مؤشرات نتيجة تنسيق المرحلة الاولي 2015
تنسيق الثانوية العامة 2015

يعلن مكتب التنسيق نتيجة تنسيق المرحلة الاولى الأحد وننقل لكم مؤشرات نتيجة تنسيق المرحلة الأولي 2015 والمنتظر إعلانها رسميا يوم الأحد الثاني من أغسطس وذلك بعد إغلاق باب التسجيل فى المرحلة الأولي، وتقديم حوالي 110 ألف طالب من شعب علمي رياضة وعلوم وأدبي رغباتهم على موقع تنسيق الجامعات لتبقي مرحلة واحدة وهي إعلان نتيجة تنسيق المرحلة الأولي بشكل رسمي من قبل المجلس الأعلي للجامعات .

مؤشرات نتيجة تنسيق المرحلة الأولي 2015 .

تشير المؤشرات الأولية لنتيجة تنسيق المرحلة الأولي إلي إرتفاع الحد الأدني لكليات الطب وقد يصل إلي 98% بينما قد يصل الحد الأدني لكليات طب الأسنان إلي 97,5% وقد يصل الحد الأدني لكليات الصيدلة إلي 97%، ويعود الإرتفاع الكبير فى المؤشرات المحتملة لنتيجة تنسيق المرحلة الأولي إلي إرتفاع الحد الأدني للمرحلة الأولي والذي وصل إلي 96,7%، بينما ستكون المؤشرات مطمئنة نوعا ما لطلاب علمي رياضة وقد يصل الحد الأدني لكليات الهندسة 93% بينما سيصل الحد الأدني لكليات الحاسبات والمعلومات إلي 92% .

وبخصوص الحد الأدني لشعبة الأدبي فإن الوضع مطمئن للغاية خاصة وأن الحد الأدني لشعبة الأدبي منخفضة للغاية وهو مايعني أن كليات الإقتصاد والعلوم السياسية وكليات الإعلام والتربية سيكون التنسيق فيها منخفض بشكل كبير .

تابعنا على المواقع الاجتماعية ليصلك الجديد أولا بأول

التعليقات

  1. انا فعلا حزينة على بنتى اجتهدت وتعبت وكان الغش علنى بالبلوتوث وذهبت لأمن المدرسة وعرفت بالناس اللى بتغشش أولادها وقالى دى مش مسؤوليتنا إذهبى لإدارة التعليم وكان الغش أمام الجميع فى مدرسة عبد العزيز على بالزقازيق وكانت النتيجة المؤسفة الفشلة هما اللى جابوا مجاميع فوق 98 فى المية واولادنا اتظلموا بهذة المأساة دول مراقبين ومصححيين ظلمة حتى وزيرهم أكبر ظالم وكان دائما يقول ث ع بدون دموع جتك وكسةياموكوس روح شوف الغش على حق لكن ربنا أن شاء الله مش هيكسب الغشاشين وان شاء الله هايفشلوا فى الجامعات اللى دخلوها واحنا منتظرين التظلمات ونتائجها ونرفع صوتنا للقضاء أن شاء الله وفينك يارءيس الوزراء على تعيينك لمثل هذا الوزير والتلاعب فى الكنترول ورئيس الكنترول اللى باقالوا أكثر من عشرين سنة فى هذا المنصب وعارف طرق التلاعب فى الأوراق للمحسوبيين وفى الأول والآخر حسبى الله ونعم الوكيل فى كل ظالم د

  2. الحمد لله انا كنت جايبة السنة إلى فاتت 96.3ودخلت صيدلة بس اتوقع ان التنسيق السنة دى هيبقى عالى بس أتمنى أن كل واحد ياخد نصيبة ومحدش يزعل من إلى ربنا كتبهولنا .انت تريد وانا أريد والله يفعل ما يريد.ونتاكد دايما أن إلى ربنا كتبهولنا دة الخير واحنا مش هنعرف دة دلوقتي .ويارب نتيجة التنسيق متكنشى عالية اوى. ويارب كل واحد ياخد إلى كان بيتمناه. ولنعش ف الدنيا مهما كان فيها ما يحزننا

  3. الحمد لله انا كنت جايبة السنة إلى فاتت 96.3ودخلت صيدلة. ربنا معاكو السنة دى اتوقع التنسيق هيبقى عالى اوى.بس كل واحد بياخد نصيبة ف الاخر ومحدش عارف الخير فين

  4. السنة دى كان الغش فيها كتير اوى يعنى المجاميع دى كلها منين طلاب مصر مش اذكياء للدرجاتى والى مغشش اتظلم حسبى الله ونعم الوكيل فى الى غش والى جاب مجموع مش من مجهودوا وفى وزير التربية والتعليم ربنا مش هيسيب حق حد

  5. المراقب: ممنوع الغش وبفكركم بحديث الرسول ” من غشنا فليس منا” الطالب : متعرفش إن الغش فى البن والتمر ولا إيه ………….. واضح إنك قديم قوى

  6. ان الله لا يضيع اجر من احسن عملا وعمر مافى غش يخلى طالب يجيب مجموع اه ممكن الغش ييرفع الشاطر شوية بس

    1. بسم الله الرحمن الرحيم
      لكن حتى لو الغش رفع الشاطر شويه فهو هيدخل كلية مش من حقه وهيتخرج ويشتغل شغلانه مش من حقه وهياخد مرتب مش من حقه وسعتها هيبقى اكله وحياته كلها حرام

    2. اي طالب غش يعرف نفسه إن وهو في الكلية لهيعرف يذاكر ولاهيعرف ينجح لان انا في الجامعة ومعاية طلبه غشوا في الثانوية وعملين يسقطوا وفي الآخر طلعو ا وسابوا التعليم يعني ايه طالب غش و جاب 100% يعني طالب فاشل

  7. المتحانات كانت سهله و الغش زى كل سنه بس الامتحانات كانت سهله لدرجه المجاميع العاليه دى

  8. لا والله أقسم بالله العظيم انا ماغشيت ولا حتى كت بغشش حتى فى امتحان الاقتصاد وربنا أعلى وأعلم

  9. هى السنة دى سنة العباقره ولا ايه لما يكون الهرم مقلوب فى المجاميع (يبقى ده هبل مش ثانوية عامية)

  10. مش كل المحافظات كان فيها غش ولا كل اللجان انا اخويا في محافظه الشرقيه بيقول اللجان كانت شديده جدا ومفيش حد بيبص جنبه حتي

  11. كان يتعين علي الفاشل وزير التعليم الغاء امتحانات الثانويه هذا العام منذ اليوم الأول، أيه امتحانات تلك التي كانت تسرب باجاباتها النموذجيه علي مواقع التواصل الاجتماعي بعد مالا يزيد عن عشر دقائق من بدء كل امتحان. اذا كان الوزير فاشلا، أين اذن رئيس الوزراء الذي أختاره بل أين رئيس الجمهوريه الذي وافق علي اختيار الاثنين. ألم ينم الي علم كل هؤلاء تلك المهزله اليوميه التي كانت تحدث بشكل منتظم طيله أيام الامتحانات بما لم يدع تكافؤ الفرص بين جميع الطلاب. هل نثق بعد ذلك في أيه نتيجه حصل عليها الطلبه. سمع الجميع بطالبه أسيوط الحاصله علي درجه صفر (!!!) شيئ مضجك، لو أن هذه الطالبه نقلت الي كراسه الاجابه فقط رأس سؤال لحصلت علي درجه أعلي من هذا الصفر. واقع الأمر وهو ما تظلمت منه الطالبه أن الأوراق التي عرضت عليها ليست أوراق اجاباتها وأن ما حدث في الغالب أن حدث تلاعب في أوراق اجاباتها الأصليه ووضع مكانها أوراق طال أو طالبه أخري. هذا الأمر لو ثبت صحته يجدر بالسيدين وزير التعليم ورئيس الوزراء تقديم استقالتيهما ولن أكون مجاوزا اذا قلت أيضا رئيس الجمهوريه.

  12. عمري مشفت كمية تسريبات وغش الا في السنة دي وفي ناس استفا دت منها جداااا حسبي الله ونعم الوكيل

  13. بدل مانتوا قاعدين تعيطوا وتولولو ا بكلام فارغ عن غش وموش غش خليكوا واقعيين وفكروا بجد شوية
    لابد من زيادة عدد المقلولين بكل كليية لنفس نسبة زيادة عدد الطلاب عن السنة الماضية حتى يتحقق العدل

  14. والله ياجماعه الغش كان بالامر من قبل المراقب لصالح بعض الفاشلين . وعن التصحيح الظلم فادح والكل شاف حسبي الله وكفي

    1. ولما انتى جايبة 405 عمالة ترغى ليه وانتى عارفة اصلا انك هتدخلى طب ولا انتى لازم تعقديلنا فى ام عيشتنا يعنى. راعوا شعور الاخرين

    1. أولا كما أوضحنا هى مجرد مؤشرات وبالتأكيد قد تحتمل الصحة أو الخطأ وهى مبنية على أسس كثيرة وفى كل الأحوال نتمنى ان شاء الله لجميع طلاب الثانوية العامة أن تكون نتيجة تنسيق المرحلة الأولي مرضية للجميع ان شاء الله

  15. ابنتى حصلت على96.6حرام تتظلم مع وجود كم الغش من البنين والوزير الهمام يقول مفيش غش السنة دى صحيح !!!! ياجماعه اختفوا بقى هو احنا أزمته نعرف اننا بنغلط ونعترف حسبنا الله ونعم الوكيل&

اترك تعليقاً

لن يتم نشر عنوان بريدك الإلكتروني.