بطاطس مهروسة بالصلصة البنية

بطاطس مهروسة بالصلصة البنية

هذه طريقة مختلفة وجديدة ومبتكرة لتقديم البطاطس المهروسة بشكل جديد

المقادير :

مقادير البطاطس ( 6 حبات بطاطس حجم متوسط – 2 ملعقة كبيرة زبده – ملعقة صغيرة ملح – ربع ملعقة صغيرة فلفل ابيض – 3 معالق زبادي – رشة جوزه الطيب ) .

مقادير الصلصلة البنية :

كيلو عضم بقر مقطع صغير – معلقتين كبار زيت – جزر متقطع قطع صغيرة – بصلة متقطعة قطع صغيرة – 3 عروق كرفس متقطع صغير – 3 حبات  طماطم متوسطة مقطعة – ورقتين لورا – عودين زعتر اخضر – ملح وفلفل .

الطريقة :

  1. اسلقي البطاطس في كمية مناسبة من المياه علي نار متوسطة واتركيها حتى تنضج .
  2. قشري البطاطس واهرسيها بشوكة أو بمصفاة يدوية أو بهراسة البطاطس .
  3. أضيفي بهارات البطاطس وبقية مكوناتها وقلبيهم جيدا، ويمكن تقدميها لأسرتك من غير الصلصة البنية.
  4. اغسلي العضم وجففيه ورسيه في صينية فرن وادهني زيت .
  5. ضعي العضم في الفرن علي درجة حرارة عالية وسبيه لحد ما يحمر .
  6. قلبي الخضار ورصيه في صينية مع العضم وأعيدي صينية العضم ثانية إلي الفرن .
  7. ارفعي العضم من الفرن وضيفيله 3 أو 4 كوب مياه واتركيه علي نار متوسطة فوق البوتاجاز حتي يغلي ثم خفضي الحرارة لحوالي ساعة أو حتي  يتبخر نصف السائل .
  8. صفي الصلصلة وتبليها بالملح والفلفل وقدميها مع البطاطس و يمكن عمل الصلصلة وتقدميها مع أطباق اللحوم والطيور .