مفاجأة … قانون الخدمة المدنية الجديد لن يطبق على المعلمين
المعلمين

في مفاجأة غير متوقعة ذكرت بوابة الاهرام أن قانون الخدمة المدنية الجديد لن يطبق على المعلمين وذلك بعد أن أكد مصدر مسئول بوزارة التربية والتعليم لم يكشف عن اسمه لبوابة الأهرام أن قانون الخدمة المدنية الجديد بزيادته المالية الجديدة لن يطبق على المعلمين.

واضاف هذ المصدر المسئول بوزارة التربية والتعليم أن المعلمين يخضعون لقانون خاص بهم وهو قانون كادر المعلمين رقم 155 لسنة 2007 وتعديلاته بالقانون رقم 93 لسنة 2012 وأن القانون العام لا يلغي القانون الخاص أي أن المعلمين لديهم قانون خاص بهم ينظم أحوالهم الوظيفية الخاصة بهم.

وأكد هذا المصدر المسئول أن هذا يمكن أن يسبب أزمة كبيرة في أوساط المعلمين والذين يبلغ عددهم أكثر من مليون وأربعمائة ألف معلم إلا أنهم يجب أن يتفهموا القانون جيداً.

إلا أن هذا الكلام لم تؤكده وزارة التربية والتعليم أو وزير التربية والتعليم الدكتور محب الرافعي أو أي مسئول كبير داخل وزارة التربية والتعليم ، كما أن الجلسات التي عقدها وزير التخطيط الدكتور أشرف العربي حول تفسير قانون الخدمة المدنية الجديد لم يشر إطلاقاً إلى أن المعلمين لن يستفيدوا من الزيادات المالية الموجودة بقانون الخدمة المدنية الجديد وكل ما قاله وزير التخطيط الدكتور أشرف العربي أن المكافآت المالية التي يحصل عليها المعلمين ومنها مكافآة الامتحانات باقية كما هي وسيستمر صرفها كما كان يتم صرفها في السابق وأنه لن يضار أي موظف بتطبيق قانون الخدمة المدنية الجديد.

تابعنا على المواقع الاجتماعية ليصلك الجديد أولا بأول

التعليقات

  1. ’’’لما لا يطبق عليهم وادا كان كدلك فنحن الطلاب أيضا نطالب بالقليل من الرحمة’’’

  2. حرام المدرس ليه مايستفدشى من المعاش فى قانون الخدمه المدنيه علشان المدرس آخر واحد فى الدوله

  3. نظرة للمعلم بعين الرحمة خاصة في المعاش ازاي يكون راتب 1000 جنيه لا يكفي اطلاقا فياريت نظرة للمعلم مربي الأجيال

  4. ارجوكم معاش المعلم الذي سيخرج على المعاش كم سيكون وهل من العدل ان ياخذ معاش على الاساسي الضعيف وغيره من نفس سنه وسنين خدمته ممن طبق عليه قانون الخدمه المدنيه الجديد ياخد اضعافه في الماعاش لان المرتب الاساسي يكون زاد بشكل كبير لمن يطبق عليهم قانون الخدمه المدنيه الجديد هذا قمة الظلم وعدم تقدير للمدرس الذي فنى عمره في تعليم الاجيال على الاقل يخرج المدرس على المعاش وياخذ اخر راتب كان يقبضه في يده وه اقل تقدير

  5. ليه النظره السيئه للمعلمين دون موظفى الدوله ونظره الى المحالين للمعاش من المعلمين من راتب 3000 جنيه بالشهر الى 560 نسبه 80 فى الميه من الاساسى وهتتركوا الاجمالى لمين الرحمه والله

  6. هل يعقل ان المعلم الى يحال الى المعاش ياخد معاشه 80 فى المائه من الاساسى مثلا لو راتبه 3000 جنيه الان يحال الى المعاش على اساس الاساسى وقد يكون 700 جنيه يعنى معاشه 700 فى 80 فى المائه يعنى ياخد معاش560 جنيه ده حاجه تجنن كيف يعيش من 3000 فى الشهر الى 560جنيه جنان جنان ارحموا المعلمين

  7. انت فين يا حكومه بعد ثورتين لتحقيق العداله الاجتماعيه في الاجور بين كل العاملين في الدوله -ولا انتم عاجبكم 5 0 في السما والباقي من الشعب في الحضيض ولا تنسو ا ان سبب تقدم الامم التعليم والصحه واتمنا لكم الصواب

  8. يجب اﻻهتمام بالمعلم ﻻنه اساس العمليه التعليميه فلن تتقدم مصر اﻻ بالتعليم. الرجاء الغاء الدروس الخصوصيه مقابل زيادة مصاريف المدارس حتي تستطيع الدوله اﻻنفاق علي العمليه التعليميه مدرس منهج. مدرسه وتكون زيادة المصاريف مقابل خدمه تعليميه راقيه مع مراعاة الفقراء.

  9. الواحد ف ايام مفترجة مش عايز اطول لسانى بس اللى حصل ده ليه ؟ عشن الدولة عارفة ان اوسخ فئة فى المجتمع هم المدرسين كلاب دروس خصوصية وبس وياريت كلهم يدوب 20% منهم وعارفين مع اى مشكلة يرموا لهم عضمة يتلهوا بيها لحد الازمة ما تعدى سواء كانت امتحانات او تصحيح وعلى فكرة عمرهم ما حينطقوا وحيفضلوا زى ما هم زى ابو الهول خرس

  10. طظ فى المدرسين والتدريس الحكومه بتقول كده والمفروض أن احنا المدرسين نتقى ربنا فى الطلبه

  11. كادر ايه ال بتقلوا عليه- ؟؟؟؟ يخرب بيت ام كده
    فين هو الكادر ؟؟ حرام عليكم بقه – كرهتونا فى الشغل

    1. حرام عليكم المعلم خرج من تحت أيده القاضى الطبيب الضابط وكيل النايبه وكل فئات المجتمع المتعلم التى تقاضي أعلى المرتبات في الدولة

  12. احنا كده افضل من غيرنا والانسان مهما صرف من فلوس برضى يقول تانى 00الحدلله أفضل من كل شىء

  13. العداله فى توزيع الاجور مطلب من قديم الازل والمساواة بين المؤهلات العلمية فى جميع الوزارات والمصالح والهيئات هى دى اساس العداله بمعنى المؤهل العالى ( بكالوريوس او ليسانس ) فى العدل = البترول = الكهرباء = الصحه = التعليم = المالية === لان كل واحد منهم بيخدم بلده فى مجاله وتخصصه يبقى ليه نفرق بينهم الكل واحد

  14. المعلم فى مصر مهان بيروح الفصل بجزمه مقطعه وهدومه الداخليه ربنا هو اللى عالم بيها وواقف امامه طالب لابس جزمه ب 500 جنيه وتيشرت وبنطلون ب 1000 جنيه ويمكن اكتر بالذمه حيحترم المعلم بعد كده ازاى وعلى فكره اكتر من 90% من المعلمين مابيدوش درو خصوصيه

  15. والموقف في المعاشات بالنسبة للمعلمين ماموقف القانون منه؟ احنا يهمنا المعاشات مادام مافيش زيادات

  16. لبسنا الكادر وخلاص
    هوه فيه حد فاهم ولاعارف حاجه
    مزيد من الانهيار …..اصل التعليم هو اساس بناء الامم…..ده فى الخطب وخلاص ….تصفيق….

  17. البلد مباعة الصح معروف لكن محدش عايز يعمله باختصار علشان لو اخذت حقك هتفكر ولو فكرت هتتعبهم افهموا بقى، والله انا لا انتمى لأى حزب .

  18. الكادر الذى اعطوة للمعلمين مقابلة اعطونا زيادة فى عدد الحصص فمثلا المعلم الخبير والذى سنة فى الخمسين بنعطى 17 حصة فى الاسبوع وكان قبل الكادر 6 حصص فقط واللة العظيم دة ظلم اين نقابة المعلمين ولا هى فالحة فى الرحلات انقذنا يارئيس الجمهورية الذى عندة دبلوم فى الكهرباء او اى وزارة اخرى بينفتح لة باب العربية

  19. يعنى المعلم سيظل مظلوم وبيطالبو بالنهوض بالتعليم هههههههههههههههههههههههههههههه تب ازاى ومفيش عدالة

  20. العدالة الاجتماعية يابشر كل اللى عايزينو المرتب يكفى الشهر من غير ديون لأن المرتب لايكفى سوى فواتير الشهر وهى الكهرباء والمياة والعيش والتليفون بالمعنى المرتب لايكفى سوى عيش حاف ونقضى الشهر بالديون .والله احنا من جنس بنى آدم زيكم ارحمونا لينا ايدين ورجلين وعينين مثل الذين يشتغوا فى وزارة الكهرباء والبنوك والبترول مش بنطلب المساواة فى المرتب ولكن عايزين المرتب يساوى الأسعار المرتفعة لأن اللى احنا فيه موت بالبطيئ

  21. العدالة الاجتماعية الذى يطبق على واحد يطبق على الكل ولا المعلمين ولاد البطة السودة . وازاى عايزين من المدرس يبطل يدى دروس خصوصية والمرتب الشهرى فى هذة الايام البيضة لا يقضى عيش حاف يادوب على قد فاتورة الكهرباء والمياة والتليفون والعيش الحاف وباقى الشهر ديون . مش ده حرام وظلم مش يرضى ربنا . كل اللى احنا المعلمين عايزينه هو المرتب يهيئ لنا عيشه كريمة مثل باقى الموظفين فى باقى الوزرارات مثل الكهرباء والبترول والبنوك والله احنا زيهم حاصلين على مؤهل عالى ولينا ايدين وعينين ورجلين زيهم يعنى من جنس بنى آدم

  22. حسبى الله ونعم الوكيل المعلمين لا إشمعنى ليه بتضطهدوا المعلمين ؟؟؟وعايزين التعليم يبقى احسن والبلد تتقدم وتحاربوا الدروس!!!!! ليه حق المعلمين يدوروا دروس مادام محدش بيديه حقه

  23. آآأاأاااااااااااااآه مافيش فايدة كله فى الطراوة تمخض الجبل فولد فارا قال عدالة اجتماعية طيب انسي انسى بلد مرار المفروض قانون واحد على كل الناس مفيش فرق غير طبيعة العمل يعنى ايه واحد واخد بكالرىوس تجارة يشتغل فى ارشىف مجلس المدينة وزميله شغال فى التكييف يعنى فى بنك ___زييييييطة زيييييطة الواحد كان نفسه يشوف عدالة اجتماعية قبل ماي……ّ.. ربنا يرحم

  24. قارن بين مرتبات كل من موظفي وزارة المالية والكهرباء والبترول والمعلمين وستجد حجم الظلم الواقع على المعلمين ثم نتعجب من مستوى التعليم في مدارسنا٠

  25. هل هذا القانون سيطبق على القطاع الخاص قطاع السخره ام هم خارج حسابات الحكومه افيدونا يرحمكم الله

  26. اذا اهدرت المعلم واهدرت التعليم واذا اهدرت التعليم فانت تخدم الاعداء والحدق يفهم؟

  27. ما يطبق من علاوات أو زيادات على العاملين فى الدولة يطبق على المعلمين وهذا منصوص عليه فى قانون الكادر فلا ضير من تطبيق قانون الخدمة المدنية أو عدم تطبيقه على المعلمين لأن المراد فى نهاية الأمر للجميع الاستفادة المادية وفيما عدا ذلك فلا يهم. (وجهة نظر)

  28. كتب علي المعلم ان يضحي من اجل العلم والتعلم ولا يكفي كمان علية التضحية وعلية ايضا ان يرثي قواعد الصدق والامانة والقدوة الحسنة وان يكون في منزلة العلماء وتكسير كل قواعد التخلف والفساد والله المستعان علي البرقراطية وطالب جاهل في زمن رديء لابعرف الا المال ومنهج عقيم يريد التبديل والتغيير الي التقدم والاذدهار بعقول متغتحة وواعية نحو النماءوالانتاج وسلم علي الاداري والروتين

  29. لا قيمة للتعليم في مصر ولا قيمة للمعلم لن ينصلح حال التعليم الا باصلاح حال المعلم وعجبي عليك يا سيسي الا انك متكلمتش ولا مره عن التعليم ولا الصحه حال البلد اصبح لا يطاق

  30. الرئاسة ومجلس الوزراء خرجوا من القانون علشان صغير عليهم أما المعلمين فسبب تخريجهم من القانون لأنه كبير عليهم .. وعجبي على بلد 360 درجة رجوع للوراء وبقوة الصاروخ وبركاتك يا سيدي السيسي

  31. الغريب فى الأمر أن بعض الناس العاملين فى التربية والتعليم تطالب بتطبيق القانون عليهم والبعض الأخر يتخوف من تطبيق القانون فأيهما على صواب لأنكم حيرتونا

  32. التقارير الكفء والعلاوات تعطى للمقربين المنافقين وليس للمخلصين فى عملهم ولكن يكفيهم اجرهم من الله

    1. الكادر الذى اغطوة للمعلمين مش ببلاش كان المقابل رفع النصاب الى 17 حصة بدل 6 حصص بالنسبة للمعلم الخبير الذى اصبح سنة فوق الخمسين مثلى الموظف فى البنك ابو دبلوم قاعد فى التكيف واجرة اكبر من المعلم هو العلم البطة السودة

أضف تعليقاً

لن يتم نشر عنوان بريدك الإلكتروني.