وزير التربية والتعليم : يعلن أخبار صادمة للطلاب والمعلمين
وزير التربية والتعليم الجديد

لمحاربة ظاهرة غياب الطلاب بالمدارس ولإعادة انضباط العملية التعليمية داخل المدارس بجميع المراحل التعليمية وخاصة المرحلة الثانوية أعلن وزير التربية والتعليم الدكتور محب الرافعي أنه بداية من العام الدراسي الجديد  سيتم رفع رسوم إعادة قيد الطالب في المدرسة بأي مرحلة تعليمية إلى مبلغ 1000 جنيه.

وأضاف وزير التربية والتعليم على أن أولي خطوات إصلاح العملية التعليمية في مصر هو إعادة الانضباط للمدارس المصرية وذلك من خلال لائحة الانضباط المدرسي التي أعلنتها وزارة التربية والتعليم في نهاية العام الدراسي الماضي.

وأكد وزير التربية والتعليم على أن الوزارة عازمة على القضاء على الدروس الخصوصية من خلال إيجاد بدائل أمام الطلاب وأولياء أمورهم وأحد هذه البدائل هو تفعيل دور القنوات التعليمية والعمل على تطويرها واستقدام أفضل المعلمين لها في جميع المراحل التعليمية.

وأشار وزير التربية والتعليم على أن البديل الأخر للنهوض بالعملية التعليمية هو أن يتم استقدام أشهر المعلمين للعمل في مجموعات تقوية داخل المدارس بعد أن يتم انتهاء اليوم الدراسي مع توفير كافة الامكانيات لهم لترغيبهم للعمل بها للقضاء على ظاهرة الدروس الخصوصية بشكل نهائي.

تابعنا على المواقع الاجتماعية ليصلك الجديد أولا بأول

التعليقات

  1. انا اتعقدت اساسا ومش عايزة ادخل امتحانات انا فى ٣ثانوى وانتوا بتعقدوا فينا اكتر تعدوا تنزلولنا فى المناهج حاجات يعنى مش بنستفاد اساسا مابنعملش حاجة عملى كل اللى علينا بنحفظ زى المتخلفين كاننا بغبغانات وانتو اصلا عايزين كدا عايزين شعب متخلف عشان مش يطالبكوا بظلمكوا بس والله فوق دماغكوا فى الاخر .. ليه الواحد يبقى عنده اهداف ونفسه يوصل لحاجة كويسة وبسبب التخلف اللى عايش فيه دا مش عارف يوصل طول مانتوا عاملين امتحانات دى مقياس لمستوى الطالب مش هنتقدم لحاجة اساسا ، انا مش حابة دروس وبرضه مش حابة اهمال المدرسة يعنى انتوا اخدين فلوس المدرسين وهما يجبرونا على الدروس عشان يعوضوا واصلا فى مدرسين مش فاهمين اللى بيشرحوه يعنى فى حاجات بتتشرح غلط اساسا ودى برضه حاجة بتخلينا ندور على مدرسين معينين ال يعنى عشان نفهم المنهج وبرضو بنحفظ .. يبقى وزير عنده مثلا ٦٠عام ومعيشنا ايام العصر الجاهلى وفاكر مثلا عشان طلع وزير الله اعلم ازاى يبقى فاكر ان ايامه كان افضل تعليم وافضل عيشة وبيرجعنا للتخلف ياريت تحطوا وزير سن صغير ويلف فى محافظات مصر ويعمل زى ندوات يجمع فيها الطلاب من جميع المراحل التعليمية ويستشير الطلاب دول مش عيب يعنى واكيد فى طلاب عندهم اراء وافكار حلوة نجربها او نعمل تخطيط ليها وننفز دا حتى الشورة بركة الرسول عليه الصلاة والسلام كان يتشير الصغار والشباب والشيوخ ،، فى طلاب بتوصل لكليات بالفلوس والرشوة وظلم فى الكنترول وحتى الطالب اللى بيوصل بمستواه الى حد ما برضه تساله بياخد دروس بره ودروس برضه فى البيت مدرسسن تانيين عشان يوصل يعنى الاهل لازم تصرف جامد دا غير المصاريف التانية تخيل بقى طالب مثلا مش معاه ومش عارف ياخد الدروس دى ومش مستفاد اصلا من المدرسة دا بقى يضيع صح ،، عارفة اتكلمت كتير اوى وجوايا كلام وتفكير اكتر ،، ومش عارفة انهى كلامى

  2. واللة لو فية نية بجد يبقى ترجع تربية وتعليم بجد يعنى توجد قوانين لضبط سلوك التلاميذ اللى بتيجى المدرسة لتضييع الوقت وافشال التعلىم على زملائهم اللى جيين يتعلموا بيحرموهم من الافادة بالشغب داخل المدرسة والفصول وبيضعوا وقت زملائهم فى مشاكسة داخل المدرسة والفصل وتضيع اى محاولة للاصلاح وبتضيع اموال على البلد تنفق على التعليم والعجيب ان الوزارة والدولة مدياهم السلاح دا المدرس مصتقصدنى على شان ما باخذش عندة درس والدولة الفاشلة لا تجد وسيلة الا مزيد من اصدار قررات لادانة المعلم والضغط علية والتلاميذ تحول الفصول سويقة ولاحد يحاسبهم اصدر قررات تعيد تهذيب التلاميذ الللى بتضييع وقت المدرسة اولا وبعد كدة شوف المناهج والمقصر والكثافة سهلة مش كدة ىاريت نعرف ان ما فيش فايد من تغيير مناهج ولا تقليل كثافةاذا كان المستفيد هو اللى بخرب ويفشل التعلىم واستفادة زملائةهؤلاء هما سبب فشل التعليم لا المدرسين ولاالوزارة نما اللى بيمكن التلاميذ الغير سوية من ان يفعل ما يريد دون محاسبة وشكرا

  3. ههههههههههههههه ياعم روح ربى المدرسين وابقي تعالى اتكلم وبرضو التعليم فى مصر اسوء تعليم
    والمدرسين الى انت بتكلم عليهم فى المدرسة اول لما بيخشو فى اول السنة بيقولو الى مش هياخد معانا درس هننزلو فى اعمل السنة احكم مدرسينك يا كبير الاول بدل ما تحكمنا انت انت ماسك فى اخر حاجة وسايب الاساس

  4. اما يبقى اى حد عاوز يبنى اى بناء بيبنيه من الدور الاخير على طول ولا بيبنى الاساس الاول
    اهو هو دا بالظبط االى الوزير عمله بيبنى من الدور الاخير يا عم مش اما تحط الاساسات الاول
    لافى مدرسين عدلين بيشرحو عشان تعملو محاضرات من الاسا انا مدرس العلوم اللى كان بيدينى
    علوم فى اعدادى لاقيته هو اللى جاى يدينى احياء فى ثانوى ومفيش فى المدرسة كلها الا مدرسين احياء
    كانو اساس مدرسين علوم فى اعدادىوحتة بقا انكوتعملو عشر درجات حضور وغياب و1000 جنيه 2,نص بنضيع قصادهم 97عشلان كده يا ريت تطورو المدارس ونظم التعليم الاول
    مش تيجو تجربو فينا وتضيعو مستقبلنا ايوة الدرس بيبقى ساعة بس بنستفيد اكتر من المدرسة

  5. الوزير عاوز يشغل المدرسين على حسابنا فى المدارس لكن مش مهم عنده الطالب متمرمط وتعبان وانه مش بيستفاد حاجة اصلا من المدرسة غير انها تضييع وقت ع الفاضى ومفهاش مدرس بيشرح بضمير

  6. بقولك ايه رحمنا بقا كرهتنا فى التعليم يا شيخ مش كفايه القرار المقرف الى انت نزلته ونظام المحضرات والهبل الى انت بتخترعه دا اديت الفرصه للمدرسين يتحكموا فى الطالب بتكرهونا فى المدرسه زياده وعموما قرارك دا على نفسك

  7. حرام عليك اللى بتعملو فينا ده احنا ما هنصدق نلاقى وقت نذاكر فيه
    #اقالة وزير التربيه والتعليم

  8. وزير التعليم بينام وبحلم ان التعليم فمصر احسن تعليم واحسن مدرسين واحسن مدارس ههههههههههههه اتغطى كويس وانت نايم ولما تصحى ابقى استعيز من الشيطان

  9. الوزير اللى بيعدل المناهج بدل ما يطوره جيبلنا فى الكمية حاجة اديلها 15 سنة وبيرجعنا للخلف هو ده التعديل والتطور علشان ياخدوا فلوس ما بقت كوسة واعادة قيد 1000 جنيه علشان يخدوا فلوس منكم لله

  10. قرار فاشل والعكس صحيح المدارس هتبوظ اكتر حرام عيك وبرده هانخد دروس حسبى الله ونعم الوكيل منكم لله لما نروح المدرسة ونرجع نريح وممكن لا ونروح الدرس الخصوصى ده اكيد فين الوقت نذاكر فين الوقت نحل اللى اخدناه دا اذا ذاكرنا حسبى الله ونعم الوكيل فيكم

  11. ههههههههههههههههههههههههههه ضحكتنى واللهى …. واللهى مهما تعملوا عمر المدارس والطلاب عمرهم ما هيغيروا فكرتهم عن المدرسه اللى بتضرب و فيها مدرسين اعتمادهم ع الدروس بس

  12. انتي ازاي مش قادر تفهم انك مخلي 30% اسئله من برا المنهج اذا كان انتم اصلا بتجيبوا الامتحان داير ولفاف والطلاب مبتعرفش تحله ما بالك الاسئله العامه انت وزير فاشل ومنظومه فاشله انتو بتحشواا المناهج والتعليم بايظ والطالب مس متاسس اصلا الدروس دي لان المعلم معندوش القدره الكافيه الا يقدر يقدمها لطالب انت لازم تمشي وخلي عندك دم او شيل قررارتك دي وحط قرراات معقوله دا مش تعليم الطالب بيخش ادبي وعلمي وبيحفظ بردووا بيكون داخل جامعه حافظ مش فاهم ولما بيخش الجامعه كذلك ويتخرج والبلد تبوظ من قله الفهم احنا مش عايزين نتعلم احنا عايزين نفهم صح ياريت لو بتشوفوا التعليقات تعملمواا بيها بقي

  13. انتو كل اما تتكلموا تقولوا خاصة الثانوى ام تبقوا توفرا مدرسين فى الثانوى ابقوا امنعوا الدروس يا ظلمة

  14. مش اما يبقو يوفروا المدرسين فى المدارس يبقو يمنعو الدروس احنا عندنا M.R بيدخل الفصل وهو واضع سماعة المحمول وبيمدغ البان او يأكل لب وينقل من الكتاب على الصبورة ويقول انقلوا ويسترخى على الدسك طول الحصة

  15. اعتقد دة مش كفاية لازم يتم الضبط علي المدرس اللي بيعطى دروس ويقدم للمحاكمة ويفصل من عملة ويحل مكانة مدرس من الخريجين . لأن لو مفيش حل جذري يعنى مفيش حل .المدرس حاليا يمتلك أحدث سياسة وأحدث شقة سكنية وأحدث فيلا علي الساحل وكمان بيدخل ولادة الجامعة الأمريكية دة طبعا لان المدرسين بياخد من الشعب 18 مليار جنية سنويا من الدروس. لازم حل جذري من الحكومة

  16. اعتقد دة مش كفاية لازم يتم الضبط علي المدرس اللي بيعطى دروس ويقدم للمحاكمة ويفصل من عملة ويحل مكانة مدرس من الخريجين . لأن لو مفيش حل جذري يعنى مفيش حل .المدرس حاليا يمتلك أحدث سياسة وأحدث شقة سكنية وأحدث فيلا علي الساحل وكمان بيدخل ولادة الجامعة الأمريكية دة طبعا لان المدرسين بياخد من الشعب 18 مليار جنية سنويا من الدروس. لازم حل جذري من الحكومة

  17. فين المدرس اللى عنده ضمير مبقاش في ضمير المهم ازى يستفزو الأهالى ازى كلو من تحت لتحت

  18. وزاره فاشله انتا بدل ما حكلتها عميتها انتا كده قللت وقت المذاكره عند الطالب و خليت المدرس يتاحكم فيه ربنا يخدكم كلمكم كتكم القرف وزاره فشله >_<

  19. تعليم فاشل وقرارات فاشلة من زما ن مش الوقتى بس وياريت الوزير دة يرحل ويتفير علشان مش نا فصاة اللى سمح بالغش للطلبة الفاشلين

  20. مش قادر تعترف ان سبب الدروس الخصوصية هو تكدس المناهج
    ارحمنا وعيش معانا على الكرة الارضية وخفف المناهج العقيمة دى
    #تمرد_على_المناهج_التعليمية

  21. وزير التربيه و التعليم محتاج بجد يتكلم بواقعيه شويه مدرسه زي اللي كنت فيها بجد مفيهاش مدرس كويس خالص بيقي ازاي استغني عن الدروس و الدروس عمرها ما هتخلص اصلا نتكلم بواقعيه بقي شويه

  22. بس هبل كده انت سهلت الثانويه يعنى انت كده خليت امدرس يتحكم اكتر فى الطالب محدش اشتكى ونبى وفر قراراتك دى لنفسك وبطلو تجربوا فينا اختراعتكم وزارة فاشله

  23. هى فين المدارس دى ده المدرسه بتعتى من غير حمام ومكتب المدير من خشب الدسك ومفيش مدرس للحاسب الالى

  24. الدروس مش بتتلغى صالح من مناهجك الاول خف الحشوه الا فيها الا ملهوش اى لازمه غير عقد الاولاد علشان ميبقاش فى فرصه لدروس

  25. تعليم ايه اللى هيتعدل بقالكم كام سنه بتقولو هنعدل التعليم طيب لما تبقوا تعدله ابقى ادوا كل طالب حقة مش يتظلم ف الامتحانات وضيعوا تعبنا وحلمنا علشان خاطر ظلمكم حسبى الله ونعم الوكيل

  26. يعني أنا واحده ف 3 ثانوي .. أروح المدرسه اللي مهما عملتوا مش هستفاد منها ! و لا أقعد ف بيتنا أذاكر !

    طب سهلوا المناهج طب الأول و أبقوا أعملوا اللي أنتوا عايزينوا -_-
    ‏#لقد_هارمنا ، #أرحمونا

  27. هو مفيش غير المدرس اللي الكل عامله شماعه يعلق عليهاخيبة التعليم في مصر انا راي لوعايزين تعليم حقيقي رجعوا للمعلم هيبته المسلوبه منه

أضف تعليقاً

لن يتم نشر عنوان بريدك الإلكتروني.