11 فعل محظور على الموظف الحكومي في قانون الخدمة المدنية الجديد
قانون الخدمة المدنية الجديد

وافق مجلس الوزراء منذ أيام قليلة على اللائحة التنفيذية لقانون الخدمة المدنية الجديد والذي سيتم العمل به قريبا على الموظفين في الجهاز الإداري في مصر، وقد تضمنت اللائحة عدد من التحذيرات والتي يجب على الموظف الابتعاد عنها حتى لا يتعرض لاي مشكلة في عمله.

1- مخالفة قوانين وقواعد العمل داخل المؤسسة التي يعمل بها الموظف.
2- القيام بأعمال تتنافي مع الحيدة أثناء وقت العمل الرسمي.
3- إفشاء أسرار المؤسسة التي يعمل فيها الموظف أو إفشاء معلومات سرية بدون أذن كتابي من رئيس العمل، وهذا الأمر مستمر حتى بعد نهاية الخدمة.
4- الاحتفاظ بالمستندات والوثائق وعدم حفظها في الملفات المخصصة لها في المؤسسة التي يعمل فيها.
5- إعطاء أي تصريح الى وسائل الاعلام بدون أذن مباشر من رئيس العمل التابع له.
6- أن يجمع بين عمله الحكومي وعمل أخر يؤدي الى عدم قدرته على أداء مهام وظيفته بشكل جيد.
7- ممارسة أي أعمال حزبية أو سياسية داخل مكان العمل.
8- جمع توقيعات بشكل غير مشروع.
9 – تنظيم أجتماعات داخل محل العمل بدون أذن.
10- معاملة الجماهير بشكل غير جيد.
11- إستغلال النفوذ الوظيفي.

تابعنا على المواقع الاجتماعية ليصلك الجديد أولا بأول

التعليقات

  1. جميع موظفون الحكم المحلي في الطراونة خلو الي عايز يطلع معاش
    وأعطاه جميع الحقوق وبدله ب3هاتلاقي كتير

  2. هذا القانون معاق انت بتربط المرتب بالدرجة وهى الدرجة ماشية صح دا فى ناس بقلهم سنيين على درجة ولم يتعدوها ودا
    مش تقليل فى الكفاءة المرتب الاساسي يكون على سنوات الخدمة مع مرعاة المؤهل الدراسي ومن ثم البدل على الانجاز
    والجهد فى العمل ليس الجهد على الورق فقط
    لكن على ارض الواقع احسن احنا اكتر ناس تظبط الورق بس ونتكلم اتمنى ان يكون عملنا الى الاحسن لكن ربط النرتب بدرجة
    سيجعل الجميع يحرى للترقى بالرشوة وغير ذلك من الوسائل والواسطة وغيرها ……..الخ
    رجاء النظر فى وجهة النظر دى فقط والتعديل بما يناسب دون التعقيد اكثر مما نحن علية وهى سهلة جدا تحويل الشامل الى 80 فى المائة الى اساسي والباقى متغير دون تقيد للدرجة

  3. سعادة الباشا هي فين الوظايف الحكوميه…..ولمين…كلها للعاملين وابنائهم أو إللي بالواسطه اللي طول عمر مصر ماشيه بيه،احنا خريجين وضاع العمر والحمد لله واحنا بندور علي وظيفه وملقيناش….قال قيه يشترط الخبره،وهو كان فين الشغل علشان اجيب الخبره….ويافرحتي حطيت قوانين وضوابط…..هو في مراقب على موظف؟مكنش بقى فيه محسوبيه ومرتشين وتفشى الفساد ف اجهزة ونظام الدوله،بلا قرف كرهتونا ف حالنا وفي بلدنا……عمرها ما حتتصلح

  4. البيه اللى حاطط القانون مش عايش معانا باين عليه البيه ده يقدر يعيش 1200 ومطلوب منه دفع ايجار شقة و كهرباء ومياه ومواصلات ودروس خصوصيةدا لو احنا قضناها عيش حاف مش هيكفى ارحمونا بقى حرام عليكوا انتوا عاوزين منا ايه نسبلكوا البلد ونمشى مشونا لاى بلد تانى تعاملنا كابنيادمين وقول للبيه اللى حط القانون انت مرتبك كام لايمكن يقولك على مرتبه عشان البيه بيتعامل معانا كاننا عبيد ارحمونا بقى عشان ربنا يرحمكم

  5. وماذا عمن يستخدمون التليفونات والفاكسات وغيرها لاغراض خارج العمل
    وماذا عن الافطار الجماعى والصلاة فى ساعات والكلمات المتقاطعه
    وتقطيف الملوخيه وتقطيع الباميه وتقشير الكوسه

  6. فين علاوه قطاع الاعمال ….المفروض ناخد علاوه اجتماعيه مع اضافه علاوه 2010 لاننا لا ينطبق علينا القانون الجديد فاين المساواه

  7. كلها حاجات عايمة تخلي الموظف ياخد بالجزمة وهو ساكت ….عدم الحيدة سوء معاملة الجماهير ….عدم حفظ المستندات ف ملفات …ثم عمل خارجي يؤثر علي أدائك ….البلد دي رايحة في ستين داهية

  8. اول هام حسبنا الله ونعم الوكيل تاني هام اللي بيصرفه اي وزير علي بواب العمارة او السواق او الجنايني يعتبر 10 اضعاف اللي بيحصل عليه المدرس طول السنة ده الواحد نفسه يشتغل 4 شغلا نات علشان يكفي بيته ومش عارف يتجوز تاني الله يخرب بيت الفقر ويخرب بيت النحس

  9. وليه سيادتك عملت الرقابة الادارية ملهاش لزمة بقى بناقصها ولادى لرجال الأعمال والمستثمرين ” يعنى الموظف المضطهد من رئيسة يحط جزمة فى بقه ويسكت ” دى معنى القرارات ” دى قرارات باطلة باطلة باطلة

  10. أرجو من سيادة رئيس الوزراء مراجعة هذة القرارات التى تعطى للفاسد حقوق أكتر من حقوقة , يعنى لو الموظف مشكلتة مع رئيسة فى العمل ” فيه رؤساء فى العمل كتير فاسدين وبيعاملو الموظف الكفأ والمحترم بتعسف واضطهاد لانه يعتبر كاشف للفساد بالنسبة ليه ” ياترى سيادتك بقى تقدر تقولى الموظف هيروح يقول لرئيسة اعملى اذن علشان أشتكيك واعملى اذن علشان أبلغ وسائل الاعلام ” سيادة رئيس الوزراء أنا كلى احترام وثقة لسيادتك أرجو عدم ضياع الثقة دى وسحبها تماما “وشكرا

  11. مطلوب ان نكون عمى نرى الفساد ولانتكلم عنه والا يكزن افشاء سر خرس لانشير الى ان هذا خطا او فساد او غش اة تدليس فليس من حقنا الابلاغ عن هذه المخالفات حتى لو كانت تضر بالامن القومى والصالح العام وان نكون طرش لانسمع ونبتعد عن بعضنا حتى لانسمع بعضنا ولا ننتقد السياسات والتعليمات والتوجيهات والتوجهات والمؤامرات على هذا البلد معلش البلد دى مش بلدنا دى بلد الصفوه العمد واحنا الغفر الى بنحرسها ونخدمهم ويركبونا

  12. قوانين ولوائح عقيمة وسحيفة تنم عن سخافة من وضعوها …. كبف تمنع موظف حكومي مرتبه لا يكفي لمصاريف طالب واحد بالجامعة من العمل الاضافي ….. اذا تم ذلك فستكون الغالبية العظمى من موظفي الحكومة من المتسولين امام المساجد وفي الاسواق …. يجب ان يكون اقل مرتب لاي موظف حكومي لا يقل عن 5000 جنيه حتى يتفرغ لعمله فقط. …. يا ريت تشوفو دولة اجنبية محترمة تضع لكم القوانين بدلا من العقول المتفحمة التي تخرج منها تلك الافكار العقيمة!!!!!!!!!!!!!!!!

  13. سيادتك أعطيت السيادة والأمر الى رئيس العمل . العمل ايه لو كانت مشكلة الموظف تعسف واضطهاد فى العمل من رئيسة ومخالفة رئيسة للوائح والقانون . بالتالى بقى يستأذنة انه يشتكية ويستأذنة انه يبلغ وسائل الاعلام . هذة بنود غير صالحة سيادة رئيس الوزراء بعد احترامى الشديد أرجو مراجعتها

  14. طب ياربت تزودو مرتب الموظف على الاقل ٥٠٠٠ ،جنيه وهو ميشتغلش شغل نانى هو محبب ما عليه

  15. ربنا اقر لنا مبدأ الثواب والعقاب دائما عقاب فين الثواب للمتميزين تصدق المتميز فقد تميزه لانه لا شاف ثواب ولاهيشوف ثواب

  16. حتي الان هناك الكثير ممن يتقاضون اقل من 600جنيه ف الشهر!! وتحذره من العمل الاضافي لكي يستطيع العيش؟؟
    انتم اكبر مشكلة حقيقيه بتواحهها مصر

    1. كلامك صحيح زي اخصاءيين الامن بجامعه المنيا يتقاضون (400)اربعماءه جنيه فقط واسالوا رءيس الجامعه

  17. المدون11 تحذير أعتقد مفيش جديد ده كان مفهوم من النظام السابق، انما البند(6) بخصوص الجمع بين عملين فى قرااْتى للنص لم يحظر قيامه بعمل آخر حيث وضح “يؤدى الى عدم قدرته أداءمهام الوظيفة بشكل جيد،مشترط اعاقة الأداء الجيد، طيب وان كان عمله تمام وجيد؟ يبقى مفيش منع. ومع ذلك يجب ربط ذلك يطرق ومعايير حصر الأعمال المكلف بها الموظف خلال الفترة ومراجعة تنفيذها ومدة التنفيذ والتأخير وسببه،أى سرد المعوقات والصعوبات وقد يكون هناك سجل للتكليفات وميعاد استلامها والفترة المتوقعة للانتهاء منها، كذلك بيان الشكاوى من الغير عن تأخر مصالحهم ومدى المجهود المبذول والمبررات أى أن يكون الموظف تحت المنظار الدائم بحيث لايتعطل عمل أو تتراكم مشكلة على أخرى ، تقييم الأداء يعاير بالكمية والمدة ودرجة الصعوبة والنجاح فى ذلك ويرصد فى سجلات خاصة ويقيم شهريا، بهذا الموظف يكون مرتبه حلال وتعالج المشاكل وتندر ،ماتتركوش الموظف حر يقول أنا الحكومة ويتكاسل وغيره ويعمل ما بدى له، وان كان رزقه كما يقولون قليل فهو من الله ورزق المصريين محدود لأن القناعة كنز لايفنى ، واذأ تمرد يتذكر جيدا ان هناك طابور عطالة يتمنى أن يكون له مثل وظبفتك ودخلك القليل يامتمرد ولايستطيع ذلك لشغلك للوطيفة ، اذن ابحث عن دخل أكبر فى حتة ثانية وسيب درجتك لعاطل يتمناها ، بس تكون عن طريق حصر مركزى للعطالة وتصنيفها، وتبرمح الأولوية بالكمبيوتر لادخل للمعيار الشخصى للفرد، ويجب ادخال “تنظيم وطرق الأداء للعمل مع قياس درجة الأداء مماجميعه لتقييم الموطف بالتقرير و تقدمه على غيره كل ذلك من السجلات والكمبيوتر لقياس كفاءته وامكانية ترقيه وشغله مناصب قيادية،وبلاش المعيار الشخصى للرؤساء للمحسوبية والمعرفة وخفة الدم ختى تنشأ طبقة مديرين عادلة كالدول المتقدمة.1/7/2015.

    1. هو ده الاصول اما الكلام اللي فوق مافهوش ولا كلمة عن الانضباط ومتابعة شغله فهو حيشتغل 11 دقيقه في اليوم فقط عشان مفيش حد بيتبعه ويقيمه في العمل وكان يجب يأخذ رأي الشعب والمتعاملين مع الموظف مش تكتب بنود كلها اونطا في اونطا فعلا هذا الكلام الموجود ده لازم الحكومه تأخذ به عشان هو رأي الشعب اهم وشكرا يا استاذ علي هذا الكلام الجميل ولكن هما اصدروا قرارهم وحنفضل كده في دائرة علي طول

    2. اكيد انت مش موظف وخليك عقلاني حبتين وبلاش تبص بعين واحدة وخليك عادل الدولة مش تزود اللي مش محتاج زيادة وتسيب المحتاج تخيل موظف ليه 20 سنة في الخدمة وبيتقاض 1400 جنيه عايش ايجار وكهرباء ومية ومواصلات ومصاريف مدارس دا فضلا عن الاكل والشرب اللي ولع وبعدين الشباب الجديد 90% اصلا بيشتغل شغلانة تانية ولا عايز يشتغل وبيكبر دماغه فهمت اللي فيها ولا نقول تاني

    3. طيب بدل مالمتمرد يسيب وظيفته لشخص عاطل ويدور علي دخل افضل طيب ما الدخل الافضل يروحله العاطل والا هي وظيفه علشان انام فيها واخد مرتب وازوغ واقول علي قد فلوسهم وخلاص
      وبعدين ممكن نزود الموظف علشان يعيش حياه كريمه وما يدورشي علي عمل اافي

  18. والدكتور والمحامى والمهندس مابيشتغلوا . دى غير زعيم الرابطه سيادة الباشا المدرس . ولااحنا نيحى على الغلبان ونقول كخه ونولع النار…

    1. على فكرة الدو لة مش شايفة غير المدرس انت تعرف مدرس على الدرجة الاولى يعني له 20 سنة في الخدمة
      بيقبض كام وتعرف انه باشا ولا مظلوم حسبي الله ونعم الوكيل وربنا ينصف مدرسي مصر

  19. واللة انا لو الامر بيدى لاختار مكاتب اجنبية لعمل القوانين المصرية العقيمة تنادون بقوانين جديدة وتركتم القوانين العقيمة التى مرت عليها دهور وازمان والشعب يعانى وقبل ان نطبق قوانين طبقوا العدل والضمير والحق والمساواة طبقوا العدل للضعفاء والمساكين والمطحونين ابناء الشعب المصرى نسيج واحد شعب مطحون انقذوا هذا الشعب انقذوا الاجيال القادمة من الانهيار الغلاء الفاحش المرض المنتشر العلاج الصعب المستشفيات مليئة بالمرضى ولايوجد من ينقذهم بعد اللة افتحوا مستشفيات القوات المسلحة لعلاج من لم يجدون مستشفيات لعلاجهم اوقفوا نزيف الغلاء الفاحش ثبتوا الاسعار بدلا ان زيادة الاجور والمرتبات لاتزيدو فى المرتبات والاجور ولكن اجعلو الاسعار ثابتة

أضف تعليقاً

لن يتم نشر عنوان بريدك الإلكتروني.