أبلة فاهيتا تعتذر عن بيانها السابق ضد شادي حسين

أبلة فاهيتا تعتذر عن بيانها السابق ضد شادي حسين
أبلة فاهيتا تعتذر عن بيانها السابق ضد شادي حسين

أصدرت اليوم الصفحة الرسمية لبرنامج أبله فاهيتا بياناً تعتذر فيه لمراسل برنامجها “شادي حسين” ، وذلك بعد بيان أبلة فاهيتا السابق والذي هاجمت فيه شادي حسين بعد واقعة الواقي في ذكرى ثورة 25 يناير ، وأكدت أن الفيديو كان صادماً لها كما كان صادم للجميع ، وبررت موقف شادي بأنه مجرد تعبير عن رأيه نتيجة لأنه مُحبط .

وكان بيان أبلة فاهيتا موجهاً لأكثر من فئة بالإضافة لشادي ، فكان موجهاً أيضا لقوات الأمن ولمتابيعيها عموماً ، وجاء البيان كالتالي :

“بونسوار، هما كلمتين وأُرُفوار، عزيزي شادي: انت شاب شاطر وموهوب وعارف غلاوتك عندي حتى بطيشك وجنونك وهزارك الثقيل ، أنا متأكدة إنك ماتقصدش غير إنك تعبر عن رأيك، إنت شاب والشباب لما بيحبط بيلوش، قلبي عندك وحضنك عندي “

وتابعت:

“عزيزي العسكري الغلبان.. حقك علينا، انت على راسنا من فوق طول ما أنت بتحمي بيوتنا وبوتيكاتنا وحقوقنا، وحتى لو ده واجبك، إحنا مقدرين ومتشكرين، ماتزعلش، ده شباب مُحبط وتقلها في الهزار”

وأضافت:

“عزيزي الشعب: أحضن نفسك، إنت مالكش غيرك، عزيزتي حرية التعبير: متكاتفة معاكي ومش ناوية أسيبك، ده إنتي برضك يتيمة زي كارو ، أعزائي حبايبي وأعدائي.. حقكم تاخدوا على خاطركم مني، البيان اللي نزل الأسبوع اللي فات كان صدمة ليا قبل مايكون صدمة ليكوا، كنت فاكرة إني الأقوي وكلمتي هي اللي هتمشي، لكن طلع فيه الأقوى”

وقالت في خاتمة بيانها:

“أنا ست حرة ومابخافش ومش هأعيش غير حرة، بيقولولي يا أبلة، كان باين إنه مش كلامك، خليكي ساكتة وبكره الناس هتنسى، قولتلهم المهم أنا امتا هأنسى، عزيزي ديوركس: اتنفخت انت في القصة دي..

عزيزتكم مهما شتمتوها

الأبلة “

فاهيتا