على حياتنا كلنا ومستقبلنا كلنا…حتى اللى ماشى جنب الحيط وحتى اللى بيطبلكم….الحقيقة مش محتاجين نحشد ضدكم لان غباءكم وتجبركم هو اكبر حاجة هتخلى الناس تنزل يوم 25 واللى بعده واللى بعده

الى كل شباب الثورة

ركزوا فى طريقكم….غطائنا السياسى الوحيد هو العدد فى الشارع واللى ليه ظهير شعبى معقول فى البيوت فى كل مصر لان النظام تجاوز كل حد فى موضوع الجزيرتين تحديدا
يا ريت منهتمش بأى كلام او اشاعات….حركة الشارع محدش يقدر يتحكم فيها وبتغير كل الخطط والترتيبات والموازين
اللى بيحصل دا بيأكد ان احنا كتير ومهمين ومؤثرين ومصممين على اننا ناخد فرصتنا ونغير بلدنا للأحسن وان شباب 25يناير لسه حى وقوى وقادر انه يغير المعادلة من تانى..انزل 25  ابريل”.