بالأرقام والصور.. تعرف على علاوات موظفي الحكومة 2015 “5 علاوات للموظفين في أول يوليو”
علاوات الحكومة 2015

في خبر سار لجميع العاملين بالدولة، أعلنت اليوم وزارة التخطيط عن بدء تنفيذ والعمل بقانون الخدمة المدنية رقم 18 لسنة 2015، بدء من أول يوليو المقبل بأذن الله تعالى.

هذا وأعلن مستشار وزير التخطيط للتطوير المؤسسي، الدكتور طارق الحصري، أن جدول الأجور الجديد سيطبق على نحو 6.42 مليون موظف بالجهاز الإداري للدولة، أن مخصصات الأجر الأساسي سترتفع إلى 100 مليار جنيه من إجمالي المخصصات المالية للأجور والرواتب، وهذا يعنى زيادة أجر حديثي التعين، لحوالي 300 جنيه.

علاوات موظفي الحكومة 2015

بينما أكد على أن هناك 5 علاوات للموظفين بالدولة بدء من أول يوليو القادم بأذن الله تعالى، و إن العلاوة الدورية المقدرة بنحو 5% من الأجر الأساسي ليست العلاوة الوحيدة، فمثلا سيصرف الموظف عدة علاوات أخرى سيتم صرفها تباعاً من الأجر الوظيفي ، منها:

-علاوة الترقية بنسبة 5.2% من الأجر الوظيفي الأساسي.

-العلاوة التشجيعية “علاوة تميز” بنسبة 5.2% من الأجر الوظيفي الأساسي.

-علاوة الحصول على مؤهل أعلى أثناء الخدمة بنسبة 5.2% من الأجر الوظيفي الأساسي.

-علاوة الموظف ذات الكفاءة العملية العالية بنسبة 5.2% من الأجر الوظيفي الأساسي. وهذا سيتم اختياره ضمن 10% من موظفي الجهة التي يعمل بها.

111

22

33

تابعنا على المواقع الاجتماعية ليصلك الجديد أولا بأول

التعليقات

  1. نفسي نحمد ربنا ولو لمرة واحدة ممكن ناخد آلاف ونصرفها على الأمراض وناخد قروش ويبارك فيها الله نصبر لحد مانشوف المرتبات وبعدها نحمد الله برضه

  2. اين اصحاب المعاشات من هذه الزيادات علما بان اعبائهم اكثر من الموظفين لبلوغهم سن المعاش و معه امراض تقدم السن و علما بان التامين الصحى لا فائده منه و اصحاب المعاشات يحتاجون الى ركوب مواصلات مريحه لعدم قدرتهم على ركوب اتوبيسات اصحاب المعاشات لديهم اولاد اما فى سن تعليم عالى او فى سن زواج للفتايات و كثير من المعاناه لا يتسع المجال لذكرها لكن هناك ملايين الصرخات من اصحاب المعاشات عسى ان تصل لرئيس الجمهوريه و المسؤلين الذين يتعمدون تجالهم مثل خيل الحكومه فاذا كان كذلك فلابد من اطلاق رصاصة الرحمه على جبهات اصحاب المعاشات

    1. فيييييييين. حق المعاشات في هذه الزيادات حرام عليكم رعوهم شويه عندنا أولاد ومصاريف مثل الموظفين. وأكثر. كمان. رعونا أرجوكم وصلو صوتنا. جزاكم الله خيرا

  3. نداء الى اصحاب المعاشات : – لاتغرنكم الحياة الدنيا فالجنة فىانتظاركم والحور العين مشتاقة اليكم !! وانهار العسل واللبن والقطوف الدانية تناديكم – ماذا تريدون من الحكومة ؟ !! كام جنيه زيادة ؟!! – الا يرضيكم ( لقاء المهيمن فوق عرش # ويلقاه الورى مترجلينا ) قوموا الى صلاتكم يرحمكم الله – كل اللى انا خايف منه … اننى اروح هناك الاقى الحكومة فى انتظارى !!!

  4. هى العلاوة لجميع العاملى ب الدولة ولا للمتعينين على درجة بس برجاء الرد
    واية مصير الى على الباب الاول والى متعاقدين

  5. فى القانون القديم كنت فى شهر يوليو القادم دخلى هيذيد 200جنيه شهريا فى القانون الجديد موقفنا إيه

  6. هل نسيتو اصحاب المعاشات ولا هما انتها درهم في البلد ومش لازم يعيشو المساواه في الظلم عدل ولا تنسو قول الله تعاله كلكم راعي وكل راعي مسؤل عن رعيته اتقو الله في يوم لاينفع فيه مالا ولابنون الا من اتا الله بقلبا سليم

  7. نقول الحمد لله على اى شى من عند الله علشان اللة مطلع وعالم باحوال الناس والرزق من عند الله مش من العبد يبقى كله على رب العباد

  8. فى ناس بتقبض من الدولة مرتبت بمئات الآلاف وناس بتقبض ملاين واكترمن كد بكتير وناس بتاخد ملاليم الناس ال بتاخد مرتبات فوق بتشترىالحمه مثلااغلا من الناس ال بتقبض ملاليم فين العدل حسبى اللة ونعم الوكيل في الظالمين

  9. ربنا يخرب بيتكم ذي منتم نسين اصحاب المعاشات اصل كل واحد فيكم لما يطلع المعاش حياخد هبر ومعاشه يتحط في اكياس مخدات الله المنتقم من الظالم

  10. يعني هاقبض زيادة كام علشان اشوفها عند ماكينة الصرافة بس ياريت ميكونشي في خصم

  11. مش كفاية الي خصمتوه من المرتب بحجة الضرايب وهو المرتب مكفي الكهربا والميه والتيليفون والدروس الخصوصية بسوتضحكو علينا وتقولو زيادة المرتب بكذا وكذا ومفيش زيادة والامر انه في خصم بنسبة 10\100 ضرايب ياجكومة بطلو كدب

  12. اصحاب المعاشات ملهمش جدول عﻻوات ا رحموا من في اﻻرض يزحمكم من في السماء رغم كل زلك نحب مصر ربنا يجميها

  13. ياناس انتو لسه عايشين فى الوهم احنا لسه عايشين فى ايام مبارك بل اسوأ مصر عايزه عشرين ثوره عشان تمسكها حكومه تحس بالغلبان يعنى اللى بيحط الزياده مش عارف انها من المستحيل انها تتناسب مع متطلبات الحياه يعنى يزود 50 جنيه مثلا على المرتب ويحط زياده على السلع عايزه منك 500 جنيه والله احنا شعب عايز ضربه بالنار عشان ساكت ومفيش دوله فى العالم بتعامل موظفيها بالظلم زى دولة مصر وبيقولك عشان مصر ياسيدى مصر على راسى وجيشها على راسى لكن عايز اعيش باحترام زى بقية الدول اللى معندهاش ربع مصادر دخلنا المسروقه من الكبار وحسبنا الله ونعم الوكيل

  14. أولاً هذا القانون ساوى بين الموظف اللى بقاله 30 سنه خدمة واللى منعيين جديد فى المرتب الأساسى ولا عزاء للأقدمية , ثانياً بالنسبة للإجازات فكل الإجراءات المتخذة فى القانون الجديد غير دستورية ومخالفة لقانون العمل الدولى , ثالثاً الإجازات القديمة حتى الآن لايوجد رد واضح بشأنها , نرجو إتباع الشفافية حتى لا تحدث بلبله يتخذها أصحاب النفوس الضعيفة كذريعة لتشكيك الموظفين فى الحكومة . ولكم جزيل الشكر والتقدبر

  15. والله حرام اللى بيتكتب دة لانه لا ينطبق على الغالبية العظمى من الموظفين منه الا العلاوة الدورية وفى نفس الوقت يهيج السوق والاسعار بدءا من ماسح الاحذية و حتى بائع الياميش والتفاح

  16. كفاكم أستخفافا بعقول الناس ..فالعلاوات الخمس المذكوره موجوده أصلا بالقانون ٤٧ ولم يجد جديد
    أتقوا الله

  17. فين الناس الغلابة الي علي المعاش ولا دول متو ا حتي الي يعدي علية فترة الخمس سنين ويكون مريض او مسافر الي تحسين وضعة يروح علية المعاش علشان تكمل معة وربنا يخلصنا من الظلمة بس بردة هيجي لة يوم ويقع بردة فية علشان بيقولوا دة قرار وزيرالتضامن والمعاشات بطرس غالي وربنا يزيدة غلاء

  18. احنا لا عندنا معاش ولا وظيفه احنا الحمدلله معديش اي دخل من اي جهه خاصه او عام ومع ذلك هنفضل في الضياع مافيش حد بقول البطاله حقيهم ايه

  19. فين حق اصحاب المعاش احنا اربع افراد جوزى مريض بجلطة فى المخ وبياخد معاش 485 جنية نعيش بيهم ازاى
    افتكروا اصحاب المعاش ياسيادة الريس مش عارفين تعيش

  20. اعلى مرتب لاى مؤهل عالى بالحكومة مش ممكن يقرب من معاش مساعد بالقوات المسلحة المصرية معاش المساعد يصل الى 7000 + نهايه قانون 109 تقترب من 250000 الف جنيه ممكن حد يقولى احنا اتعلمنا ليه يالمناسبة الناس ده مدخلتش فى اى حرب او قامت ببناء الاهرمات او حتى فناة السويس كل واحد عتده ابن يدعوا الله ان يوفقوه ويتطوع فى الجيش مش يكون دكتور او مهندس او معلم كفايه علم العلم بيكلف والناتج موظف مرتبه هههههههههههه

  21. ياجماعه الموضوع ده ناقص كتير لان ده القانون بينما هناك مواد مفسرة وهى اللى تحسب كل شئ حتى المعاشات ليها زيادات الدوله مش هاتنسي حد من مواطنيها وعارفه مسئوليتها تجاه مواطنيها بس المساله اللى نشر نشر القانون فقط دون المواد المفسره والقصد هنا ممكن يكون قصد شريف او ممكن يكون خبيث والهدف منه اثارة الراى العام لكن لو تصبروا شويه ياخبر النهارده بفلوس بكرة يبقى ببلاش فلا تستعجلوا

أضف تعليقاً

لن يتم نشر عنوان بريدك الإلكتروني.