لعشاق الكشرى المصرى بطعامته والكبده ، نقدم لكم اليوم اكلة تجمع بين الاثنين ، كشرى مصرى بالكبدة ، غاية فى الروعه وبطعم مميز ، بطريقى سهلة وبسيطة ومميزة لتغيرى من روتين الطعام وتقليديته ، اليكم المقادير والخطوات .
طريقة عمل الدقة :
6-8 فصوص ثوم
3 ملاعق صغيرة كمون
شطة حسب الرغبة
لمون حسب الرغبة يفضل 2 لمون كبير
ملح
خل حوالى 4 معالق كبار
اخلطى المكونات وسبيهم يغلوا لمدة 5 دقايق على النار وبعدين ارفعيهم
طريقة عمل الكبدة :
4-6 فصوص توم كباراو ممكن بطلة كبيرة
معلقه صغيره كمون
قليل من الفلفل
فنجان خل
عصير ليمونه
فلفل حامى حب الرغبه
معلقتين زيت فى طاسة وبعدين ضيفى لها نص المكونات السابقة ولما تغلى ضيفى الكبده
ولما تقرب تنشف نضيف نص التانى ونسبها تتشرب وتستوى على نار هادية وضيفى ماية لحد ماتستوى اذا لقتيها بتنشف ولسه مستوتش
طريقة الحمص والعدس الاسمر والبصل:
اولانسلقهم عادى فى ماية كل حاجة لوحدهاولما يقرب يستوى نضيف الملح
البصل هنقطعة طرنشات رفيعة ونرش علية حبة نشا ونقلية ونطلعة .
طريقة الارز والمكرونة :
الرز بيتعمل رز بشعرية بالطريقة العادية خالص ونسلق برضوة المكرونة عادى وتكون مكرونة صغيرة
اما ازاى هنقدمها فالخطوات كالتالى
(هنحط الرز بالشعرية وبعدين المكرونة وبعدين العدس والحمص وبعدين البصل وبعدين نحط حبة دقة وبعيدين نضيف الكبدة وفوقيها حبة دقة تانى)
