بالفيديو: رئيسة مكتب بالشهر العقاري تسب المواطنين
رئيسه مكتب بالشهر العقاري تسب المواطنين

شهدت احدى مكاتب الشهر العقاري بمصر واقعة غريبة من نوعها حيث وجهت موظفة بالشهر العقاري بمكتب مدينة 6 اكتوبر السباب للمواطنين المتزاحمين امام مكتبها قائلة لهم: ” شغل البهائم اللي كل يوم بشوفه ده “.

في واقعة غريبه من امرها سجل أحد المواطنين المتواجدين بمكتب ” الاستاذة مرثا ” وهي رئيسة مكتب الشهر العقاري بـ 6 اكتوبر، سجل لها فيديو وهي تسب المواطنين وتنعتهم بالبهائم وذلك بسبب التدافع وعدم التنظيم وعندما اعترض أحد المواطنين على ما وصفتهم به قالت له: ” ملكش دعوة”، فبادر بالرد عليها: ” انتِ اللي بهيمة ” فردت عليه: “انت اللي بهيم”.

ومن الملحوظ ان عدد من المواطنين بادروا بتهدئة الامور وقاموا بإسكات الشاب وذلك لكي تقوم بإنهاء اورقاهم متجاهلين ما وجهته لهم من سباب.

وقد شهدت مصر الفترة السابقة عدة وقائع من ضمنها واقعة “سيدة المطار” التي تعدت على ضابط، وكذلك “وزير العدل وابن عامل النظافة”، فهل سوف نشهد واقعة ” سيدة الشهر العقاري” التي تسب المواطنين اثناء تأدية عملها؟

تابعنا على المواقع الاجتماعية ليصلك الجديد أولا بأول

التعليقات

  1. اسوأ واوسخ شهر عقارى واوسخ موظفين فيه مره ضربوا واحد واتلموا عليه والراجل جاب شهود للواقعه وبعدين ف الاخر كلفتوا الموضوع مع السماسره اللى بره بعد ما سرقوا ساعته والتوكيل ب ١٥٠ جنيه وجايبين ناس من بره تشتغل على مزاجهم

  2. أسوء مكتب حكومى على مستوى مصر كلها انا بقالى أكثر من شهر مش عارف الغى توكيل اول مرة بسبب احنا مش بنلغى التوكيلات يوم الخميس تانى مرة الsystem واقع بعد كده اصل الموظف مابيجيش بعدها الموظف مش بيجى ومابيخدش شغل اضافى ولو مش عاجبكم اشتكونا ده كان رد فعل السيدة / مدير المكتب وبعض الموظفين الموجودين هناك اهم حاجة عندهم تضييع الوقت وفوت علينا بكرة ان كان عجبك ، علشان الموظفات الهوان يشتغلوا اضافى لحد الساعة 4 وياريتهم بيشتغلوا اصلا 0

  3. ومين قال إن وزير العدل مش عارف دي مصر كلها عارفة أنا من اسكندرية وقابلت نفس الفساد والراجل اللي مسرحينوا بره ده موجود في كل مكان تابع لوزارة العدل من أول المحاكم للشهر العقاري لنيابة المرور … إلخ طول ما في ناس بتحارب إنشار العمل بالكمبيوتر والبرامج الموحدة لوزارات للدولة كلها ! هتلاقي فساد

  4. انا اتعاملت مع الاشكال دي بالرشوه .. حاطين ورقه بره السجل ممنوع التوكيلات .. بس الحقيقه ان العقود هي اللي كانت ممنوعه بس حاطيين الورقه دي ومسرحين واحد بره المكتب اسمه ويليم بياخد 150 جم علي التوكيل الواحد .. اللي مش مصدقني ياخد نفسه ويروح بره المكتب ويشوف الفساد اللي موجود

  5. أنا من الإسماعيلية وبرضه حصلت معايا واقعه كنت ببيع عربيه بالنيابة عن ابنى بتوكيل عام الموظف اتحجج أنه مش مكتوب فى التوكيل البيع للنفس ومكتوب للغير فقط وقالى ها عمل التوكيل واكتب عليه البيع للغير فقط. المشترى بعد ماعملتله التوكيل رجع فى البيعه فلغيت التوكيل وتأتى يوم راح واحد من زمايلى الرجال وحط فى ايده 50جنيه وعمل التوكيل بالبيع عادى خالص وماعترضش على أى حاجه. دا غير المعامله السيءه من بعض الموظفين المتعجرفين جدا. زى مايكونوا فاكرين نفسهم قضاه.

  6. البهيمة اللى زى دى يقعدوها فى زريبة مش مكتب وتذل فى البشر اللى جزمة اى حد فيهم برقبتها هى واللى خلفوها

  7. انا رحت في مرة اعمل توكيل في الشهر العقارى والله العظيم قمة الذل الهانم الموظفة قالتلي استنا برة شوية على بال ما افطر وفضلت رمياني برة حوالي ساعة وعمالة تطلع جبنة و عيش و بعد كدة عملت الشاي و شربت وظبطت دماغها و بعد كل ده مهانش عليها تناديني بعد ماخلصت وفضلت قاعدة ولا كأني واقف منتظرها لغاية ما انا اللي دخلت اسألها و في الاخر اخدت مني الورق وردت عليا وقالتلي ده مش عندي ده في المكتب اللي جنبي والله العظيم كان نفسي اقتلها بس عشان ست كبيرة. واللي عايز يفطر ما يفطر في بيته هما جايين يشتغلو ولا ياكلو. انا في رأيي يربطو الحافز بالإنتاج لان فعلا انا مننفعش غير كدة

  8. انا من 6اكتوبر وعارف هذه الكائنه الغريبه وعارف كل الموظفين هناك وعلي عينك ياتاجر ادفع تخلص مصلحتك والا سيبك من ده كلو شوفو كميه السماسره هناك ادفع لسمسار وهو يدخل يخلص لا هناك مافيا الشهر العقاري في 6 اكتوبر الحي السادس

  9. انتوا متأكدين ياجماعة ان دى واحدة ست بصراحة دى بتفكرنى بالممثلة اللى كانت فى (المنسي) واللى كانت عايزة تتجوز عادل امام فى الفيلم اللى كان شكلها ما يعلم بية غير ربنا ………..

  10. الساده الأفاضل اللي بيدافعوا عن تلك الموظفه التي لا تستحق التواجد في هذا المكان…. لو أي حد فيكم اتشتم منها هل كان سيستمر في الدفاع عنها؟؟؟ و ده اساس المشكله مش ذيلها… و الأستاذ اللي بيقول ان فيه ضغط برضه مش هايستحمل يتشتم… و الشيئ المعروف إن معظم الوظائف بتشترط إن الموظف يكون قادر على العمل تحت ضغط….
    و يا ريت حد يتفضل و يقول فين هو الشغل اللي مش فيه ضغط على أعصاب الموظفين , المدرسين, الأطباء , دكاترة الجامعات, سائقي التاكسي.. الخ…. هل نعمم و نجعلها قاعده إن كلهم يشتموا علشان عليهم ضغط؟؟؟
    تخيل نفسك بتتشتم في كل مكان تروحه أو تحاول تأدية أحد المصالح فيه؟؟؟ و كيف ستتردى التعاملات بيننا إلى أسوأ مما هي فيه…. من لا يستطيع العمل و تحمل كافة ضغوطه و يقوم بأداء عمله على أكمل وجه… فليفسح الطريق لمن يستطيع.. أو لنقل على العلاقات الإنسانيه السويه بيننا و بين الآخرين السلام

  11. موضوع الدوروالشباكوكل واحد برقم أحسن بمليون مرة ودا فعلا طبقوه في مكتب تابع لوزارة التعليم في 6 أكتوبر بعد مشكلة حصلت فيه —
    صحيح الموظف بيعاني من الازدحام لكن ه مكان واخد راتبه ونازل من بيته على الأساس دا واللي مش قد الشغل يقعد في بيته ويسيب المكان لغيره
    والحقيقة إن المواطن والمقيم والوافد بيشوفوا الذل بعينه لما بيدخلوا المكاتب الحكومية لأن نفس موظف الحكومة عارف إن روح العميل متعلقة بإيده بسبب الاحتياج فبتكون في حركات افتعال وتمثيل عبي سخيف جدا واردة من المسؤول اللي قاعد على مكتبه
    وبيكون نفس صاحب الحاجة داخل المكتب وهو حاطط إيده على قلبه في إنه يخل حاجته من غير وجع قلب وذل
    وأكيداللي صور الفيديو واحدعانى قبل كدا من المسؤولة –مرثا — وطولة لسانها وعلشانكدا كان متحضر لها المرة دي بكاميرة الموبايل للتصوير — فتحية لكاميرة الموبايل اللي بقت تلعب دور الطابور الخامس وأحلى جاسوس لكشف الكوارث اللي مستخبية في المجتمع كلها

  12. اولا الغلط مرفوض من كل الناس وايضا تعمد اسقاط الاخرين فى الخطاء مرفوض ومش كل واحد سجل فيديو بقى دليا اى انسان ممكن يستفذ اى واحد ويبداء التصوير بمنتهى البراءاة – التدافع سلوك غير محترم وتشعر به اكثر لو كنت معرض له طوال القت بتشعر بجد انك بتتعامل مع—— لانهم فقط اللى ما بيحترموش بعض وبياخدوا دور بعض – واحنا شعب مدمن فهلوة وشطارة وحنجلة – الا ما رحم ربى – بس الحق اننا عايزين نتعلم نحترم بعض اما موضوع المناديب اللى بتلم فلوس وتخلص الشغل دى مسئولية المراقبة الادارية وادارات الداخلية وياريت تفعل لانها بقت حق مكتسب وتصنع مزيدا من عدم احترام الدور ومزيدا من الاحتقان ——- عايزين قوانين ادارية محترمة مفعلة ومراقبة صارمة على جميع المصالح الحكومية وعقوبات رادعة للمناديب وكل من يتقاضى اموال لتخطى مصالح الناس بالباطل – من شهر عقارى لمرور لصحى لتعليم الناس مش عارفة حقوقهم صح وبالتالى مش ممكن تحترم قانون لا يحترم حقوقهم بالعربى كلة بيعمل مفتح على التانى وفى الاخر الخاسر الوحيد هو المواطن المحترم

  13. احنا كدة يا مصرين نمسك المشكلة من الديل مهوا المواطن الغير محترم هوا الا غلط الاول منتظر من الموظف يعمل اية يقوم يبوس رجلة يا ناس شوية عدل بقا اللة يخربيتكو

  14. الموظف الحكومى انسان يتعرض لضغوط ومشاكل داخل وخارج بيئة العمل يجب ان نهيئ بيئة عمل سليمة ثم نبدأ نحاسب وننقد انا لا اؤيد السب والقذف ولكن تصور حضرتك انك فى مكان مطلوب منك التركيز فى العمل وكل من حولك يتكلم ويطلب عمله دون انتظار حتى ان تنتهى مما تقوم به من عمل نحن كمواطنين نشارك بقدر كبير فى عدم النظام فيجب ان نحاسب انفسنا اولا قبل ان نحاسب الموظف او مقدم الخدمة

    1. أستاذ أحمد الباز بعد التحية والاحترام لشخصك الكريم انا أسأل سيادتكم
      قد اية انت شخصيا تتعرض لضغوط فى العمل ونوع عملك شاق جدآ وخطير وحياتك لا سمح اللة والف بعد الشر معرضة للموت فى اى لحظة لكن كنا دائما لم نر فيك أى خروج عن ما يسمح لك بة القانون هل أنت من كوكب آخر الناس معادن أستاذ أحمد الباز ومع خالص تحياتى لكل أهل الكنيسة طالبية

  15. من اسوء شهر عقارى فى مصر تعمل توكيل لازم يكون على فلاشه لو كان توكيل خاص غير عادى و الموظف جالس على الكرسى يشخط وينطر والكل مستحمل خوف من ضياع الوقت وممكن يرفض يعمل التوكيل غير الوسطاء من الخارج يدخلو على الموظف بدون دور ويخلص التوكيل فى لمح البصر ..حسبيى الله ونعم الوكيل

  16. اولا فيه ضغط على المكتب باين ن ثانيا: المواطن بداء الشتيمة الأول كان المنظر ايه ، ثالثا التعامل مع الجمهور صعب
    ومفيس سب ده حال سوء الإدارة فى اى مصلحة حكومية ، تخيل لو فيه اكثر من موظف فى هذا المكتب والتعامل عن طريق السباك وبالدور وبالرقم اكيد هيكون احسن

    1. الست مرثا هانم دي قمه في قلة الادب اقسم بالله العظيم امام عيني انا بقالي 3 ايام بروح علشان اعمل صحه توقيع ومش عارف اعمله هي بتاخده من السمسار وتعمله في لمح البصر طب لازم ادفع 300ج حرام ده هو كله حولي 28ج والله المكتب ده بلذات كله فساد وبكل وقاحه تقولك روح اشتكي…فوضت الامر ليك يارب حسبي الله ونعم الوكيل…

اترك تعليقاً

لن يتم نشر عنوان بريدك الإلكتروني.