ننشر أبرز مشكلات نتيجة مسابقة التربية والتعليم وحلها
وزير التعليم محب الرافعي

نقدم لكم أبرز مشكلات نتيجة مسابقة التربية والتعليم بعد الإعلان عن نتيجة مسابقة 30 ألف معلم وأخصائي مساعد بعد الإعلان عنها من قبل السيد الوزير محب الرافعي وذلك فى مؤتمر صحفي السبت، ورغم أنه تم إختيار عدد 28 ألف معلم فى التعليم العام وحوالي ألفي معلم فى التعليم الفني، ورغم مبدأ الشفافية الذي تحدث عنه وزير التربية والتعليم فى المؤتمر الصحفي من أن الأسماء تم إختيارها بشكل شفاف ونزيه، إلا أن نتيجة المسابقة أبرزت عدة مشكلات ننفرد فى موقع مصر فايف بعرضها ونعرض الحلول التى نراها من وجهة نظرنا أفضل وكانت وزارة التربية والتعليم قد طرحت استمارة تدقيق البيانات لجميع المتقدمين فى مسابقة 30 ألف معلم .

مشكلات نتيجة مسابقة التربية والتعليم .

1- عدم الأخذ فى الإعتبار قدامي الخريجين .

لعلها من أبرز المشكلات والتى إتضحت حينما تري أن عامل السن لم يوضع فى الإعتبار عند الإختيار مما جعل كثيرون تضيع عليهم فرصة ربما تكون الأخيرة لهم فى سباق مارثون مسابقات التربية والتعليم نظرا لكبر سنهم وهو مايجعل فرصهم ضئيلة فى الإختيار فى المرات القادمة، حيث تم الإستناد لعامل التقدير فى المقام الأول، وهو مايعني أن تقديرات جيد أو مقبول على سبيل المثال ستكون فرصها معدومة تماما فى الحصول على وظيفة عبر مسابقات التربية والتعليم القادمة .

2- عدم منطقية بعض النتائج .

لاحظنا عدم منطقية فى بعض النتائج حيث أنه كيف يكون خريج على سبيل المثال عام 2013 وقد حصل على ماجستير أو أخر خريج 2011 وقد حصل على ماجستير ودكتوراه، وهو ما يعني ضرورة إستبعادهم وإحالتهم للنيابة العامة حال ثبت تزوير تلك البيانات المدخلة على موقع مسابقة التربية والتعليم منذ البداية وحتى الأن .

3- قلة الأعداد المختارة فى كل تخصص .

لاحظنا على سبيل المثال مادة كالدراسات الإجتماعية تم إختيار 350 متقدم تقريبا بينما تم وضع الألاف فى قائمة الإحتياطي وهو مايعني تلاشي فرصهم فى الحصول على فرصة فى المسابقات القادمة .

4- عدم وضع كل محافظة على حدة .

لم تراعي المسابقة التخصصات التى تحتاجها كل محافظة على حدة فلم يتم ترتيب المتقدمين بناء على أقرانه من أبناء المحافظة الواحدة وإنما تم بناء على ترتيب المتقدمين فى كل الجمهورية فى نفس التخصص وهو ماجعل فرصه تتضائل تماما فى الحصول على فرصة ضمن 30 ألف وظيفة، وإن كنا نري تلك الخطوة أمر جيد لأنها أتاحت نوع من المساواة والعدالة بين جميع المتقدمين .

5- جدوي مسابقة التربية والتعليم.

بعد ظهور نتيجة مسابقة التربية والتعليم لاحظنا عدم وجود أى جدوي من مسابقة التربية والتعليم نظرا لأن الإختيار كان بناء على التقدير الأعلي كما ينص القانون وهو ماجعل نتيجة مسابقة التربية والتعليم لاطائل منها رغم أنها كلفت الكثير من الجهد والعناء على المتقدمين وكذا ربما الكثير من المال أيضا، حيث كان التقدير هو العامل الحاسم فى الموضوع، حيث لاحظنا وجود متقدمين تم إختيارهم فى قائمة الأساسي رغم أن درجاتهم فى الإختبار ضئيلة .

6- غموض موقف من هم فى قائمة الإحتياطي .

حتى الأن لايعرف من هم فى قائمة الإحتياطي مصيرهم، وماذا يجب عليهم فعله بعد ذلك وهل أنهم سيتم إختيارهم فى مسابقات أخري أم وجب عليهم التقديم من جديد، وهو مايجعل على وزارة التربية والتعليم دورا كبيرا فى إيضاح الصورة كاملة أمام الرأي العام بالنسبة لهذا الشأن.

ويضع موقع مصر فايف نافذة لكل المتابعين من أجل طرح مشكلته فى نتيجة مسابقة التربية والتعليم ليتم الرد عليكم، ولكن الرد يتم بشكل غير رسمي حيث أننا مجرد مقدمي للرأي ولسنا مفوضين من جانب وزارة التربية والتعليم فى حل المشكلات هذا للعلم، وبالتأكيد يسعدنا تواصل وزارة التربية والتعليم فى حل تلك المشكلات العالقة فى أذهان كل المتقدمين ممن لم يصبهم الدور فى الإختيار فى مسابقة التربية والتعليم . 

تابعنا على المواقع الاجتماعية ليصلك الجديد أولا بأول

التعليقات

  1. نفسى اعرف ليه اتكتبلى فى النتيجة انى ليس لديا مؤهل اعلى على الرغم من حصولى على دبلومة خاصة اى تمهيدى ماجستير سنتين جامعيتين بعد التخرج واننى فى الاساس خريجة من كلية التربية وقالو ان الدبلومه ماهى الامقرنة بين الخريج التربوى وغيره من الكليات الاخرى طيب واللى تربوى فى الاساس ومعاه دبلومة مثلى ضاع حقة من حملة الدراسات العليا ياريت المسؤلين تنظر بعين الاعتبار لى ومن مثلى لاننا اكثر كفائه من غيرنا فى التعيين

  2. ئج لـ: انا مجدى من سوهاج تربيه رياضيه اتعينت ببنى سويف وعايز ابدل مع اى حد من بنى سويف مكانه اسيوط او سوهاج او قنا او الاقصر

  3. ئج لـ: انا مجدى من سوهاج تربيه رياضيه اتعينت ببنى سويف وعايز ابدل مع اى حد من بنى سويف مكانه اسيوط او سوهاج او قنا او الاقصر

  4. يا رب انتقم من كل ظالم وكذاب فى المسابقة دى كل شوية يقولوا كلام وقرارات ويغيروها حتى اللى عينوهم بهدلوهم اظاهر ان مصر مدعى عليها بالظلم والفساد من ايام فرعون وعمرها ما هتتصلح نفسى اعرف يا شويه فسده كان لصالح مين كل اللى حصل من بداية اعلان المسابقة الى النتيجة يا ترى هوه ده تكريم المعلم يا ريتك خليته احتياطى حالا غيرت رايك يا فاسد وقلت هينتهى بعد انتهاء المسابقة نازل تقول الثانوية العامة والامتحانات ايه لزمتها الشهادة يا فاسد محنا باعلى الشهايد فى الشارع

  5. هل من الممكن ان يدخلو التخصصات فى بعضها بمعنى تخصص تكنولوجيا التعليم ينقسم فى السنة الثالثة الى قسمين وهما تخصص تكنولوجيا التعليم شعبة عامة وتخصص معلم حاسب الى وبناءا على هذا يتم فى شهادة التخرج الفرق ويوضع كل مؤهل فى تخصصه وتخصص تكنولوجيا التعليم شعبة عام يتم م وضعة فى اخصائى تكنولوجيا التعليم وليس يتم اختيار معلم الحاسب الالى فما مصير شعبة تكنولوالجيا التعليم الشعبة العامة والله حرام……………………..

  6. المسابقة مخالفه للقانون 155 لسنة 2007 حيث اعتد فى التقدير الواحد على درجة الاختبار فقط ولم يعتد على درجة النسبه المئويه للتفدير مخالفا للقانون وهو مانص عليه القانون الاعلى فى التقدير

  7. انا من قدامى التخرج دفعة 2004 تربية عام انجليزى حرااااااااااااااااااااااام يافندم نظام كليتنا لا تصلح لاى وظيفة غير انى اكون مدرس وانا عايشة على امل المسابقة ليا 11سنة وفى الاخر احتياطى يعنى ايةالتقدير دفعة 2014 مش هيحصلة حاجة لو انتظر كام سنة ما ادينا عايشين وتاخذ كل المتبقى فى الدفعات القديمة وكدة تبقى حصرت عندك اية بطالة ولا كليتى بقت زى اللى واخد دبلوم ملهاش اى لازمة طيب اشتغل اية وانا الدولة لاتتيح لى اى فرصة غير التدريس من فضلكم توصلوا صوتنا لانى تعبت من الكتابة دون جدوى

  8. يا ريت يا جماعة حد يوضحلنا ايه موقف احتياطى المسابقة من التعيين ولا الناس دى كلها عبارة عن عبيد مرصوصين على الورق وخلاص وعيزين ضمان لحقوق كل الناس اللى امتحنت ونجحت يالا تحولت المسلبقة من تكريم المعلم الى اهانته وضياع حقه ولا بعد ما عشمتونا بالتعيين هترمونا فى الشارع وردا على كلام الوزير اللى بيقول قدامى الخريجين شويه جايبين مقبول عايزين يتعينوا يا فندم ناس كتير جايبة جيد جدا وتربويين ومحضرين دبلومة ومن القدامى ومتعينوش

  9. انا خريج ٢٠٠١ تقدير جيد ودرجتي في الاختبار ٨٩ بعد غياب لمدة ١٤ سنة بعيد عن التربية والتعليم واحنافي سنه تانية كلية اتلغي التكليف ودكاترة الكلية مكانش عندهم اي ضمير في تصحيح الامتحانات وفي الاخر احتياطى بعد طول انتظار لسنين طويلة حسبي الله ونعم الوكيل في كل من ظلمني وظلم غيري

    1. اتقوا ربنا في قدامى الخريجين حرام عليكو كفاية ظلم ليهم واياكم ودعوة المظلوم

  10. متخرجة من 15 سنة يا وزير التربية والتعليم يا ظالم هات كدة اى دولة ترمى خرجيين الكليات 15 سنة دون عمل انا مدرسة مقدرش اشتغل حاجة تانية انا اعرف شباب اشتغلو قهوجية عشان تتبسط وتقول محاربة البطالة يا ظالم ربنا يقعدلك كل دعوة ام دعت عليك في صلاتها يا وزير يا فاشل وبكرة هتتشال منها باذن اللة

  11. يعنى من الاخر كل الاعتراض على فرصة قدامى الخريجين لان كدة بتضيع فرصتنا احنا كنا قربنا ننسى التعيينات وانتوا ادتونا امل وبعديين ضحكتوا علينا محدش يقول مسابقة تانى وسبونا نحاول ننسي

  12. ان دفعة 98 و لم احصل على وظيفة وتقدمت للتربية والتعليم واجتازت الاختبارات بنجاح ووجدت اسمى فى الاحتياطى و هى اخر فرصة فى التعيين نرجو من سيادة الرئيس التدخل لمعرفة مصير الخريجين الاكبر سنا ولا توجد امامهم فرصة ثانيةفى التعيين مثل من هم فى نفس سنهم و حصلوا على وظيفة عن طريق الوسطة او اى طريقة اخرى نرجوا من سيادة الرئيس التدخل كان اللة فى العون وشكرا تحيامصر تحيامصر تحيا مصر

  13. لما هم عايزيين يعينوا اوائل الدفعات كانوا قالوا كده من الاول و خلاص بدل الهيصه اللى عملوها دى كلها على الفاضى و روحوا هنا و تعالوا هناك و افسدوا علينا الاستسلام اللى كن فيه لو سمحتوا لو لسه عندكم شويه دم سيبونا بقى فى حالنيا حكومه و كل واحد صار على بلاه

  14. اتقوايوم يقول الله فيه لمن الملك اليوم لله الواحد القهار لا ظلم اليوم لاظلم اليوم حسبى الله فى كل من تسبب فى ظلمى لاننى تعبت كثيرا فى حصولى على شهادتى حاصلة على ليسانس اداب وتربية علم نفس 2002جيد جدا ودبلومة خاصة فى التربية سنتين جامعيتين بتقدير جيد ودرجت فى خانة الاحتياطى مع العلم بنجاحى فى الاختبار الخاص بالمسابقة 6059 فماذا افعل حتى اتعين وقد عين فى المسابقة اقل منى فى المؤهل ودفعات حديثة جدا 2013و2014

  15. يا جماعة اللى زينا من قدامى الخريجين يخدوها من اصرها ,,,,المسابقة دى اشتغالة صدقونى ,,,,انا كنت حاطط امل 5 فى الميه انى انجح على الرغم ان محافظتى البحر الاحمر فيها عجز فى تخصصى ,,,,,احنا منتظرين ايه من الاشكال دى ؟؟؟تطبطب عليك و تحنو عليك ؟مستحيل

  16. انا معى ليسانس اداب دفعه2000 ودبلومه تربوى انا تعبت وفاض بى اعمل ايه هو فى حد بردو بيشتكى الحكومه ياجماعه دا احنا مش حناخد حق ولاباطل منهم انا من قدامى قدامى الخريجين ومن احتياطى المسابقه المصونه كانى لاعب كره مستنى دوره بس للاسف راح دورنا من ز مان ودى سياسه انهم يعينو الجدد والقدامى على كده راحت عليهم كل الفرص والسن عقبه لهم انا اروح لمين اخد حقى منه انا تعبت حرام عليكم حسوا بينا انتو عيشين واحنا ميتين والله والاموات احسن منا لانهم فى دار الحق واحنا فى دار الظلم حرام حرام عليكم حسو بينا نصرخ بصوت عالى هو حد حيسمعنا ولايعبرنا احنا نهاجر ونسيبك يا غاليه يا مصر يا اعز من اولادى اللى عندما يمرضوا ما يجدوا علاج ولا عندما اقدم لهم فى مدرسه مالهمش مكان ده يرضى مين علشان الاب والام متعلمين ومالهمش مكان فى تعين الحكومه هم ذنبهم ايه حرام عليكم انهم من البلد دى بلد الظلم والكوسه للانهم مش فى عهد سيدنا عمر رضى الله عنه صرخخخخخخخه الى الرئيس السيسى يارب الشكوى توصله

  17. خريجة 2002 ليسانس اداب وتربية علم نفس بتقدير جيد جدا ودبلومة فى التربية سنتين جامعيتين وفى الاخر احتياطى لحد امتى طب ما احنا من ساعة ما اتخرجنا احتياطى

  18. اناتقديرى جيد جدا مع مرتبة الشرف ودرجة الاختبار 62 ولكن ترتيبى احتياطى وخريج 2008 حسبى اللة ونعم الوكيل

  19. اين الحلول عرضين المشاكل بدون حلول ما تقولوا للوزير اين الحلول امال هو وزير لا يعرف تلك الحلول شاطر عمال يستزئ بالناس

  20. استغاثة اخصائى التطوير .. حيث انه لم يوجد عند التقدم للمسابقة وظيفة اخصائى تكنولوجيا ولكن عند النتيجة وجدنا ان هناك من تم تعيينه فى هذا التخصص وتسكينه فى محافظتنا .. ونحن اغلبنا غير مسكنين فى محافظتنا والمتاح لنا فقط 6 محافظات على مستوى االجمهورية .. مع العلم ان كل من اخصائى تكنولوجيا واخصائى تطوير هو مسمى وظيفى واحد .. على سبيل المثال .. انا خريج كلية التربية النوعية كفر الشيخ – تكنولوجيا التعليم – شعبة عامه .. تقدير عام جيدا جدا … لم يتم تسكينى فى المحافظة (اخصائى تطوير) .. فى الوقت الذى تم تسكين فيه الحاصلين على جيد فى ( اخصائى تكنولوجيا ) فى نفس محافظتى .. ونحن نفس الكلية .. ونفس القسم .. ونفس الشعبة .. ونفس الوظيفه ! … بل اننى صادفت .. سيدة من اخصائى تكنولوجيا تشكو من انها غير مسكنه ومحافظات التسكين بعيده عنها من ضنهم ( كفر الشيخ ) وهى محافظتى .. فهل من العدل ان اسكن خارج محافظتى لخطأ فى المسمى بين اخصائى تطوير واخصائى تكنولوجيا

  21. مشكلة اخصائى التطوير .. لم يوجد عند التقدم للمسابقة وظيفة اخصائى تكنولوجيا ولكن عند النتيجة وجدنا ان هناك من تم تعيينه فى هذا التخصص وتسكينه فى محافظتناا .. ونحن اغلبنا غير مسكنين فى محافظتناا والمتاح لنا فقط 6 محافظات على مستوى االجمهورية .. مع العلم ان كل من اخصائى تكنولوجياا واخصائى تطوير هو مسمى وظيفى واحد .. على سبيل المثال لا الحصر .. انا خريج كلية التربية النوعية كفر الشيخ – تكنولوجيا التعليم – شعبة عامه .. تقدير عام جيدا جدا … لم يتم تسكينى فى المحافظة (اخصائى تطوير) .. فى الوقت الذى تم تسكين فيه الحاصلين على جيد فى ( اخصائى تكنولوجيا ) فى نفس محافظتى .. ونحن نفس االكلية .. ونفس القسم .. ونفس الشعبة .. ونفس الوظييفه ! … بل اننى صادفت على جروب الوزاره .. سيدة من اخصائى تكنولوجيا تشكو من انها غير مسكنه ومحافظات التسكين بعيده عنها من ضنهم ( كفر الشيخ ) وهى محافظتى .. فهل من العدل ان اسكن خارج محافظتى لخطأ فى المسمى بين اخصائى تطوير واخصائى تكنولوجيا

  22. انا اسمى فى الاحتياطى وانا من قدامى الخرجين وهذة اخر فرصة لدى فى العمل فهل لنا مسابقة اخرة ؟

  23. راعواااااااااااااااااااااااااااااااااااقدامى الخريجيين ارحمووووووووووووووووهم

  24. اللقاء دا كان يوم 17-1-2015 فى برنامج صباح الخير يامصر على القناة الاولى المصرية فى الدقيقة 21 من اللقاء اجاب الوزير عن المعاير والتى سيتم عليها اختيار الـ 30 الف معلم بانة اولا: التقدير بالكلية ثانيا: الؤهل الاعلى ثالثا: الاقدم تخرجا رابعا: درجة الاختبار خامسا: الاكبر سنا … ولكن ظهرت النتيجة عكس ما قالة الوزير وتم تبديل رابعا مكان ثالثا ولذلك ظهر عدم الرضا عن النتيجة .. ومن المعروف والثابت ان الشغل فى الحكومة تكاملى بمعنى اخر ان مش كل وزير يشتغل بمزاجة وملوش دعوة بلوزير اللى قبلة ..خصوصا ان المسابقة دى محسوبة على ابو النصر .( وربنا يولى من يصلح)

  25. استغاثه الى الرئيس السيسي انا تقديرى جيد جدا مع مرتبه الشرف الاولي خريج دفعه 2006 نجحت في المسابقه ولكن في الاحتياطي ارحمونا اعزكم الله

  26. لا نريد سوى العمل بعقد بالاجر او بالحصة بالمقابل الذى تراة الوزارة لانتظارنا سنوات عديدة بلا عمل مع اجتيازنا الاختبارات بأعلى الدرجات وحصولنا على المؤهلات والدبلومات التربوية وفى النهاية يكون مصيرنا الشارع نرجوكم الرأفة لظروف حياتنا القاسية !!

  27. أستغاثة الى الرئيس عبد الفتاح السيسى يا سيادة الرئيس انا خريجة 2003 ولم اجد فرصة لتعينى وحينما تاتى الفرصة تضيع كدة بسهولة اسمى نازل احتياطى والمفروض يرتبوا الاسماء بالاقدمية لان احنا ملناش فرصة تانى للتعين ساعدنا يا رايسنا من فضلك

    1. انا خريج 2009 كان نفسى فى فرصة عشان اتعين واكون مدرس زى اى حد خلصت كلية الاداب وعملت دبلومة اة التقدير مش هو بس اعمل اية ربنا عاوز كدة بس العقل بيقول اخد الناس الاقدم تخرجا الى باقلهم سنين مستنين نص فرصة ولا اقضى على املهم الواحد اتخنق من دى دولة لسة الوساطة فيها بس ربنا موجود /احنا تعبنا/ واللة فى مدرسين ماعارفين حاجة والاسم مدرس لوكانت مادة الدراسات الاجتماعية مالهاش لازمة عشان يا محب بية تاخد منها350 بس ريح نفسك والغيها خالص وخلى المسرح والرسم والموسيقى والالعاب هو دة مصير التعليم يا عم شغلنا ولو بالحصة/حسبنا اللة ونعم الوكيل فى كل واحد عمال يتحكم فينا وسلملى على مصر /احنا ما لناش غير ربنا/هو المدبر والقادر على كل شىء/m.g/ المفروض اكون مدرس /وبيقولى مسابقة /دى كوسة

  28. انا خريجه 2001 اداب لغه عربيه مقبول وعملت تربوى تقديرى فيه جيد جدا وعملت بالحصه 3 سنوات وقدمت فى المسابقه ونجحت بنسبه 84 %وانا دلوقتى عندى 35 سنه وحطينى فى الاحتياطى ممكن اعرف امتى ممكن اتعين مع العلم انى محتاجه الشغل جدا والمدارس الخاصه مبتشغلش غير بالواسطه برضه ضاع حقنا زمان ايام حسنى مبارك وقلنا منه لله ضيع جيل التلاتينات كلهم ودلوقتى اخترنا رئيس بنثق فيه وقلنا هيدينا حقنا ممكن يا ريس تقولى حقى فى البلد دى هيرجعلى امتى كان املنا انهم يختاروا القدامى عشان دى اخر فرصه ليهم يعنى خريج 2014 لوقعد كام سنه مش هيجراله حاجه احنا قعدنا 14 سنه على امل ودلوقتى بعد المسابقه لو متنا حتى محدش هيحس بينا كل اللى هقوله لنا الله يا رب انت السند والمعين

  29. انا دفعت 1999 تقديرى جيد ودرجة اختبارى 52,6% تعليم فني تخصص ملابس وترتيبى احتياطى واللة دى ظلم وانا تعبت كتير كى احصل على وظيفة ولم اجدودى اخرفرصة اتظلمنا فى اللاول من 14 سنة واتظلمنا تانى بعدثورتين حسبى اللة ونعمة الوكيل فى كل ظالم

  30. يقول ياسر ابو شادى [email protected]:

    خريج عام 1998 كليه الاداب تحصص لغة فرنسية وحاصل على دبلوم عام تربوي طرق تدريس 2000 تم ادراج اسمى فى قائمة الاحطياطى وكل ذنبى انى تقديرى مقبول ومع العلم انى حصلت فى درجات الختبار على 65.3 اعلى بكثير من الحاصلين على ماجيستر ودكتوراه والله حرام راعوا كبار السن وقدامى الخريجين

  31. استغا ثة الي رءيس عبد الفتاح السيسي
    انا من المنيا اتخرجت من عشر سنين واجتذت الا ختبارات بتفوق وفو جءت بان
    اسمي في الاحطياط لان تقديرى مقبول

  32. استغاثة الى الرئيس عبد الفتاح السيسى حقنا ياريس فى التعين انا فى الا حتياطى وانا خريجة 2002 هتعين امتى فرصتى ياريس راحت خلاص انجدنا يا ريس احنا اولادك من دمياط

  33. مشكلتى انا اقيم فى البحر الاحمر قسم رياض اطفال تقدير جيد جدا لقيت اسمى فى الاحطياطى واقل من فى نسبة التركمى اساسى انا2007 والاساسى 2013 يردى مين والمطلوب فى الحافظه 47 الوزاره ارسلت الاساسى 12 وشكراااااا

  34. نناشد السيد الرئيس عبد الفتاح السيسى ومعالى رئيس الوزراء / من خلال برنامجكم المحترم وشخصكم المحترم لتوصيل صوتنا للمسئولين فى حال وقف او الغاء مسابقة ال30 الف معلم بعد الشوائب والتزويرات التى شابتها وصنعت ازمة ثقة بين المواطن والحكومة ,لذلك نناشد ونرجوا من سيادتكم ان يكون البديل هو اختيار من هم سبق لهم العمل بالحصة فى السنوات السابقة فى 2007 وما قبلها على مستوى الجمهورية وهؤلاء عددهم لا يتجاوز 10 الف على مستوى الجمهورية وهم احق الناس بالتعيين لانهم خدموا العملية التعليمية سابقا ولديهم الخبرة الكافية بالتدريس ومنهم من قام بالتدريس بالحصة لمدة عام او عامين او ثلاث اعوام متصلة , ونناشدكم ايضا اسوة بزملائنا اصحاب المؤهلات المتوسطة باسوان الذين عملوا بالحصة عام 2007 وما قبلها وتم اعادتهم للعمل بمدارسهم باسوان , بعد موافقة الوزير وموافقة المحافظ ,كذلك نحن نطالبكم ونناشدكم اسوة بهم استعينوا بنا واعيدونا لمدارسنا باسوان , ونحن على اتم الاستعداد للقيام بالعمل الذى تعودنا عليه واحببناه ,ومن ناحية اخرى قانون العمل الجديد ينص على ان العامل يقضى 6 اشهر فى مكان العمل ثم يثبت ونحن قضينا سنوات بالتدريس بالحصة فى التربية والتعليم فاين حقنا طبقا للقانون , نناشدكم ونناشد قلوبكم الرحيمة ان تنظروا لنا بعين الرحمة ولمطالبنا المشروعة نظرة الاباء لابنائهم ,وشكرا لكم .

  35. نشكر اسره مصر فايف لمجهودها لنا فى مسابقه 30 الف معلم ونريد استفسار حول مصير الا حتياطى بعد لما يخدوا منهم بعد فرز الا ساسى المخالف فما مصير باقى الا حتياطى
    شكرا لكم

  36. استغاثه الى الرئيس السيسي انا تقديرى جيد جدا مع مرتبه الشرف وبقالى 5سنوات متخرجه وقدمت فى مسابقه 30الف معلم وكنت فى كشوف الاساسيه وبالرغم من ان محافظتى محتاجه تخصصى ومع ذلك لم ينزل لى تسكين بمحافظتى فما هو مصيرى اذا انا من ساكنى الغربيه ويتم تسكينى فى محافظه بعيده عنى جدا معنى ذلك اما ان اترك زوجى واولادى وعائلتى وانتقل الى المحافظه التى تم تسكينى بها او ارفض ان استلم الشغل بعيدا عن عائلتى وتضيع عليا فرصه تعينى وبكدا تكون الحكومه تخلصت منى باننى لن يكون لى الحق فى طلب وظيفه وهل هذا هو العدل وهل من العدل ان تكون سكنى واسرتى فى الدلتا ويكون عملى فى اقصى الجنوب …. ارحمونا اعزكم الله

  37. شغلونا بالاجر 500 جنية للناجحين فى الاختبار انتظرنا سنين لهذة المسابقة وفى النهاية مصيرنا الشارع هو دة العدل اللى استنيتة من بلدى بعد ثورات مش لاقىين ناكل عيش !

  38. ياريت كل قدامى الخريجين علشان حقة لايضيع يسئل اى محامى عن الاجراءات القانونية لرفع قضية باقصى سرعة حتى لا يضيع الحق حتى لو وقفت لوحدك امام القاضى هاتعرف تدافع عن حقك والحمداللة القضاء المصرى عادل ولا يرضى بالظلم

    1. ياأستاذ سامح نحن قدامى الخريجين لنا جروب على الفيس (بأسم قدامى الخريجين) ومعانا المحامى وسوف نقوم برفع دعوى قضائية ياريت تشاركنا .
      أخيك شيخ قدامى الخريجين
      شريف
      بكالوريوس علوم وتربية
      قسم كيمياء وطبيعة
      01229957798

أضف تعليقاً

لن يتم نشر عنوان بريدك الإلكتروني.