مفاجأة خطيرة .. في حالة رفض قانون الخدمة المدنية الجديد… العاملين بالدولة لن يحصلوا على مرتباتهم
الأجور والمرتبات

في مفاجأة من العيار الثقيل أعلن الدكتور عصام خليل رئيس حزب المصريين الأحرار أنه في حالة إصرار أعضاء مجلس النواب على رفض وإلغاء قانون الخدمة المدنية فإن الدولة لن تستطيع دفع مرتبات العاملين بالدولة لشهر فبراير المقبل وذلك لأن قانون الخدمة المدنية منح العاملين علاوات وترقيات لا يمكن سحبها من العاملين بصورة مفاجئة وسيؤدي إلى حدوث ارتباك في الجهاز الإداري للدولة، وخصوصاً عند احتساب أجور ومرتبات العاملين لشهر فبراير المقبل.

وأشار الدكتور عصام خليل أنه القانون يحتاج فقط للتعديل وليس للرفض الكامل وأنه يوجد به عدد قليل من المواد يمكن للحكومة أن تقوم بتعديلها خلال الفترة المقبلة وبناء على طلب أعضاء مجلس النواب.

وأضاف رئيس حزب المصريين الأحرار أن هناك أزمة ثقة لدى الموظفين ورؤسائهم إلا أن قانون الخدمة المدنية الجديد منح للموظف الحق في التظلم من تقارير رؤسائه بالاضافة إلى وجود العديد من الجهات الرقابية الأخرى.

تابعنا على المواقع الاجتماعية ليصلك الجديد أولا بأول

التعليقات

  1. قانون الخدمة دا معناه ان الموظف هيموت من القهر بعد ما كان بيموت من الجوع حرام عليكوا كفاية متاجرة بالغلابه وبعدين موش كلنا ولاد بطة واحده ولا القضاء والبترول وغيرهم ولاد البطة البيضة والله حرام

  2. قانون الخدمة دا معناه ان الموظف هيموت من القهر بعد ما كان بيموت من الجوع حرام عليكوا كفاية متاجرة بالغلابه وبعدين موش كلنا ولاد بطة واحده ولا القضاء والبترول وغيرهم ولاد البطة البيضة والله حراك

  3. اذا تم الموافقة على قانون الخدمة المدنية من مجلس الشعب يبقى عليه العوض ومافيش فايدة وبدلنا الحزب الوطنى الفاسد بقائمة ف حب مصر يعنى استنساخ واذا حدث ذلك هاتكون سمعه المجلس ومايقال عليه صحيح وبعدين الحكومة لازم تحترم رأى اللجنه اللى رفضت القانون وليه دايما الحكومة هى اللى صح ماهو ده نظام مبارك والحزب الوطنى وان اكتر من نصف ف حب مصر كانوا حزب وطنى ليه لاتحترموا القرار زى ماوافقوا على كل القوانين هما شايفين ان القانون ده عايز يتغير وكفاية قوى ضغط على الغلابة يادكتور اشرف العربى شوف مرتب موظف الحكومة بعد 35سنه شغل كام قبل ماتوقف علاواتهم وقارن بينه وبين شاب متعين ف البترول بعد سنه واحده فقط والله اكبر منه بكتير يادكتور اشرف ياوزير التخطيط خدوا مرتبتنا واصرفوا انتم علينا والله والله والله هاتقدم استقالتك تانى يوم لانك هاتفشل ف حل المعادله شوف ناس تانية الناس ده استحملت علشان مصر 30سنه ولا احنا بس اللى اولاد مصر والبترول والقضاه والبنوك من كوب اخر اتقى الله يادكتور يامتعلم مش علشان تقعد ف منصبك وتوفر فلوس تدوس على الغلبان هاتروح فين من ربنا .

  4. ليه دايما تعاملونا على اننا شعب اهبل وغبى وانتم بس اللى بتفهموا على فكرة ده قمة الغباء يادكتور عصام خليل علشان بتستغبى الشعب وتقوله ( قانون الخدمة المدنية منح العاملين علاوات وترقيات لا يمكن سحبها من العاملين بصورة مفاجئة وسيؤدي إلى حدوث ارتباك في الجهاز الإداري للدولة) ببساطة البيه وزير التخطيط وفر من الغلابة العاملين بالدولة 17 مليار عن طريق تحويل نسب العلاوات الى رقم ثابت وعلى الاساسى القديم 30/6/2015 واخد مننا ظلما ماكنا نزيده من جنيهات قليله تعيننا على الحياه الصعبة وبدل ما يزودنا انتقص من حقوقنا التى ناخذها على مدار السنين السابقة وده كل الموضوع ولا القانون الجديد هايصلح الجهاز الادارى ولا حاجة المقصود الفلوس اللى اخدوها وكان املنا كل الامل ان يجى مجلس شعب من الشعب علشان ينصفنا ويرجع لنا حقنا المغتصب ولكن خلصنا من الحزب الوطنى طلع لنا فى حب مصر اين انت ياسيسى الحل مش انكم تاخدوا فلوس الغلابة لكن هاتروحوا من ربنا فين هو مطلع وبقول لوزير التخطيط تقدر تنفذ القانون على البترول او البنوك او القضاء وبقوله كمان اذا دعتك قدرتك على ظلم الناس فتذكر قدرة الله عليك واذا كنتم معاكم السلطة والضغط واتلاف حب مصر المصتنع احنا معانا ربنا حسبى الله ونعم الوكيل حسبى الله ونعم الوكيل حسبى الله ونعم الوكيل

  5. نحن نرفض هذا القانون جملة وتفصيلا ومعني التعديل يعني تمريره ولن يتم التعديل ابدا لتحقيق أي عدالة للموظف

  6. كله كدب في كدب اللي يتحمل اي مصيبه هو اشرف العربي
    خصم من الموظف الغلبانعلشان يزود القضاه والجيش والشرطه والمدرسين والمهندسين والدكاتره والبريد وغيرهم
    مش المفروض برضه الريس قال انه جاي للغلبان ومجلس الشعب جاي من الشعب وللشعب ههههههههه خلصنا من الحزب الوطني…. وقعنا في الحريه والعداله خلعنا منها بالغباء جبنا مصيبه اسمها دعم مصر ؟اظهار احنا شعب اهبل وبيضحك علينا
    ملناش غيرك يا رب.

  7. بلاش مماطله وملام ملوش ﻻزمه نحن ﻻ نريد موظفى الدوله نعترض على هذا القانون الظالم يبقى بلاش مماطله بقى واتقو الله فينا حرام

  8. كلام كدب والمرتبات نقصت مش زادت والاستاذ اللى بيتكلم منافق للحكومة حرام عليكم مش لاقين غير موظفى الحكومة الغلابة اين الكهرباء والبترول والقضاة وغيرهم من هذا القانون مش ده ظلم وغير دستورى ومش المساواه ف الظلم عدل لماذا لايطبق القانون على الجميع الاستاذ الدكتور عصام خليل عارف يعنى ايه المرتبات تثبت ولاتزيد وتحويل النسب الى رقم ثابت مش هانقول غير حسبنا الله ونعمه الوكيل على كل من يصوت لصالح هذا القانون الظالم ودليل ان كل مايهمكم ف القانون هو تقليل المرتبات ان الناس اللى لاينطبق عليهم القانون مثل المعلمين نفذوا عليهم استقطاع جزء من المرتب عن طريق تحويل النسب الى ارقام ثابته خافوا الله وارحموا الناس فواتير الكهرباء والمياه والغاز والبنزين والمواصلات والخضروان واللحوم وكل شىء ادونا مرتباتكم وخدوا مرتبتنا وعايزين نعرف هاتعيشوا ازاى حسبنا الله ونعم الوكيل فيكم جميعا خافوا الله

  9. عدم صرف مرتبات فبراير ده كلام الحكومه علشان تمرر القانون وهو من الممكن صرف المرتبات بنفس النظام الذي عمل في يناير ثم تعمل تسويه للفرق في مارس وأعتقد أنه الي الآن لم تحدث أي ترقيه طبقا أهذا القانون المشؤوم
    والوزير قال أن المرتبات زادت 5بالمئه من الأجر الوظيفي الذى يعادل
    ثلاثه أمثال الأساسي بقانون 47وتناسي ان الحلاوه الاجتماعيه التي أقرت من 5سنوات لما تنضم الي الأساسي ويحسب عليها نسب المتغير يعطي مبلغ كويس زياده بجانب العلاوه الدور به أيضا نفس الكلام العلاوه الاجتماعيه للسنه الحاليه يعني الزياده في حدود 200 ج واحنا زدنا 75 ج وخصم منا الشهر الحالي 30 ج تأمينات زياده يعني المرتب شبه ثابت برغم أن الحكومه هنزود الكهرباء والمياه والبنزين وكل حاجه ولعت ربنا يرحمنا من هذا الظلم

  10. الحكومه لواتلغا القانون الخدمه المدنية علي موظفي مصر الدرجه الثانية ولاد القطه السودة الشمش هتطع من الجنوب

أضف تعليقاً

لن يتم نشر عنوان بريدك الإلكتروني.