الكبده من الاكلات اللذيذه والمحببه والتى تتنوع طرق اعدادها وتناولها وطرق تقديمها ، فالبعض ياكلها سندوتشات والاخر ياكلها مع المكرونه واخر ياكلها مع الارز ، واليوم نقدمها لكم فى صينيه وبطريقة جديدة بنكهه الشواء لتججدوا موائدكم واكلاتكم وتغيروا من روتين الحياة ولو باكله بسيطه .
المقادير:.
**نصف كيلو كبدة مقطعه ترانشات
**بصلة كبيرة مقطعه ترنشات او بصلتين متوسطتين
** فلفل رومى كبير مقطع ترنشات
**ملح فلفل كمون بابريكا بهارات عصير ليمونة ( فيه 7 حبات دول بيبقو 7 انواع من البهارت مطحونه ومحطوطة مع بعض عند العطار )
** عدد 2 قرن فلفل حار
**عدد 2 فص ثوم مقطع
**قطعة فحم وسمن
** زيت
الخطوات :.
قومى بتتبيل الكبدة بالملح و الفلفل و الكمون و البهارات و البابريكا و عصير ليمونة واى بهارات تحبيها وسبيها ساعتين بالتلاجة وممكن اكتىر وبعدين نرص الكبدة فى صينية و فوقها شرائح البصل و الفلفل و الثوم وشوية زيت ونغطى الصينية بورق الفويل و نحطها فى الفرن على نار هادية ولما تستوى نسخن فخمة عالنار لحد ماتستوى ونحط الفحمة فى فنجان فيه سمنه او ممكن ورقة فويل ونحط الفنجان وسط الصينيه ونغطى تانى بالفويل ونسيبها ربع ساعه لحد ماتاخد نكهة الشوى وبالهنا والشفا .
ملحوظة بالنسبة للفحمة كوني مولعه فاحمه عالنار وتجيبي كاس او فويل وتحطي الفحمه وعليها سمنه وتغطيها لحد ما حتطفي لوحدها تقريب 10 دقايق وبالشفا.
